A Dãniyɛlle 4:20 - WẼNNAAM SEBRE 2014

²⁰ N-na! Yãmb yãnda malɛɛk sẽn yaa gũudã sẽn yi yĩngr n sig n yeel yaa: ‹Kɛ-y tɩɩgã n lubi, la y sãam-a, la y bas a viukã ne a yẽgã tẽn-gãongã pʋga, la y sẽb-a ne bãens la zũudu, t'a zĩnd weoogã moog sʋka, tɩ meenemã rʋʋg-a, t'a naag rũmsã n wãb yamdo, hal tɩ ta yʋʋm a yopoe.›

A Dãniyɛlle 4:20 Iomraidhean Croise

Ezekiyɛl 31:16

Mam sẽn kɩt tɩ yẽnda sig kɩɩm-kulg n naag b rãmb nins sẽn sigd bok pʋgẽ wã, mam kɩtame tɩ yẽnda lʋɩɩsã bʋrg kɩt tɩ buud toay-toayã fãa rigi. Edɛn tɩɩsã fãa, ne Libã tɩɩsã sẽn yaa tɩ-neeb la sõama n yɩɩdã, la tɩɩs nins fãa sẽn paamd koomã, bãmb fãa sẽn be tẽngã zĩ-zulumsẽ wã paama belsgo.

Ezekiyɛl 31:3

Ade, Asiiri rag n wẽnda wa Libã sɛɛdr tɩɩga, yẽnda rag n tara wil sẽn yaa neeba, n tar maasem wʋsgo. A rag n tãoome n yaa woko, t'a zugã rag n sãd n tat sawatã.

A Dãniyɛlle 4:21

N-na! Ad zãmsdã võore: Ad bũmb ning Sẽn-Ka-To sẽn yãk yam n na n maan rĩmã sẽn yaa m soaalã: