A Dãniyɛlle 4:14 - WẼNNAAM SEBRE 2014

¹⁴ Yam-yãk-kãngã yaa noor gũudbã sẽn kõ, La no-kãng yaa malɛgsã yam-yãkre. Sẽn na yɩlẽ tɩ bõn-vɩɩsã bãnge, tɩ yaa Wẽnnaam Sẽn-Ka-To wã n so ninsaalbã rĩungã fãa, bãmb kõt-a-la b sũur sẽn noom ne a soaba. La yaa bãmb n tõe n kɩt tɩ nin-talg wa lebg naaba.

A Dãniyɛlle 4:14 Iomraidhean Croise

A. Zoobe 24:20

Bãmb ma yĩmda b yelle, la zũnzũy rɩt-b lame. B ka tol n leb n tẽeg b yell ye. Nin-wẽng pãng sãama wa tɩɩga.

Zeremi 27:5

‹Yaa maam n tẽeg m nug n naan dũniyã ne ninsaalbã la rũmsã sẽn be a pʋgẽ wã ne m pãn-kãsengã, la m dɩkda dũniyã n kõt soab ning sẽn ta-a mam yam.

Zeremi 51:6

Zoe-y n yi-y Babilonde! Bɩ ned kam fãa zoe n fãag a menga! Da naag-y Babilond n sãam a kongrã yĩng ye! Bala, yaa wakat Sẽn-Ka-Saab sẽn dokd b sũuri, la b na n yaoo Babilond wa sẽn zems a tʋʋmã.

Zeremi 51:9

Tõnd makame n tɩp Babilonde, la a ka sãoog ye. Wa-y tɩ d bas-a, tɩ ned kam fãa kuil a tẽngẽ. Bala, a sɩbgrã yell zẽk n taa saasã, a zẽkame n tãag sawatã.

Ezekiyɛl 31:10

Bõn-kãng yĩnga, ade, maam a Zu-soab a Sẽn-Ka-Saab yetame: «Yẽnda rag n yaa woko, la yẽnda zugã woglem dag n yɩɩda tɩɩs a taabã sẽn bĩmã. Yẽnda rag n wukda a meng a woglmã yĩnga.

A Dãniyɛlle 2:21

Yam ne pãng yaa bãmb n so. Bãmb n tekd wakate, la yɛla, Bãmb n kõt rĩm-dãmb naam, Bãmb n sikd rĩm-dãmb b naamẽ, Bãmb n kõt yam-dãmbã yam, la b kõt bãngdbã me bãngre.

A Dãniyɛlle 3:4

Dẽ, rĩmã koe-moaandã zẽka a koɛɛg n yeele: «Yãmb fãa sẽn yaa tẽms toor-toore, ne buud toor-toore, la buud goam toor-toor nebã, kelg-y-yã! Ad rĩmã sẽn yet yãmba:

A Dãniyɛlle 4:12

Bas-y-yã a viukã ne a yẽgã tɩ b kell n pa tẽn-gãongã pʋga, La y sẽb-a ne bãens la zũud n gũbgi, n bas-a weoogã moog sʋka, tɩ meenemã rʋʋg-a. La bɩ yamd yɩ yẽnda rɩɩbo, wa rũmsã.

A Dãniyɛlle 4:23

B sẽn yeel tɩ b bas tɩɩgã viukã ne a yẽgã tẽngã pʋgẽ wã rat n yeelame tɩ wakat ning yãmb sẽn na n wa n bãng tɩ soab ning sẽn be-a saasẽ wã n so bũmb fãa wã, la b na n leb n lebs yãmb y naamã.

A Dãniyɛlle 4:29

B na n diga yãmb n yiis ninsaalbã sʋka, tɩ yãmb tɩ vɩɩmd ne we-rũmsi. B na n kɩtame tɩ yãmb wãbd yamd wa niigã. La a na yɩɩ a woto hal tɩ ta yʋʋm a yopoe, tɩ yãmb tõe n bãng tɩ Sẽn-Ka-To n so ninsaalbã naamã, la bãmb kõt-a-la b sẽn dat-a soaba.»

A Dãniyɛlle 5:20

La rĩmã sẽn wuk b meng n diglim b sũurã n lebg tɩta-neda yĩng kɩtame, tɩ Wẽnnaam sik bãmb b naamẽ wã, n kɩt tɩ b ziirã sɛ.

A Dãniyɛlle 5:21

La b riga rĩm a Nebukatnedzaar n yiis ninsaalb sʋka, n kɩt tɩ b yamã menem, tɩ b lebg wa rũnga, la bãmb rag n tɩ vɩɩ ne we-rũmsi, la b rag n kõta bãmb yamd wa naafo. La meenem dʋʋga bãmba, hal tɩ ta wakat ning bãmb sẽn wa n bãng tɩ Wẽnnaam Sẽn-Ka-To wã n so ninsaalbã fãa naamã n kõt b sẽn dat-a soabã.

A Matiye Sõng 3:10

Lar zoe n bee tɩɩs yẽgẽ moasã. B na n kɛɛga tɩɩg ning fãa sẽn ka womd bi-sõamyã n lob bugmẽ.

A Matiye Sõng 7:19

B kɛɛda tɩɩg ning fãa sẽn ka womd bi-sõama wã n tugund bugum.

A Luk Sõng 3:9

Larã zoe n bee tɩɩsã yẽgẽ moasã. Dẽ, b na n keega tɩɩg ning fãa sẽn ka womd bi-sõama, n lob bugmẽ.

Vẽnegre 10:3

A zẽka a koɛɛg n tãs ne pãng wa gɩgemd sẽn kelemde. Malɛɛkã sẽn kelmã, sa-kelems a yopoe wã gomame tɩ nebã wʋme.

Vẽnegre 18:2

Malɛɛkã zẽka a koɛɛg ne pãng n yeele: A lʋɩɩme! A lʋɩɩme! Babilond kãsengã lʋɩɩme! Yẽnda lebga zĩn-dãmb yiri, la zĩ-dẽgd fãa, la bõn-yɩgd‑rẽgd fãa, la rũm‑dẽgd buud fãa nebã sẽn kis zĩiga.