A Dãniyɛlle 2:4 - WẼNNAAM SEBRE 2014

⁴ Kalde rãmbã goma ne rĩmã ne Aram tẽng goam n yeele: «N-na! Wẽnd na kaoos-yã! Bɩ y togs tõnd y zãmsdã, la tõnd na n bilga yãmb a võore!»

A Dãniyɛlle 2:4 Iomraidhean Croise

Sɩngrẽ 31:47

La a Labã pʋda zĩ-kãng yʋʋr tɩ ‹Yegaar-Sahaduta›, la a Zakoob pʋda zĩigã yʋʋr tɩ ‹Galɛɛde›.

Sɩngrẽ 41:8

Beoogã sẽn vẽege, Faarõ pɛlengã yɩkame t'a kɩt tɩ b bool tɩtã-rãmb fãa ne Ezɩpt tẽngã tɩtã-rãmb zãng tɩ b wa. La Faarõ togsa bãmb yẽnda zãmsdã sẽn yɩ to-to. La bãmb ned baa a yembr ka tõog n na n bilg zãmsd baa a yembr võor n kõ Faarõ ye.

1 Rĩm-dãmbã 1:25

Bala, rũndã, a Adoniza kẽngame n tɩ maan maoong ne lolse, la nag-bi-nobdse, ne rũm-bãooneg wʋsgo. La a boola rĩmã kambã fãa, ne tãb-biis nanambsã, la maan-kʋʋd a Abiyataare. Dẽ, bãmb fãa bee yẽnda nengẽ n dɩtẽ la b yũuda, la b yetẽ: ‹Wẽnd na kaoos rĩm a Adoniza.›

1 Rĩm-dãmbã 1:31

La a Batseba wõgemdame n fõgen a neng tẽng rĩmã taoor n yeele: «Wẽnd na kaoos m soaal a Davɩɩde.»

2 Rĩm-dãmba 18:26

A Hilkiiza biig a Eliyakim ne a Sebna la a Yoa yeela sõgen-kãsengã yaa: «Tõnd kotame tɩ y gom ne tõnd ne Aram-dãmbã goamã, tɩ tõnd wʋmdame. Da gom-y ne tõnd ne Zʋʋda nebã goam tɩ neb nins sẽn be lalgã zugã wa wʋm ye.»

Esdras 4:7

Rĩm a Artagzɛrzɛɛs naamã wakate, a Bislam, a Mitredate ne a Tabeyɛll n paas ne bãmb tʋmd-n-taasã gʋlsa sebr n kõ Pɛrs-rãmbã rĩmã. La b gʋlsa sebrã ne Aram tẽng buudã goam gʋls-biisi, la b lebg-a ne Aram tẽng buudã goamã.

A Neemi 2:3

La mam yeela rĩmã yaa: «Wẽnd na kaoos-yã! Mam neng ka tõe n ka gãnem ye! Bala, mam yaab-rãmbã yaad sẽn be tẽng ningã sãamame, la a kʋɩlemsã fãa rɩɩ bugum.»

A Ezayi 36:11

A Eliyakim ne a Sebna la a Yoa yeela sõgen-kãsengã yaa: «Tõnd kotame tɩ y gom ne tõnd ne Aram-dãmbã goamã, tɩ tõnd wʋmdame. Da gom-y ne tõnd ne Zʋʋda nebã goam tɩ neb nins sẽn be lalgã zugã wa wʋm ye.»

A Ezayi 44:25

Mam kɩtdame tɩ zĩrẽ bãngdbã bãn lebg zaalem, la m kɩt tɩ bagbã yam meneme. Mam kɩtdame tɩ yam dãmbã leb poorẽ, n kɩt tɩ b bãngrã lebg yalemdo.

A Dãniyɛlle 1:4

n yãk kom-bɩɩs kẽer sẽn ka tar zang b yĩngẽ wã, la sẽn yaa ra-sãmbã, n tar yam buud fãa, la bãngr ne minim, n tõe n tʋm na-yirã. La bɩ b zãms-b Kalde rãmbã buud goamã, ne sɛbã kaorengo.

A Dãniyɛlle 2:7

Kalde rãmbã leb n leoka rĩmã naoor a yiibẽ soab n yeele: «N-na! Bɩ y togs tõnd y zãmsdã, la tõnd na bilg yãmb a võorã.»

A Dãniyɛlle 3:9

Kalde rãmbã yeelame: «N-na! Wẽnd na kaoos-y-yã!

A Dãniyɛlle 4:19

n-na! Yaa yãmb la tɩɩgã. Yãmb lebga kãseng n tar pãnga, la yãmb kãosengã zẽkame hal n tat saasẽ, la yãmb naamã taa dũniyã kɩremsã fãa.

A Dãniyɛlle 4:7

Ad bũmb nins mam sẽn yã m zãmsdã pʋga. Wakat ningã mam sẽn wa n gãe m gãagẽ wã: Mam yãnda tɩ-wok bedr sẽn yas dũniyã tẽn-sʋka.

A Dãniyɛlle 4:9

Tɩɩgã vãadã rag n yaa neere, la a rag n woma biis wʋsgo. Tɩɩgã biisã tõe n dɩlga bõn-vɩɩsã fãa. We-rũmsã rag n paamda maasem tɩɩgã tẽngre. Liuuli nins sẽn yɩgd yĩngrã ra maanda b tʋgd tɩɩgã wilã zutu. La bõn-vɩɩsã fãa rag n paamda b rɩɩb tɩɩgẽ wã.

A Dãniyɛlle 5:10

La rĩmã ma sẽn wʋm goam nins rĩmã ne a nin-kãsemsã sẽn gomdã, a kẽe roog ning pʋg b sẽn dag n be n maand tigrã, n yeel rĩmã yaa: «N-na! Wẽnd na kaoos-yã! Ra-y n sak-y tɩ y tagsgã nams-y ye. Ka tɩlɛ tɩ y bas tɩ rabeem yõk-y ye.

A Dãniyɛlle 5:8

Rĩmã yam-dãmbã fãa waame. La bãmb ned baa a yembr ka tõog n karem gʋlsmã, la a bilg rĩmã a võor ye.

A Dãniyɛlle 6:21

Rĩmã sẽn kolg bokã, a zẽka a koɛɛg n bool a Dãniyɛll ne sũ-sãang n yeel yaa: «Wẽnnaam sẽn vɩ tʋmtʋmd a Dãniyɛlle, fo Wẽnnaamã fo sẽn tũud ne f sũur fãa wã tõog n fãaga foom ne gɩgmã wã bɩ?»

A Dãniyɛlle 6:6

Dẽ, nin-bãmb yeelame: «Tõnd ka na n tõog n yãnd bũmb n dõd a Dãniyɛlle, sã n ka tɩ tõnd na n bẽd-a-la a Wẽnnaamã tõog wɛɛngẽ.»

A Dãniyɛlle 6:7

Woto, taoor dãmb a yiibã, ne nanambsã zemsa taab noor a yembre, n kẽng rĩm a Daryuus nengẽ n tɩ yeel-a yaa: «N-na! Wẽnd na kaoos-yã!

A Matiye Sõng 21:9

Neb nins sẽn dag n be a Zeezi taoorã ne neb nins sẽn pʋgd-b bãmbã rag n kelemdame n yetẽ yaa: «Hozaana a Davɩɩd Bi-ribla! Bark bee ned ning sẽn wat ne Zu-soabã yʋʋrã zugu! Hozaana hal saasẽ.»

1 Sãmwɛlle 10:24

A Sãmwɛll yeela nebã fãa yaa: «Yãmb yãnda ned ning Wẽnnaam sẽn yãkã? Buudã fãa pʋgẽ, yẽnda ka tar to ye.» La nebã fãa kelmame n yeele: «Wẽnd na kaoos rĩmã!»