A Dãniyɛlle 3:4 - WẼNNAAM SEBRE 2014

⁴ Dẽ, rĩmã koe-moaandã zẽka a koɛɛg n yeele: «Yãmb fãa sẽn yaa tẽms toor-toore, ne buud toor-toore, la buud goam toor-toor nebã, kelg-y-yã! Ad rĩmã sẽn yet yãmba:

A Dãniyɛlle 3:4 Iomraidhean Croise

A Ɛstɛɛre 8:9

Badaar bala, kiuug a tãab soabã sẽn yaa Sɩvan kiuugã rasem pisi la a tãab daarã, b boola rĩmã sɛb-gʋndbã fãa, la b gʋlsa a Mardoose sẽn yãk yam ning zʋɩf-rãmbã wɛɛngẽ wã, n tʋm soolem toay-toayã fãa taoor-dãmba, la guvɛrneer-dãmbã, la nanambsã, sẽn sɩng ne Ẽnd n tɩ tãag Kuus tẽngã. Yaa soolem-dãmb koabg la pisi la a yopoe. B gʋlsa wa sẽn zems soolem fãa ne a gʋlsem la buud fãa me ne a goamã. La b gʋls n kõo Zʋɩf-rãmbã me ne b gʋlsem la b buudã goamã.

A Ezayi 40:9

Sɩyõ-rãmba, yãmb sẽn yaa b rãmb sẽn wat ne koe-noogã, rʋ-y tãn-lug-lug zugu. Zeruzalɛm, zẽk f koɛɛg ne pãnga, fo sẽn wat ne koe-noogã. Zẽk f koɛɛg la f ra zoe rabeem ye. Yeel Zʋʋda tẽmsã yaa: «Yãmb Wẽnnaamã beeme!»

A Ezayi 58:1

Wɩk f meng n kelem la f ra sĩnd ye! Zẽk f koɛɛg wa baorg n togs mam nebã b beegrã, togs a Zakoob yagensã b yel-wẽnã!

A Dãniyɛlle 3:10

Yãmb mengã n yeele, tɩ ned ning fãa sẽn na n wʋm baorgã ne wɩɩgã peebgã, la koalã ne pendsã la ruudsã wẽebã, la tãntãadã peebgã, ne yʋʋm-teed buud toay-toayã rãamdã, bɩ a wõgemd n waoog sãnem bõn-naandgã.

A Dãniyɛlle 3:3

Dẽ, tẽngã kug-zĩidbã, kombɛɛmbã, soolem kãsem-dãmbã, sagendbã, ligd-gũudbã, bʋ-kaoodbã, tõog yel-gɛtbã, ne soolem toay-toayã nanambs fãa, tigma taab bõn-naandgã a Nebukatnedzaar sẽn luglã taoore, n na n ning-a barka.

A Dãniyɛlle 3:7

Dẽ, tẽms toay-toayã ne buud toay-toayã, la buud goam toay-toayã nebã fãa sẽn wʋm baorgã ne wɩɩgã peebgã, la koalã ne pendsã, la ruudsã wẽebã, la tãntãadã peebgã, ne yʋʋm-teed buud toay-toayã rãamdã, b wõgemdame n waoog sãnem bõn-naandgã a Nebukatnedzaar sẽn luglã.

A Dãniyɛlle 4:1

«Maam a Nebukatnedzaar dag n vɩɩ bãan m na-yirã pʋga, n be m na-zakẽ wã tɩ m vɩɩm yaa noogo.

A Dãniyɛlle 4:14

Yam-yãk-kãngã yaa noor gũudbã sẽn kõ, La no-kãng yaa malɛgsã yam-yãkre. Sẽn na yɩlẽ tɩ bõn-vɩɩsã bãnge, tɩ yaa Wẽnnaam Sẽn-Ka-To wã n so ninsaalbã rĩungã fãa, bãmb kõt-a-la b sũur sẽn noom ne a soaba. La yaa bãmb n tõe n kɩt tɩ nin-talg wa lebg naaba.

A Dãniyɛlle 6:25

La rĩmã kõo noor tɩ b tɩ yõg neb nins sẽn dõd-b a Dãniyɛllã n wa lob gɩgmã wã bokẽ, bãmb ne b kambã la b pagbã fãa. La sẽn deng bãmb sẽn na n lʋɩ bokã pʋgã, gɩgmã wã koka bãmb n wõr b kõabã zãnga.

A Ooze 5:11

B namsda Efrayiim nebã, n mongd-b bʋʋm, bala, bãmb pʋgda sebgo.

A Miise 6:16

Nebã sakda a Omri no-tũudsã, la b rɩkd a Akaab roogã rãmb manesmã fãa, tɩ yãmb sakd bãmb saglsã. Woto yĩnga, mam na n basame tɩ y sãame, n kɩt tɩ y lebg bɛɛb laada, la mam nebã paoogr na n lʋɩɩ yãmb zugu.

Vẽnegre 5:9

La bãmb da yɩɩnda yɩɩn-paalg n yetẽ: Yãmb n zems tɩ reeg sebrã la y sogs a sogdsã, bala b ra kʋʋ yãmba, la yãmb fãaga neb buud fãa pʋgẽ, goam buud fãa pʋgẽ, tẽms fãa pʋgẽ, soolem fãa pʋgẽ ne yãmb zɩɩm tɩ b lebg Wẽnnaam nebã.