A Dãniyɛlle 2:9 - WẼNNAAM SEBRE 2014

⁹ Dẽ wã, yãmb sã n ka togs maam m zãmsdã, yãmb fãa na n paama sɩbgre. Yãmb zemsa taab n dat n togs maam zĩrẽ goamã, la gom-vɩɩdo, sẽn na n yɩlẽ tɩ wakatã looge. Mam sẽn dat bala, yaa tɩ y togs maam m zãmsdã, dẽ, mam na bãng tɩ yãmb sɩd tõe n bilga maam a võorã.»

A Dãniyɛlle 2:9 Iomraidhean Croise

1 Rĩm-dãmbã 22:22

Sɩɩgã leokame: «Mam na n kẽngame n tɩ kɩt tɩ no-rɛɛsdb nins sẽn be ne yẽnda wã togs-a zĩrẽ.» Dẽ, Sẽn-Ka-Saab yeelame: «Fo sã n sɩd maan a woto, fo na n belg-a lame n tõoge. Dẽ wã, bɩ f kẽng n tɩ maan a woto!»

1 Rĩm-dãmbã 22:6

Woto, Israyɛll rĩmã tigma a no-rɛɛsdb sõor sẽn kolg kobs-naase, n sok-b yaa: «Mam tog n kẽng n tɩ zaba ne Ramot sẽn be Galaadã bɩ, bɩ m ka tog n kẽnge?» La no-rɛɛsdbã leokame: «Kẽng-y n tɩ zab-y ne-ba. Zu-soabã na n kɩtame tɩ y tõog-ba.»

A Ɛstɛɛre 4:11

«Rĩmã tʋmtʋmdbã ne nebã fãa sẽn be soolem toay-toayã fãa pʋsẽ wã miime tɩ tõog n be, la tõ-kãng yaa ned buud fãa yĩnga, tɩ ned ning fãa sẽn na n kẽng-a rĩmã nengẽ tɩ ka rĩmã n bool a soaba, nin-kãng tog n kiime, sã n yaa raoa wall paga. La yaa ned ning rĩmã sẽn na n dɩk a sãnem dasaarã n teesã n na n vɩɩmde. La sẽn kẽed mam wɛɛngẽ, yaa rasem pis-tã la woto, rĩmã sẽn ka bool maam tɩ m wa b nengẽ ye.»

Yelbũna 12:19

Sɩd goam paada wakat fãa, la zĩrẽ goam ka kaoosd ye.

A Ezayi 41:23

Togs-y bũmb nins sẽn nan be taoor n watẽ wã, dẽ, tõnd na n bãngame tɩ yãmb yaa wẽnnaam-dãmba. Bɩ y maan bũmb sẽn yaa sõama bɩ wẽnga, tɩ tõnd fãa tõe n puk d nin n yãnde.

A Ezayi 44:25

Mam kɩtdame tɩ zĩrẽ bãngdbã bãn lebg zaalem, la m kɩt tɩ bagbã yam meneme. Mam kɩtdame tɩ yam dãmbã leb poorẽ, n kɩt tɩ b bãngrã lebg yalemdo.

Ezekiyɛl 13:17

Foom a ninsaala, wẽnemd f neng n tees f buudã kom-pugli sẽn togsd b mens tagsgã, n togs pĩnd-n-bãngr goam b wɛɛngẽ!

Ezekiyɛl 13:19

Nug pʋgẽ Oorz ne rɩɩb bilf yĩnga, yãmb paoogda maam m nebã taoore. Yãmb yagda zĩrẽ ne mam nebã tɩ b kelgd yãmb zirẽ-beedã, la y kɩtdẽ tɩ b kʋʋd neb nins sẽn dag n ka tog n ki wã, la y kɩtdẽ tɩ b basd b sẽn dag n tog n kʋ-b rãmbã tɩ b vɩɩmde.»

Ezekiyɛl 13:6

Bãmb vẽnegrã yaa belgre, la bãmb sẽn togsdã yaa zĩrẽ-beedo. Bãmb yetame: «Sẽn-Ka-Saab yetame tɩ Sẽn-Ka-Saab yaool n ka tʋm bãmb ye. La bãmb yaool n gũuda b goamã pidsgu.

A Dãniyɛlle 2:16

La a Dãniyɛll kẽnga rĩmã nengẽ n tɩ kos-b tɩ b kõ yẽnda weere, t'a na n kõo rĩmã a zãmsdã bilgri.

A Dãniyɛlle 2:21

Yam ne pãng yaa bãmb n so. Bãmb n tekd wakate, la yɛla, Bãmb n kõt rĩm-dãmb naam, Bãmb n sikd rĩm-dãmb b naamẽ, Bãmb n kõt yam-dãmbã yam, la b kõt bãngdbã me bãngre.

A Dãniyɛlle 2:8

Dẽ, rĩmã yeelame: «Sɩd-sɩdã, mam miime tɩ yãmb rat n dɩka weere, yãmb sẽn yã tɩ mam ka lebd poorẽ ne m yam-yãkrã yĩnga.

A Dãniyɛlle 3:15

Moasã bɩ y segl y mense, tɩ wakat ning b sẽn na n leb n peeb baorgã ne wɩɩgã, la b wẽ kondã ne pɛndgã la ruudgã, la b peeb tãntãoogã, la b wẽ yʋʋm-teedã buud fãa wã, bɩ y wõgemd n waoog sãnem bõn-naandgã mam sẽn luglã. La yãmb sã n ka sak n wõgemd n waoog-a, wakat-kãng bala, b na n loba yãmb wʋng sẽn wɩng wʋsg pʋgẽ. La d na gese, wẽnnaam-bʋg n na n wa fãag yãmb mam nugẽ.»

A Dãniyɛlle 5:28

Welgame: Rat n yeelame tɩ b pʋɩɩ yãmb soolmã n kõ Meed-rãmbã ne Pɛrs-rãmbã.»

A Dãniyɛlle 7:25

Yẽnda na n goma goam sẽn paoogd Wẽnnaam Sẽn-Ka-To, la a na n namsa Wẽnnaam Sẽn-Ka-To nin-sõamyã. A na n makame n na n tek wakatã, la a tek Wẽnnaam nebã wẽn-tũudmã tõodã. La b na n basame t'a soog nin-sõamyã yʋʋm a tãab la pʋɩ-sʋka.

2 Korẽnt rãmba 2:17

Bala, tõnd ka wẽnd wa neb wʋsg sẽn dɩkd Wẽnnaam koɛɛgã n leebd n baood yõodã ye. Ayo, tõnd sẽn gomdã yaa ne pʋ-peelem, la goamã yita Wẽnnaam nengẽ, la tõnd gomda Wẽnnaam taoore, la Kiris tũudmã pʋgẽ.