A Dãniyɛlle 2:47 - WẼNNAAM SEBRE 2014

⁴⁷ Rĩmã goma ne a Dãniyɛll n yeele: «Fo sẽn tõog n bãng yel-solem-kãngã wã, Sɩd-sɩdã, mam miime tɩ yãmb Wẽnnaamã yaa wẽnnaam-dãmbã Wẽnnaam, la rĩm-dãmbã Soaala. Bãmb n vẽnegd yel-soalmã.»

A Dãniyɛlle 2:47 Iomraidhean Croise

Sɩngrẽ 41:39

Faarõ yeela a Zozɛf yaa: «Ade, Wẽnnaam sẽn tõog n kɩt tɩ fo bãng bõn-kãensã wã, tõnd ka leb n tõe n yãnd ned a to sẽn tar bãngre, la a tar yam wa foom ye.

2 Rĩm-dãmba 5:15

A Naama ne a nebã fãa tũu taab n lebg n leb Wẽnnaam daoã nengẽ. La bãmb sẽn ta, a Naama yalsa Wẽnnaam dao a Eliize taoor n yeel-a yaa: «Moasã, mam bãngame tɩ dũniyã gill fãa pʋga, Wẽnnaam ka be zĩig a to tɩ sã n ka Israyɛll ye. Dẽ, mam kotame tɩ y sak n deeg kũun ning mam sẽn na n kõ yãmbã!»

A. Zoobe 12:19

Bãmb kɩtdame tɩ maan-kʋʋdbã loog nao-zaala. Bãmb lubda neb nins sẽn tẽed tɩ b tara pãng tɩ sekã.

Yɩɩn‑sõamyã 136:2

Pʋʋs-y wẽnnaam-dãmb Wẽnnaamã barka, bala, bãmb nonglmã paada wakat fãa!

Yɩɩn‑sõamyã 136:3

Pʋʋs-y zu-soben-dãmb Zu-soabã barka, bala, bãmb nonglmã paada wakat fãa!

Yɩɩn‑sõamyã 72:11

Rĩm-dãmbã fãa na n wõgemda bãmb taoore, la bu-zẽmsã fãa na n saka bãmba.

Yɩɩn‑sõamyã 82:1

A Azaf yɩɩlle. Wẽnnaam bee b nebã sʋka, la b bee wẽnnaam-dãmbã sʋk n yaa bʋ-kaooda.

Yɩɩn‑sõamyã 96:4

Bala, Sẽn-Ka-Saab yaa kãsenga, la b zemsa ne pẽgr buud fãa, bãmb seka zoees n yɩɩd wẽnnaam-dãmbã fãa.

Ezekiyɛl 26:7

Ade, Zu-soab a Sẽn-Ka-Saab yetame: «Mam na n kɩtame tɩ Babilond naab a Nebukatnedzaar sẽn yaa dĩm-dãmb dĩmã yi rɩtg sẽnẽ n wa zab ne Tɩɩr tẽngã. Yẽnda na n waa ne wiidi, saar-dãmba, wed-rʋʋdba, la tãb-bi-kʋʋngo.

A Dãniyɛlle 11:36

La rɩtg rĩmã na n maana a sẽn date. A na n wuka a menga, n pẽg a meng n yeel tɩ yẽnda yɩɩda wẽnnaam-dãmbã fãa, la a na n goma gom-bɛd n paoog wẽnnaam-dãmb Wẽnnaamã. La a na n paama tõogr hal tɩ ta Wẽnnaam sũ-puugrã daare. Bala, Wẽnnaam sẽn yeelã na n paama pidsgu.

A Dãniyɛlle 2:19

Dẽ, badaar yʋngo, Wẽnnaam vẽnega a Dãniyɛll yel-solem-kãng zãmsd pʋgẽ. La a Dãniyɛll waooga saasẽ Wẽnnaamã.

A Dãniyɛlle 2:22

Bãmb n vẽnegd yel-soalmã, Bãmb n mi bũmb ning sẽn solg lik pʋga, Bãmb sẽn beẽ, yaa vẽenem wakat fãa.

A Dãniyɛlle 2:28

La Wẽnnaam a yembr n be saasẽ, n tõe n vẽneg yel-soalem võyã, yaa Wẽnnaam-kãng n vẽnegd rĩm a Nebukatnedzaar ne bũmb ning sẽn na n wa n zĩnd yaoolem wakate. Ad zãmsd ning yãmb sẽn zãmsã, ne yãab nins yãmb sẽn paam y gãagẽ wã sẽn yɩ to-to.

A Dãniyɛlle 2:29

N-na, yãmb dag n gãe y gãagẽ, la yãmb tagsa bũmb nins sẽn wat yelle. La soab ning sẽn vẽnegd yel-soalmã kɩtame tɩ yãmb bãng bũmb ning sẽn wate.

A Dãniyɛlle 2:30

B sẽn vẽneg maam ne yel-solem-kãngã wã, ka rat n yeel tɩ mam tara yam n yɩɩd ninsaalbã fãa ye. La yaa sẽn na n yɩlẽ tɩ yãmb bãng y zãmsdã võore, la y bãng bũmb ning sẽn be yãmb tagsgẽ wã.

A Dãniyɛlle 2:37

N-na, yãmb yaa rĩm-dãmbã rĩmã. Saasẽ Wẽnnaamã kõo yãmb rĩungã, la b kõ yãmb pãn-tõogo, ne pãnga, la ziiri.

A Dãniyɛlle 3:15

Moasã bɩ y segl y mense, tɩ wakat ning b sẽn na n leb n peeb baorgã ne wɩɩgã, la b wẽ kondã ne pɛndgã la ruudgã, la b peeb tãntãoogã, la b wẽ yʋʋm-teedã buud fãa wã, bɩ y wõgemd n waoog sãnem bõn-naandgã mam sẽn luglã. La yãmb sã n ka sak n wõgemd n waoog-a, wakat-kãng bala, b na n loba yãmb wʋng sẽn wɩng wʋsg pʋgẽ. La d na gese, wẽnnaam-bʋg n na n wa fãag yãmb mam nugẽ.»

A Dãniyɛlle 3:28

Rĩm a Nebukatnedzaar zẽka a koɛɛg n yeel yaa: «Bɩ a Sadrak ne a Mesak la a Abednego Wẽnnaamã paam pẽgre. Bala, bãmb tʋma b malɛɛk t'a wa n fãag b tʋmtʋmdbã. A Sadrak ne a Mesak la a Abednego kɩsa sɩd ne b Wẽnnaamã, n kɩɩs rĩmã noore, n gẽneg b yõore, n ka sak n na n wõgemd n waoog Wẽnnaam a to tɩ sã n ka bãmb Wẽnnaamã bal ye.

A Dãniyɛlle 3:29

Moasã, ad noor ning mam sẽn kõte: Ned ning fãa, ba a sẽn yaa buud ning neda, wall a sẽn gomd buud goam ninga, a soabã sã n paoog a Sadrak ne a Mesak la a Abednego Wẽnnaamã, b na n bees-a lame, la b wã a zakã n kɩt t'a lebg raboogo. Bala, Wẽnnaam a to ka be n tõe n fãag ned wa Wẽnnaam-kãngã sẽn maanã ye.»

A Dãniyɛlle 4:17

Tɩɩgã yãmb sẽn yã tɩ lebgd bedrã, hal t'a pãngã paasdẽ, t'a zugã tẽkd sa-gãongã, tɩ sẽn be-b dũniyã kɩremsã fãa ne-a wã,

A Dãniyɛlle 4:25

Bũmb nins fãa a Dãniyɛll sẽn togs rĩm a Nebukatnedzaar wɛɛngẽ wã paama pidsgu.

A Dãniyɛlle 4:32

Dũniyã nebã fãa yaa wa zaalem bãmb taoore. Bãmb maanda b sẽn dat ne malɛgsã sẽn be saasẽ wã, la ne ninsaalbã sẽn be dũniyã zugã. Ned ka be n tar pãng n tõe n kɩɩs bãmb b naamẽ wã ye. La ned me ka be n tõe n sok tɩ yaa bõe la b maand ye.

A Dãniyɛlle 5:11

Ned a yembr n be yãmb soolmẽ wã n tar wẽnnaam-sõmyã sɩɩga. Yãmb ba wã zamaanẽ, b mikame t'a yaa ned sẽn tar vẽnegre, bãngre la a tar yam wa wẽnnaam-dãmbã yam. Dẽ kɩtame, tɩ rĩm a Nebukatnedzaar sẽn yaa yãmb ba wã yãk-a n kɩt t'a lebg tɩtã-rãmb ne bãngdbã, la Kalde rãmba bãngdbã ne bag-bʋgdbã fãa naaba. Yaa yãmb ba wã n dag n maan woto.

A Amoose 3:7

Sẽn-Ka-Saab ka maand bũmbu, tɩ b ka reng n vẽneg-a ne b tʋmtʋmdbã sẽn yaa bãmb no-rɛɛsdbã ye.

1 Korẽnt rãmba 14:25

b pukda bũmb nins sẽn solg a sũurẽ. Wakat-kãnga, a na n wõgemda Wẽnnaam taoor n waoog bãmba, la a na n mooname n yeel tɩ Wẽnnaam sɩd bee yãmb sʋka.

Yaoolem 10:17

Bala, Sẽn-Ka-Saab sẽn yaa yãmb Wẽnnaamã yaa wẽnnaam-dãmbã Wẽnnaam, la zu-sob-n-dãmbã Zu-soaba. Bãmb yaa kãsenga, n tar pãnga. Bãmb zemsa zoeese. Bãmb ka tũusd ned ye, la b ka reegd kũun n maan wẽng ye.

1 Tɩmote 6:15

Wakat sã n ta, sẽn tar-a barkã, n yaa b yembr tãa n so naamã, dĩm-dãmb Dĩma la zu-soben-dãmb Zu-soabã na n puka bõn-kãnga.

Zozuwe 22:22

«Wẽnnaam Sẽn-Ka-Saabã, Wẽnnaam Sẽn-Ka-Saabã n mi tõnd sẽn maan a woto wã võore! La Israyɛll nebã me na n bãnga a võore! Sã n yaa kɩɩsg yĩng la tõnd sẽn maan woto wã, sã n yaa sẽn na n maan sẽn ka zems Sẽn-Ka-Saab nifẽ, bɩ b ra fãag tõnd rũndã ye!

Vẽnegre 17:14

Bãmb na n zaba ne pe-bilã. La pe-bilã na n tõog-b lame, tɩ bõe bãmb yaa zu-soben-dãmb Zu-soabã la rĩm-dãmbã Dĩmã. La neb nins b sẽn boolã, neb nins b sẽn tũusã, ne neb nins sẽn maand sɩdã, n be ne pe-bilã na n tõog-b lame me.

Vẽnegre 19:16

Bãmb tara yʋʋr sẽn gʋls b fuugã zug la b geerã zugu: rĩm-dãmb Rĩma, la zu-soben-dãmb Zu-soaba.