A Dãniyɛlle 2:49 - WẼNNAAM SEBRE 2014

⁴⁹ La a Dãniyɛll kosa rĩmã t'a kɩt t'a Sadrak ne a Mesak la a Abednego yɩ Babilond soolmã taoor-dãmb n get soolmã yɛla. La a Dãniyɛll mengã kell n paa na-yirã.

A Dãniyɛlle 2:49 Iomraidhean Croise

A Ɛstɛɛre 2:19

B sẽn wa n na n leb n tigim pʋg-sadb nins sẽn ka mi raoã naoor a yiibẽ soabã, rẽ t'a Mardoose rag n zĩi rĩmã zak noore.

A Ɛstɛɛre 2:21

Wakat ning a Mardoose sẽn wa zĩ rĩmã zak noorã, a Bigtã, ne a Terɛɛs sẽn yaa rĩmã sõgen-kãsems nins sẽn gũud-b rignoor ning sẽn kẽed-a rĩmã ro-gãasẽ wã, yẽsa ne taab n dat n kʋ rĩm a Asiruusi, bãmb sũurã sẽn yik ne rĩmã yĩnga.

A Ɛstɛɛre 3:2

La rĩmã tʋmtʋmdb nins fãa sẽn dag n be rĩmã zak noorã, rag n yĩgimdidame n wõgemd a Haman taoor n waoogd-a. Rĩmã n dag n kõ noor tɩ ned ning fãa sẽn yãnd a Haman, a tog n wõgemd n waoog-a lame. La a Mardoose ka sak n na n yĩgimdi, wall a wõgemd a Haman taoor ye.

Yelbũna 28:12

Nin-tɩrs sã n paam tõogre, yaa waoogr meng-menga. La nin-wẽns sã n deeg naam, ned fãa zoet n baooda a menga.

Zeremi 39:3

Dẽ, Babilond dĩmã nanambsã kẽngame n tɩ zĩnd tẽngã rignoor ning b sẽn boond tɩ tẽn-sʋk rignoorã. Yaa a Nergall-Saretsɛɛr ne a Samgaar-Nebu, la sõgen-kãseng a Sarsekim ne tãb-biisã na-kãseng a Nergall-Saretsɛɛre, ne Babilond dĩmã nanambs a taabã fãa.

A Dãniyɛlle 1:17

Wẽnnaam kõo kom-bɩ-bãmbã b naasã bãngre, la yam tɩ b tõog n bãng sɛbã fãa kaoreng ne yẽesem, la a Dãniyɛll dag n tara bãngr n tõe n bilg vẽnegr ne zãmsd fãa võyã.

A Dãniyɛlle 1:7

Rĩmã sõgen-kãsengã teka bãmb yʋya: A pʋda a Dãniyɛll t'a Bɛlsatzaare, n pʋd a Hananiya t'a Sadrake, n pʋd a Misayɛll t'a Mesake, la a pʋd a Azariya t'a Abednego.

A Dãniyɛlle 2:17

Dẽ poore, a Dãniyɛll lebg n kuila a yiri, n tɩ rɩk yellã n togs a Hananiya ne a Misayɛlle, la a Azariya sẽn yaa yẽndã tũud-n-taasã.

A Dãniyɛlle 3:1

Rĩm a Nebukatnedzaar kɩtame tɩ b naan sãnem bõn-naandga, la a woglmã taa kãntɩɩg pis-yoobe, t'a yalmã yaa kãntɩɩg a yoobe. A Nebukatnedzaar kɩtame tɩ b tɩ lugl-a Dura tẽn-nabdrẽ wã, Babilond soolmã pʋga.

A Dãniyɛlle 6:2

Rĩm a Daryuus tagsame tɩ yaa neer t'a yãk nanambs koabg la pisi, n kɩt tɩ b zĩnd soolmã zĩig fãa yẽnda yʋʋr yĩnga.

A Amoose 5:15

Kisg-y wẽng la y nong sẽn yaa neere, la y kao bʋʋd sẽn yaa tɩrg y bʋʋdã zĩisẽ, tɩ daar ninga, Sẽn-Ka-Saab sẽn yaa Saasẽ-Pãng-Soabã na zoe a Zozɛf buudã sẽn ketã nimbãanega.