A Dãniyɛlle 2:48 - WẼNNAAM SEBRE 2014

⁴⁸ Dẽ poore, rĩm a Nebukatnedzaar zẽka a Dãniyɛll n kõ-a naam, ne kũun-kãsems wʋsgo. Rĩmã kɩtame t'a Dãniyɛll lebg Babilond soolmã naaba, la Babilond tẽngã yam-dãmbã fãa na-kãsenga.

A Dãniyɛlle 2:48 Iomraidhean Croise

2 Sãmwɛlle 19:32

Galaad rao a Barzɩlayi yii Rogelim n wa yãag rĩmã n dʋʋg Zʋrdẽ kʋɩlgã n pʋʋs-b wẽnd na taase.

2 Rĩm-dãmba 5:1

Siiri rĩmã rag n tara a tãb-biis naab t'a yʋʋr boondẽ t'a Naama. Rao-kãng rag n yaa nin-kãsenga, la a soaalã rag n nong-a-la hal wʋsgo. Bala, yɩɩ yẽnda n kɩt tɩ Siiri nebã paam tõogre. La a Naama bẽeda wãoodo.

A. Zoobe 1:3

A rag n tara piis tus a yopoe, ne yʋgma tus a tãabo, la niig tusri, ne bõn-yãans kobs-nu, la a tar tʋmtʋmdb hal wʋsgo. Yaang sẽnẽ nebã fãa sʋka, rao-kãng n dag n yaa nin-kãseng n yɩɩd a taabã.

Zeremi 5:5

Mam na n kẽnga nin-kãsemsã nengẽ, n tɩ gom ne-ba, bala, bãmb n mi Sẽn-Ka-Saab raabã, bãmb n mi b Wẽnnaamã tɩrlem bʋ-kaoorã. La bãmb fãa yaa a yembre: Bãmb kaoo yubl balgrã, bãmb kaoo loeesã, bãmb basa Wẽnnaam.

A Dãniyɛlle 2:6

La yãmb sã n tõog n togs maam m zãmsdã, la y tõog n bilg a võorã, mam na n kõo yãmb kũun wʋsgo, la waoog-kãsenga. Dẽ yĩngã, togs-y maam m zãmsdã, la y bilg a võorã.»

A Dãniyɛlle 3:1

Rĩm a Nebukatnedzaar kɩtame tɩ b naan sãnem bõn-naandga, la a woglmã taa kãntɩɩg pis-yoobe, t'a yalmã yaa kãntɩɩg a yoobe. A Nebukatnedzaar kɩtame tɩ b tɩ lugl-a Dura tẽn-nabdrẽ wã, Babilond soolmã pʋga.

A Dãniyɛlle 3:12

Ad-y zʋɩf-rãmb kẽer n be, n ka pʋʋsd yãmb wẽnnaam-dãmbã, la b ka waoogd yãmb sãnem bõn-naandgã y sẽn luglã me ye. Yaa a Sadrak ne a Mesak la a Abednego sẽn yaa zʋɩf-rãmb nins yãmb sẽn yãk tɩ b yɩ Babilond soolmã taoor-dãmbã, bãmb kɩɩsa tõog ning yãmb sẽn yãkã.»

A Dãniyɛlle 3:30

Dẽ poore, rĩm a Nebukatnedzaar kɩtame tɩ b zẽk a Sadrak ne a Mesak la a Abednego n kõ-b naam Babilond soolmã pʋga.

A Dãniyɛlle 4:6

«Bɛlsatzaare, fo yaa bãngdbã fãa naaba, la mam miime tɩ Wẽnnaam-sõmyã sɩɩgã bee ne foom, la yel-solemd ba a yembr ka be t'a bilgr yaa toog ne foom ye. Dẽ yĩngã, bɩ f bilg maam m zãmsdã võore.

A Dãniyɛlle 4:9

Tɩɩgã vãadã rag n yaa neere, la a rag n woma biis wʋsgo. Tɩɩgã biisã tõe n dɩlga bõn-vɩɩsã fãa. We-rũmsã rag n paamda maasem tɩɩgã tẽngre. Liuuli nins sẽn yɩgd yĩngrã ra maanda b tʋgd tɩɩgã wilã zutu. La bõn-vɩɩsã fãa rag n paamda b rɩɩb tɩɩgẽ wã.

A Dãniyɛlle 5:11

Ned a yembr n be yãmb soolmẽ wã n tar wẽnnaam-sõmyã sɩɩga. Yãmb ba wã zamaanẽ, b mikame t'a yaa ned sẽn tar vẽnegre, bãngre la a tar yam wa wẽnnaam-dãmbã yam. Dẽ kɩtame, tɩ rĩm a Nebukatnedzaar sẽn yaa yãmb ba wã yãk-a n kɩt t'a lebg tɩtã-rãmb ne bãngdbã, la Kalde rãmba bãngdbã ne bag-bʋgdbã fãa naaba. Yaa yãmb ba wã n dag n maan woto.

A Dãniyɛlle 5:16

B yeela maam tɩ fo yaa ned sẽn tõe n kõ yel-soalem bilgri, la f tõe n wilg yel-tood manegr soayã. Dẽ wã, fo sã n tõog n karem gʋlsmã fo sẽn ne wã, la f bilg a võorã n kõ maam, b na n yeelga foom naam fuugu, la b pid fo yublã sãnem yãndo, la b kɩt tɩ f lebg soolmã naab a tãabẽ soaba.»

A Dãniyɛlle 5:29

La wakat-kãng bala, rĩm a Bɛlsatzaar kõo noor tɩ b yeelg a Dãniyɛll naam fuugu, la b pid a yublã sãnem yãndo, la b moon n yeel t'a Dãniyɛll lebga naab a tãabẽ soab soolmã pʋga.

A Dãniyɛlle 5:7

La rĩmã tãsame, n yeel tɩ b tɩ bool bãngdbã ne Kalde rãmbã bãngdbã, ne bag-bʋgdbã tɩ b wa. Dẽ, rĩmã yeela bãmb yaa: «Ned ning sẽn na n tõog-a n karm-a gʋlsmã, la a bilg a võorã n kõ-ma, b na n yeelga a soabã naam fuugu, la b pid a soabã kokor sãnem yãndo, la b kõ-a naam n kɩt t'a yɩ tãabẽ-soab mam soolmã nanambs sʋka.»

A Dãniyɛlle 8:27

Maam a Dãniyɛll pãngã sɛɛme, la mam yɩɩ bãad rasem bilfu, la mam yĩnsã sẽn sigi, mam yiime n tɩ tʋm rĩmã yĩnga. La vẽnegrã yɩka mam pɛlenga, la mam ka tol n wʋm a võor ye.

Sõadga 24:11

Moasã wã, kẽng n looge, kuil f yiri. Mam da pʋlma foom tɩ m na n kõ-f-la waoogr wʋsgo, la Zu-soabã mong-f-la waoog-kãnga.»

1 Sãmwɛlle 17:25

Israyɛll nebã rag n yetame: Yãmb nee rao-kãngã sẽn watã? Yẽnda wat n na n baoo Israyɛll nebã noore. Ned ning sẽn na n tõog-a n kʋ rao-kãngã, rĩmã na n kõ a soab arzegs wʋsgo, la a rɩk a bi-pugl n kõ-a t'a maan a paga, la b kɩt t'a ba wã ra leb n yao yõor yaood ye.

1 Sãmwɛlle 2:8

Sẽn-Ka-Saab n yiisd nimbãan-ned wubsg pʋgẽ. Bãmb n yiisd naong soab tãmpʋʋrẽ, n kɩt t'a zĩnd ne nanambse. Bãmb n kɩtd tɩ b paam waoogr zĩig tɩ yɩ b pʋɩɩre. Bala, dũni wã yẽbgr fãa yaa Sẽn-Ka-Saab n so. La yaa yẽbg-kãens zug la b zaoolg dũni wã.

1 Sãmwɛlle 25:2

Rao a ye n dag n be Mawõ, n kẽnd n tʋmd Karmelle. A rag n yaa nin-kãseng n tar piis tus a tãab ne bʋʋs tusri. La yẽnda rag n bee Karmell n wõrsd a piisi.