A Dãniyɛlle 3:30 - WẼNNAAM SEBRE 2014

³⁰ Dẽ poore, rĩm a Nebukatnedzaar kɩtame tɩ b zẽk a Sadrak ne a Mesak la a Abednego n kõ-b naam Babilond soolmã pʋga.

A Dãniyɛlle 3:30 Iomraidhean Croise

Yɩɩn‑sõamyã 1:3

Yẽnda wẽnda wa tɩɩg sẽn be kʋɩlg noore, n womd a biis a womb wakate, t'a vãadã ka tol n kʋɩtẽ ye. Yẽnda paamda tõogr bũmb ning fãa a sẽn maandã pʋga.

Yɩɩn‑sõamyã 91:14

Bala, Sẽn-Ka-Saab yeelame: «Yẽnda sẽn nong maamã yĩnga, mam na n fãaga yẽnda, yẽnda sẽn mi mam yʋʋrã yĩnga, mam na n kogla yẽnda.

A Dãniyɛlle 1:7

Rĩmã sõgen-kãsengã teka bãmb yʋya: A pʋda a Dãniyɛll t'a Bɛlsatzaare, n pʋd a Hananiya t'a Sadrake, n pʋd a Misayɛll t'a Mesake, la a pʋd a Azariya t'a Abednego.

A Dãniyɛlle 2:49

La a Dãniyɛll kosa rĩmã t'a kɩt t'a Sadrak ne a Mesak la a Abednego yɩ Babilond soolmã taoor-dãmb n get soolmã yɛla. La a Dãniyɛll mengã kell n paa na-yirã.

A Dãniyɛlle 3:1

Rĩm a Nebukatnedzaar kɩtame tɩ b naan sãnem bõn-naandga, la a woglmã taa kãntɩɩg pis-yoobe, t'a yalmã yaa kãntɩɩg a yoobe. A Nebukatnedzaar kɩtame tɩ b tɩ lugl-a Dura tẽn-nabdrẽ wã, Babilond soolmã pʋga.

A Dãniyɛlle 3:12

Ad-y zʋɩf-rãmb kẽer n be, n ka pʋʋsd yãmb wẽnnaam-dãmbã, la b ka waoogd yãmb sãnem bõn-naandgã y sẽn luglã me ye. Yaa a Sadrak ne a Mesak la a Abednego sẽn yaa zʋɩf-rãmb nins yãmb sẽn yãk tɩ b yɩ Babilond soolmã taoor-dãmbã, bãmb kɩɩsa tõog ning yãmb sẽn yãkã.»

A Zã Sõng 12:26

Ned sã n dat n tʋm mam yĩnga, bɩ a tũ maam. La mam sẽn be zĩig ninga, mam tʋmtʋmdã me na n bee be. Ned sã n tʋmd mam yĩnga, m ba na n waooga a soaba.

Rom Dãmba 8:31

Dẽ, tõnd na n yeelame tɩ bõe ne yel-kãnga? Wẽnnaam sã n bee ne tõndo, ãnda n tõe n zab ne tõndo?

1 Sãmwɛlle 2:30

Beneere, maam a Sẽn-Ka-Saab sẽn yaa Israyɛll Wẽnnaamã yetame yaa: «Mam dag n yeelame tɩ yãmb doogã ne y yaab-rãmbã roog na n maana mam tʋʋmdã wakat fãa yĩnga. La moasã, maam a Sẽn-Ka-Saab yetame tɩ kãab-kãngã kõn tol n leb n paam pidsg yɛs ye. Bala, mam waoogda neb nins sẽn waoogd maamã, la neb nins sẽn paoogd maamã na n paama paoogre.»