A Dãniyɛlle 4:22 - WẼNNAAM SEBRE 2014

²² ‹B na n diga yãmb n yiis ninsaalbã sʋka, tɩ yãmb tɩ vɩɩmd ne we-rũmsi. La b na n kɩtame tɩ yãmb wãbd yamd wa niigã. Meenem na n dʋʋga yãmba, la yãmb na n vɩɩmda a woto tɩ ta yʋʋm a yopoe, hal tɩ yãmb wa n bãng tɩ yaa Sẽn-Ka-To n so ninsaalbã naamã fãa, la bãmb kõt-a-la b sẽn dat-a soaba.

A Dãniyɛlle 4:22 Iomraidhean Croise

Sɩngrẽ 11:4

Bãmb leb n yeelame: «Wa-y tɩ d me tẽnga, la d me gãosgo, t'a zugã woglem tẽkd saagã, la d bao yʋʋr n kõ d menga, n da wa sãeeg n pid dũniyã zãng ye.»

Sɩngrẽ 28:12

Yẽnda paama zãmsdo. Yẽnda yãnda raodg sẽn tilg tẽng zugu, t'a zugã tẽkd saasã. La Wẽnnaam malɛgs n dag n dʋʋd beenẽ la b sigda.

2 Sãmwɛlle 12:7

Dẽ, a Natã yeela a Davɩɩd yaa: «N-na! Sẽn maan-a yel-kãngã wã, yaa yãmba. Dẽ, Sẽn-Ka-Saab sẽn yaa Israyɛll Wẽnnaamã yetame: Yaa maam n yãk foom, n kɩt tɩ f lebg Israyɛll rĩmã, la yaa maam n fãag foom a Sayull nugẽ.

2 Kibayã 28:9

La Samaari pʋgẽ wã, Sẽn-Ka-Saab no-rɛɛs a yembr n dag n be beenẽ t'a yʋʋr boondẽ t'a Obɛɛde. Yẽnda yiime n seg Israyɛll tãb-biisã sẽn lebg n wat Samaari wã n yeel-b yaa: «Ade, yaa Sẽn-Ka-Saab sũurã sẽn yik ne Zʋʋda nebã yĩng n kɩt tɩ bãmb bas tɩ yãmb tõog-ba, la yãmb kʋ-b-la ne sũ-yikr sẽn zẽk n tat hal saasẽ.

Yɩɩn‑sõamyã 108:4

Sẽn-Ka-Saabo, mam na n pʋʋsa yãmb bark buud toay-toayã sʋka! Mam na n yɩɩl n waooga yãmb bu-zẽmsã sʋka.

Yɩɩn‑sõamyã 36:5

Yẽnda sã n gãe, a tagsda wẽng maaneg bala, yẽnda ka tũud so-sõng ye, yẽnda ka zãgsd wẽng maaneg ye.

Zeremi 27:5

‹Yaa maam n tẽeg m nug n naan dũniyã ne ninsaalbã la rũmsã sẽn be a pʋgẽ wã ne m pãn-kãsengã, la m dɩkda dũniyã n kõt soab ning sẽn ta-a mam yam.

Ezekiyɛl 17:3

Yeel bãmb tɩ maam a Zu-soab a Sẽn-Ka-Saab yetame: «Pa-nand-tug-kẽengã sẽn tar pɩg-bɛd kõbd sẽn yaa wogdã, t'a kõbgã yaa neerã, yɩkame n ta Libã, n yãk sɛɛdr tɩɩgã wil-gelengɛɛgã.

A Dãniyɛlle 2:21

Yam ne pãng yaa bãmb n so. Bãmb n tekd wakate, la yɛla, Bãmb n kõt rĩm-dãmb naam, Bãmb n sikd rĩm-dãmb b naamẽ, Bãmb n kõt yam-dãmbã yam, la b kõt bãngdbã me bãngre.

A Dãniyɛlle 4:11

Malɛɛkã tãsa ne pãng n yeele: Kɛ-y tɩɩgã n lubi, la y kɛ a wilã. Yolm-y-yã a vãadã, la y yor a biisã n fẽrge. Bɩ we-rũmsã zoe n yi a tẽngrã, tɩ liuuli wã me yɩk n bas a wilã.

A Dãniyɛlle 4:21

N-na! Ad zãmsdã võore: Ad bũmb ning Sẽn-Ka-To sẽn yãk yam n na n maan rĩmã sẽn yaa m soaalã:

A Dãniyɛlle 4:29

B na n diga yãmb n yiis ninsaalbã sʋka, tɩ yãmb tɩ vɩɩmd ne we-rũmsi. B na n kɩtame tɩ yãmb wãbd yamd wa niigã. La a na yɩɩ a woto hal tɩ ta yʋʋm a yopoe, tɩ yãmb tõe n bãng tɩ Sẽn-Ka-To n so ninsaalbã naamã, la bãmb kõt-a-la b sẽn dat-a soaba.»

A Matiye Sõng 14:4

Bala, a Zã rag n yeela yẽnda t'a ka tar noor tɩ peeg a Eroodyaad n maan a pag ye.

Vẽnegre 18:5

Bala, yẽnda yel-wẽnã zamame hal n tãag arzãna, la Wẽnnaam tẽega a ka-tɩrlem tʋʋmã yelle.