A Dãniyɛlle 3:1 - WẼNNAAM SEBRE 2014

¹ Rĩm a Nebukatnedzaar kɩtame tɩ b naan sãnem bõn-naandga, la a woglmã taa kãntɩɩg pis-yoobe, t'a yalmã yaa kãntɩɩg a yoobe. A Nebukatnedzaar kɩtame tɩ b tɩ lugl-a Dura tẽn-nabdrẽ wã, Babilond soolmã pʋga.

A Dãniyɛlle 3:1 Iomraidhean Croise

1 Rĩm-dãmbã 12:28

A Zeroboaam kõo a meng yam n maan sãnem nag-bi a yiibu, n yeel Israyɛll nebã yaa: «Israyɛll nebã, yãmb sẽn kẽnd Zeruzalɛmã yaa wʋsgo. Moasã, wẽn-naands nins sẽn yiis yãmb Ezɩpt yembdã pʋgẽ wã la woto.»

A Ɛstɛɛre 1:1

Rag n yaa rĩm a Asiruus wakate. Yaa Asiruus ning sẽn dag n dɩt naam Ẽnd soolmã n tɩ tãag Kuus soolmã. Bãmb fãa yaa soolem-dãmb koabg la pisi la a yopoe.

Yɩɩn‑sõamyã 135:15

Bu-zẽmsã wẽn-naands maana ne wanzuri la sãnem, bãmb yaa ninsaalb nus tʋʋmã.

Yikri 20:23

Ra maan-y wẽnnaam-dãmb ne wanzuri wall sãnem yãmb mens yĩnga, n paas maam ye.

Yikri 32:31

La a Moyiis lebg n leba Sẽn-Ka-Saab nengẽ n tɩ yeele: «M Zu-soabã, m kãntɩɩga! Nin-kãensã maana yel-wẽn-kãsenga. Bãmb maana sãnem wẽnnaam b mensã yĩnga.

A Ezayi 2:20

Badaare, ninsaalbã na n dɩka b wanzuri ne b sãnem wẽn-naandsã bãmb sẽn wõgemded n waoogdẽ wã n lob laoos ne zankiti.

A Ezayi 30:22

Ges-y wanzuri wã b sẽn bolg yãmb wẽn-naandsã wa bõn-dẽgdo, la y ges sãnemã b sẽn bolg yãmb wẽn-naandsã b sẽn maan ne kutã wa bõn-dẽgdo. Yãmb tog n fãeega b pedsã wa bõn-dẽgdo. Yeel-b tɩ b yi kaanẽ n looge.

A Ezayi 46:6

Nebã zukda b kordã pʋg sãnemã, la b magd wanzuri ne zɩslem magdga. Bãmb yaooda yõak t'a rõog sãnem ne wanzuri wẽn-naandg n kõ-ba, la bãmb wõgemdeda wẽn-naandgã taoor n pʋʋsd-a.

Zeremi 10:9

Wanzuri yita Tarsɩɩse, la sãnem yita Ufaaze. Tʋʋm-mitbã rɩkd-b lame, la yõak bond-b lame, la b yeelgd-b-la fu-moaama ne fu-miidu. Bõn-kãens fãa yaa ninsaalb minim tʋʋm bala.

Zeremi 16:20

Ned tõe n maana a wẽnnaam-dãmb n kõ a menga, tɩ b yaool n ka sɩd wẽnnaam-dãmb bɩ?

A Dãniyɛlle 2:48

Dẽ poore, rĩm a Nebukatnedzaar zẽka a Dãniyɛll n kõ-a naam, ne kũun-kãsems wʋsgo. Rĩmã kɩtame t'a Dãniyɛll lebg Babilond soolmã naaba, la Babilond tẽngã yam-dãmbã fãa na-kãsenga.

A Dãniyɛlle 2:49

La a Dãniyɛll kosa rĩmã t'a kɩt t'a Sadrak ne a Mesak la a Abednego yɩ Babilond soolmã taoor-dãmb n get soolmã yɛla. La a Dãniyɛll mengã kell n paa na-yirã.

A Dãniyɛlle 3:14

Rĩm a Nebukatnedzaar yeela bãmb yaa: «Sadrake! Mesake! Abednego! Yaa sɩd tɩ yãmb yãka yam tɩ y ka na n waoog mam wẽnnaam-dãmbã ne sãnem bõn-naandgã mam sẽn luglã?

A Dãniyɛlle 3:30

Dẽ poore, rĩm a Nebukatnedzaar kɩtame tɩ b zẽk a Sadrak ne a Mesak la a Abednego n kõ-b naam Babilond soolmã pʋga.

A Dãniyɛlle 5:23

Yãmb zẽka y meng n kɩɩs Zu-soabã sẽn be saasẽ wã. Yãmb kɩtame tɩ b tall Zu-soabã roogã laasã n wa kõ yãmba, tɩ yãmb ne y nin-kãsemsã, la y pagbã, ne y pʋg-rɩkdsã tall-b n yũ reezẽ rãam. Yãmb waooga y wẽn-naandsã sẽn maan ne wanzuri, la sãnem, la zũudu, ne kutu, la raad ne kugã. Bãmb yaa wẽnnaam-dãmb sẽn ka ne, la b ka wʋmde, la b ka tar bãngr ye. Yãmb ka waoog Wẽnnaam ning sẽn so-a yãmb vɩɩmã, ne bũmb nins fãa yãmb sẽn maandã ye.

A Dãniyɛlle 5:4

Bãmb yũu reezẽ rãamã, la b waoog sãnem ne wanzuri, la zũudu, ne kut la raad ne kug wẽn-naandsã.

A Ooze 2:8

Ade, maam a Sẽn-Ka-Saab na n gɩdga f sorã ne gõose. Mam na n mee lalg n zẽk t'a ra leb n tõog n yãnd a sorã ye.

A Ooze 8:4

B yãka rĩm-dãmb ne nanambse, n ka sok maam ye. Bãmb dɩkda b wanzuri wã ne b sãnemã, n maan wẽn-naandse, la bõn-kãng n na n kẽes-b moogo.

Abakuk 2:19

Toog bee ned ning sẽn gomd-a ne ra-giig n yetẽ: «Yik n yalse!» La a yet kugr sẽn ka gomdã: «Nek n yiki!» Rẽ yĩnga, yẽnda tõe n kõo ned bãngr sɩda? B bolg-a-la ne sãnem la wanzuri bala, la vɩɩm yaool n ka be a pʋgẽ ye.

Tʋʋma 17:29

Rẽ wã yĩnga, tõnd sẽn yaa Wẽnnaam kambã, d ka tog n tags tɩ Wẽnnaam wẽnda sãnem, wala wanzuri, wala kugr sẽn peese wa sẽn zems ninsaalb minim la b tagsg ye.

Tʋʋma 19:26

La yãmb yãtame la y wʋmd bũmb nins rao a Pollã sẽn maandã. Bala, yẽnda yetame tɩ nebã nus sẽn maan wẽnnaam-dãmb ninsã ka wẽnnaam-dãmb ye, la a tõogame n tek neb wʋsg yam. La ka Efɛɛs soolem bal ye, yaa sẽn kolg Aazi fãa gilli.

Yaoolem 7:25

Yãmb na n yõoga bãmb wẽn-naandsã bugum. Ra zoe-y bõn n wʋk wanzuri wã ne sãnemã sẽn be wẽn-naandsã zutã, tɩ wa lebg bẽdg ne yãmb ye. Bala, bõn-kãens yaa yel-beed ne Sẽn-Ka-Saab sẽn yaa yãmb Wẽnnaamã.

Vẽnegre 9:20

La neb a taabã sẽn kell tɩ to-kãensã ka kʋ wã ka tek yam n kos sugr tʋʋm nins b nusã sẽn tʋmã yĩng ye. Bãmb ka bas zĩn-dãmb ne wẽn-naands sẽn maan ne sãnem la wanzuri, la zũudu, la kuga, la raadã waoogr ye. Wẽn-naandsã ka tõe n yãnd wall b wʋme, wall b kẽn ye.