A Dãniyɛlle 3:29 - WẼNNAAM SEBRE 2014

²⁹ Moasã, ad noor ning mam sẽn kõte: Ned ning fãa, ba a sẽn yaa buud ning neda, wall a sẽn gomd buud goam ninga, a soabã sã n paoog a Sadrak ne a Mesak la a Abednego Wẽnnaamã, b na n bees-a lame, la b wã a zakã n kɩt t'a lebg raboogo. Bala, Wẽnnaam a to ka be n tõe n fãag ned wa Wẽnnaam-kãngã sẽn maanã ye.»

A Dãniyɛlle 3:29 Iomraidhean Croise

2 Rĩm-dãmba 10:27

La bãmb pãba Baall kug-vigindgã n wã, la b wã Baall pʋʋsg roogã me, n kɩt t'a zĩigã lebg bĩnd sãab zĩig hal tɩ ta rũndã.

Esdras 6:11

La ned sã n kɩɩs mam sẽn yeelã, mam kõta noor tɩ b vik a soabã roog ra-luk a yembr n vigl n luul-a beenẽ, tɩ rẽndã poor bɩ b sarem a roogã t'a lebg tãmpʋʋre.

Yɩɩn‑sõamyã 3:8

Mam Sẽn-Ka-Saabo, yik-y-yã! Wẽnnaam, fãag-y maam! Yãmb pãbda mam bɛɛbã fãa pegse, yãmb kaooda nin-wẽnsã yẽna.

Yɩɩn‑sõamyã 76:10

Wẽnnaam sẽn yik n kao bʋʋdã, b fãaga dũniyã nin-tals fãa.

A Dãniyɛlle 1:19

Rĩmã sõsa ne kom-bɩɩsã fãa. La bãmb fãa sʋkã, rĩmã ka yã bi-bɩɩg ba a yembr sẽn yaa wa a Dãniyɛll ne a Hananiya, la a Misayɛll ne a Azariya ye. Rẽ kɩtame tɩ b yãk bãmb tɩ b be rĩmã sɛɛgẽ n tʋmdẽ.

A Dãniyɛlle 1:7

Rĩmã sõgen-kãsengã teka bãmb yʋya: A pʋda a Dãniyɛll t'a Bɛlsatzaare, n pʋd a Hananiya t'a Sadrake, n pʋd a Misayɛll t'a Mesake, la a pʋd a Azariya t'a Abednego.

A Dãniyɛlle 2:17

Dẽ poore, a Dãniyɛll lebg n kuila a yiri, n tɩ rɩk yellã n togs a Hananiya ne a Misayɛlle, la a Azariya sẽn yaa yẽndã tũud-n-taasã.

A Dãniyɛlle 2:47

Rĩmã goma ne a Dãniyɛll n yeele: «Fo sẽn tõog n bãng yel-solem-kãngã wã, Sɩd-sɩdã, mam miime tɩ yãmb Wẽnnaamã yaa wẽnnaam-dãmbã Wẽnnaam, la rĩm-dãmbã Soaala. Bãmb n vẽnegd yel-soalmã.»

A Dãniyɛlle 2:49

La a Dãniyɛll kosa rĩmã t'a kɩt t'a Sadrak ne a Mesak la a Abednego yɩ Babilond soolmã taoor-dãmb n get soolmã yɛla. La a Dãniyɛll mengã kell n paa na-yirã.

A Dãniyɛlle 2:5

La rĩmã leok-b lame n yeel yaa: «Ade, mam yãka yam, tɩ yãmb sã n ka tõog n togs maam m zãmsdã, la y tõog n kõ maam a bilgrã, mam na n kɩtame tɩ b bees yãmba, la b sãam y zagsã n kɩt tɩ b lebg raboodo.

A Dãniyɛlle 3:12

Ad-y zʋɩf-rãmb kẽer n be, n ka pʋʋsd yãmb wẽnnaam-dãmbã, la b ka waoogd yãmb sãnem bõn-naandgã y sẽn luglã me ye. Yaa a Sadrak ne a Mesak la a Abednego sẽn yaa zʋɩf-rãmb nins yãmb sẽn yãk tɩ b yɩ Babilond soolmã taoor-dãmbã, bãmb kɩɩsa tõog ning yãmb sẽn yãkã.»

A Dãniyɛlle 3:15

Moasã bɩ y segl y mense, tɩ wakat ning b sẽn na n leb n peeb baorgã ne wɩɩgã, la b wẽ kondã ne pɛndgã la ruudgã, la b peeb tãntãoogã, la b wẽ yʋʋm-teedã buud fãa wã, bɩ y wõgemd n waoog sãnem bõn-naandgã mam sẽn luglã. La yãmb sã n ka sak n wõgemd n waoog-a, wakat-kãng bala, b na n loba yãmb wʋng sẽn wɩng wʋsg pʋgẽ. La d na gese, wẽnnaam-bʋg n na n wa fãag yãmb mam nugẽ.»

A Dãniyɛlle 3:17

Sã n yaa tɩ yãmb na n loba tõnd wʋngã bug-witim pʋgẽ, tõnd Wẽnnaam ningã tõnd sẽn tũudã tõe n fãaga tõndo, la bãmb na n fãaga tõnd wʋngã bug-witim pʋgẽ, la b fãag tõnd yãmb nugẽ.

A Dãniyɛlle 3:28

Rĩm a Nebukatnedzaar zẽka a koɛɛg n yeel yaa: «Bɩ a Sadrak ne a Mesak la a Abednego Wẽnnaamã paam pẽgre. Bala, bãmb tʋma b malɛɛk t'a wa n fãag b tʋmtʋmdbã. A Sadrak ne a Mesak la a Abednego kɩsa sɩd ne b Wẽnnaamã, n kɩɩs rĩmã noore, n gẽneg b yõore, n ka sak n na n wõgemd n waoog Wẽnnaam a to tɩ sã n ka bãmb Wẽnnaamã bal ye.

A Dãniyɛlle 6:28

Yaa bãmb n fãagda, la b yolsdẽ, Bãmb n maand bãna la bõn-yɛɛsdse, saasẽ la dũniyã zug me. Yaa bãmb n fãag a Dãniyɛll tɩ gɩgmã wã ka kʋ-a ye.

Yaoolem 32:31

Bala, bãmb fãagr kugrã ka wẽnd tõnd fãagr pĩigã ye. Tõnd bɛɛbã mens mii bõn-kãnga.