A Dãniyɛlle 2:6 - WẼNNAAM SEBRE 2014

⁶ La yãmb sã n tõog n togs maam m zãmsdã, la y tõog n bilg a võorã, mam na n kõo yãmb kũun wʋsgo, la waoog-kãsenga. Dẽ yĩngã, togs-y maam m zãmsdã, la y bilg a võorã.»

A Dãniyɛlle 2:6 Iomraidhean Croise

A Dãniyɛlle 2:48

Dẽ poore, rĩm a Nebukatnedzaar zẽka a Dãniyɛll n kõ-a naam, ne kũun-kãsems wʋsgo. Rĩmã kɩtame t'a Dãniyɛll lebg Babilond soolmã naaba, la Babilond tẽngã yam-dãmbã fãa na-kãsenga.

A Dãniyɛlle 5:29

La wakat-kãng bala, rĩm a Bɛlsatzaar kõo noor tɩ b yeelg a Dãniyɛll naam fuugu, la b pid a yublã sãnem yãndo, la b moon n yeel t'a Dãniyɛll lebga naab a tãabẽ soab soolmã pʋga.

A Dãniyɛlle 5:7

La rĩmã tãsame, n yeel tɩ b tɩ bool bãngdbã ne Kalde rãmbã bãngdbã, ne bag-bʋgdbã tɩ b wa. Dẽ, rĩmã yeela bãmb yaa: «Ned ning sẽn na n tõog-a n karm-a gʋlsmã, la a bilg a võorã n kõ-ma, b na n yeelga a soabã naam fuugu, la b pid a soabã kokor sãnem yãndo, la b kõ-a naam n kɩt t'a yɩ tãabẽ-soab mam soolmã nanambs sʋka.»

Sõadga 22:17

Fo sã n wa, mam na n kõ-f-la waoogr wʋsgo, la bũmb ning fãa fo sẽn na n kos maam, mam na n maan n kõ-f lame. Mam sẽn kot foom bala, yaa tɩ f wa kãab nin-bãmbã wẽng n kõ-ma.»

Sõadga 22:37

Dẽ, a Balak soka a Balaam yaa: «Bõe yĩng tɩ fo ka sak n tũ neb nins mam sẽn tʋm pipi tɩ b wa bool foomã n wa? Fo rag n tagsdame tɩ mam ka tõe n waoog foom tɩ f sũur yɩ noog bɩ?»

Sõadga 22:7

Dẽ, Moaab ne Madiyã kãsem-dãmbã zãa kũun n kẽng n na n tɩ kõ bãngd a Balaam. La bãmb sẽn ta a Balaam nengẽ, b togs-a-la a Balak koɛɛgã.

Sõadga 24:11

Moasã wã, kẽng n looge, kuil f yiri. Mam da pʋlma foom tɩ m na n kõ-f-la waoogr wʋsgo, la Zu-soabã mong-f-la waoog-kãnga.»