A Dãniyɛlle 2:41 - WẼNNAAM SEBRE 2014

⁴¹ La yãmb sẽn yãnd a naoã ne a nao-bi wã tɩ bɛk yaa yagd tɩ bɛk yaa kutã, rat n yeelame tɩ soolem-kãng na n welga toor-toore. La yãmb sẽn yã kutã sẽn kalem ne yagdã, rat n wilgame tɩ kut pãng n na n kell n zĩnd a pʋgẽ.

A Dãniyɛlle 2:41 Iomraidhean Croise

A Dãniyɛlle 2:40

Rẽ poore, rĩung a naasẽ soab sẽn tar pãng wa kut n na n zĩndi. Kut sẽn tõe n wẽ bũmb n wã t'a lebg zom-zom to-to wã, rĩun-kãng na n wãa soolem a taabã sẽn deng n beẽ wã n neem-b zãnga.

A Dãniyɛlle 2:42

La nao-bi wã bɛk sẽn yaa kut tɩ bɛk yaa yagdã, rat n yeelame tɩ soolem-kãng begr a yembrã na n talla pãnga, tɩ begr a to wã ka tar pãng ye.

A Dãniyɛlle 7:24

Yɩɩl piigã mamsda rĩm-dãmb piig sẽn na n pʋgl taab n zĩnd soolem-kãng pʋga. La a to n na n pʋgl bãmb n zĩndi. La yẽnda na n yɩɩ toor ne pipi rãmbã, la a na n luba rĩm-dãmb a tãabo.

A Dãniyɛlle 7:7

Dẽ poore, mam dag n ket n geta m yʋngã vẽnegr pʋgẽ, la ade, mam yãnda rũng a naasẽ soab sẽn yaa bõn-bãnde, n kẽesd rabeem, t'a pãngã yaa kãseng wʋsgo. La a rag n tara yẽn-bɛd sẽn yaa kutu. Yẽnda rag n gʋsdame n wãbdẽ la a zendemdẽ, la a tabd sẽn kellã ne a naoã. Yẽnda yaa toor zãnga, n ka tol n wẽnd rũms nins mam sẽn dag n zoe n yãndã ye, la a rag n tara yɩɩl piiga.

Vẽnegre 12:3

Bõn-bãnd a to puka arzãna: Ad yaa wag‑bɛ-kãseng sẽn yaa miuugu, n tar zut a yopoe ne yɩɩl piiga, la maanf-rãmb n dag n fõg a zut a yopoe wã.

Vẽnegre 13:1

Dẽ poore, mam yãnda rũng sẽn yi ko-kãsengẽ wã n tar yɩɩl piig la zut a yopoe, la maanf-rãmb piig n dag n be a yɩɩlã zutu, la Wẽnnaam tʋʋsg yʋy n dag n gʋls a zutẽ wã.

Vẽnegre 17:12

Yɩɩl piigã fo sẽn yã wã yaa rĩm-dãmb piig sẽn nan ka reeg soolem ye, la b reegda pãn-tõog wa rĩm-dãmbã lɛɛr a yembr yĩng ne rũngã.