A Dãniyɛlle 2:34 - WẼNNAAM SEBRE 2014

³⁴ La yãmb sẽn ket n get-a wã wakate, kug-bedr n yi yĩngri, tɩ ka ned n sɩɩs-a ye. Kugrã lʋɩ n wẽe bõn-naandgã naoã sẽn yaa kut ne yagdã tɩ b wã n lebg zom-zom.

A Dãniyɛlle 2:34 Iomraidhean Croise

Yɩɩn‑sõamyã 118:22

Tãn-metbã sẽn zãgs kugr ningã, kug-kãng lebga roogã pãng zĩigẽ kugri.

A Ezayi 28:16

Bõn-kãng yĩng kɩtame tɩ Zu-soab a Wẽnnaam yetẽ: «Ade, mam vigla kugr sẽn tar pãng Sɩyõ. Yaa kugr sẽn yaa sõama n be soakã zĩigẽ, yaa kugr sẽn tar yõodo, la a vigla kãenkãe. Sẽn teeg-a kug-kãng ka baood n zoe ye.

A Ezayi 60:12

Bala, buud ning ne soolem ning sẽn ka na n sak foomã na n sãamame. B na n sãama bu-zẽm-kãense.

A Ezayi 8:9

Nebã, kaas-y-yã! B na n kẽesa yãmb dabeem! Yãmb dãmb fãa sẽn be dũniyã zĩ-zãrsẽ wã, yok-y y tʋb n kelge! Segl-y y mens zabr yĩnga. Rabeem-kãseng na n yõka yãmba! Segl-y y mens zabr yĩnga. Rabeem-kãseng na n yõka yãmba!

Ezekiyɛl 32:28

La sã n yaa ne foom a Faarõ, fo me na n kiime tɩ b mum foom n naag sẽn ka kẽ-b bãongã sẽn ki zabrẽ wã.»

Ezekiyɛl 47:5

A leb n maka kãntɩɩg tusri, la a lebga ko-zoetem tɩ mam ka tõe n dʋʋg ye. Koomã lebga zulunga, tɩ rag n yaa tɩlɛ tɩ f rugi. Rag n yaa ko-zoetem tɩ ned rag n ka tõe n dʋʋg ye.

A Dãniyɛlle 2:33

A karsã rag n yaa kutu, t'a naoã bɛk yaa kutu, tɩ begr a yembrã yaa yagdo.

A Dãniyɛlle 7:27

La b na n dɩka soolem nins fãa sẽn be dũniyã zugã naamã, ne b pãngã n kõ Wẽnnaam Sẽn-Ka-To nin-sõamyã tɩ b sooge. Wẽnnaam Sẽn-Ka-To soolmã paada wakat fãa, la pãens rãmbã fãa na n waooga bãmba, la b sak-ba.»

A Dãniyɛlle 8:25

La a sɩlmã yĩnga, a na n tõog n tudga neb a taabã, la a na n wuka a meng a sũur pʋgẽ, la a na n sãama neb wʋsg sẽn dag n vɩ ne bãane, la a na n yik n zaba ne nanambs naabã. La yẽnda na n sãamame tɩ ka tũ ne ned nug ye.

Zakari 12:3

Badaare, mam na n kɩtame tɩ Zeruzalɛm lebg kug-zɩsg nebã buud fãa yĩnga. Neb nins fãa sẽn na n tʋlg n zẽk-a wã na n pogla b mense. La dũniyã buud toay-taoyã fãa na n tigma taab n zab ne-a.»

Zakari 4:6

Dẽ, malɛɛkã yeela maam yaa: «Ad Sẽn-Ka-Saab koɛɛg a Zorobabɛll yĩnga: ‹Ka ne gãndaalem, leb n ka ne pãng me ye. Yaa ne mam sɩɩgã. Yaa maam a Sẽn-Ka-Saab sẽn yaa Saasẽ-Pãng-Soabã n yeele.»

A Matiye Sõng 16:18

La maam, mam yeta foom tɩ fo yaa Pɩyɛɛre, la kug-kãngã zugu, mam na n mee m Wẽnd doogã, la kɩɩm-kulg ka na n tõog-a ye.

A Zã Sõng 1:13

Ka kamb b sẽn dog ne zɩɩm, wall ne yĩng ratem, wall ne ninsaal datem ye, yaa Wẽnnaam sẽn doge.

Tʋʋma 4:11

Wa gʋls sõamyã sẽn yetã, a Zeezi yaa: «Kugr ning yãmb a tãn-metbã sẽn dag n zãgsã, yaa kug-kãng n lebg roogã pãng kugri.»

2 Korẽnt rãmba 5:1

Sɩd me, tõnd miime tɩ tõnd tẽng zug ka roogã sẽn yaa fu-roogã sã n wa n sãame, tõnd tara roog arzãn pʋga, sẽn yaa Wẽnnaam n me. Yaa roog sẽn paad wakat sẽn kõn sa, sẽn ka ninsaalb nus n me ye.

Ebre rãmba 9:24

Bala, Kiris ka kẽ manegr doog ning neb nus sẽn ti n mams a meng-mengã ye, la yaa arzãna, n na n yals Wẽnnaam taoor moasã tõnd yĩnga.

1 Pɩyɛɛr 2:7

Dẽ yĩnga, bãmb kug-kãng bee yõod wʋsg ne yãmb sẽn tẽedã, la ne neb nins sẽn ka tẽedã, kugr ning tãn-metbã sẽn zagsã, kug-kãng lebga roogã pãng kugri, a soakã zĩigẽ. La a yaa kug-lakdg nebã yĩnga. La pĩig sẽn lubd nebã.

Vẽnegre 11:15

Malɛɛk a yopoe soabã peeba baorgo. La koe-kãsems zĩnda arzãn n yeel yaa: Dũniyã soolem lebga tõnd Zu-soabã ne bãmb Kirisã n so. Bãmb na n dɩɩ naam zamaan woo zamaana!

Vẽnegre 17:14

Bãmb na n zaba ne pe-bilã. La pe-bilã na n tõog-b lame, tɩ bõe bãmb yaa zu-soben-dãmb Zu-soabã la rĩm-dãmbã Dĩmã. La neb nins b sẽn boolã, neb nins b sẽn tũusã, ne neb nins sẽn maand sɩdã, n be ne pe-bilã na n tõog-b lame me.