A Dãniyɛlle 2:27 - WẼNNAAM SEBRE 2014

²⁷ A Dãniyɛll yalsa rĩmã taoor n leok n yeele: «Yel-solemd ning rĩmã sẽn dat n bãng a võorã, ka bãngdbã, wall bãngdb ne tɩtã-rãmb n tõe n bilg yãmb a võorã ye.

A Dãniyɛlle 2:27 Iomraidhean Croise

Sɩngrẽ 40:8

Bãmb leoka yẽnda yaa: «Tõnd zãmsa zãmsdo, la ned ka be sẽn na n bilg tõnd a võor ye.» A Zozɛf yeela bãmb yaa: «Ka Wẽnnaam n so bũmbã fãa bilgr la? Togs-y maam yãmb zãmsdã.»

Sɩngrẽ 41:8

Beoogã sẽn vẽege, Faarõ pɛlengã yɩkame t'a kɩt tɩ b bool tɩtã-rãmb fãa ne Ezɩpt tẽngã tɩtã-rãmb zãng tɩ b wa. La Faarõ togsa bãmb yẽnda zãmsdã sẽn yɩ to-to. La bãmb ned baa a yembr ka tõog n na n bilg zãmsd baa a yembr võor n kõ Faarõ ye.

A Ezayi 19:3

Ezɩpt tẽng nebã yam na n menemame, mam na n zũndga bãmb saagrã. Bãmb na n tɩ soka wẽn-naandse, la b sok kɩɩmse, b na n kẽnda kinkir-bagb ne bag-bʋgdb nengẽ.

A Ezayi 44:25

Mam kɩtdame tɩ zĩrẽ bãngdbã bãn lebg zaalem, la m kɩt tɩ bagbã yam meneme. Mam kɩtdame tɩ yam dãmbã leb poorẽ, n kɩt tɩ b bãngrã lebg yalemdo.

Zeremi 10:7

Buudã fãa rĩmã, ãnda soab n ka na n zoe yãmba? Yãmb seka zoeese. Bala, buud toay-toayã fãa yam dãmbã sʋka, ne b soolem-dãmbã fãa pʋse, yãmb ka tar to ye.

A Dãniyɛlle 1:20

Yɛl nins fãa sẽn kẽed ne yam la bãngrã wɛɛngẽ, rĩmã sã n sokd n dat n bãng b võore, a mikdame t'a Dãniyɛll dãmb yɩɩda tɩtã-rãmba, ne bãngdbã sẽn be yẽnda soolmã fãa pʋgẽ wã naoor piiga.

A Dãniyɛlle 2:2

Rĩm a Nebukatnedzaar kɩtame tɩ b bool tɩtã-rãmbã, ne bãngdbã, la bag-bʋgdbã ne Kalde rãmbã bãngdbã fãa, tɩ b wa bilg yẽnda a zãmsdã võore. La bãmb fãa waa rĩmã nengẽ.

A Dãniyɛlle 4:7

Ad bũmb nins mam sẽn yã m zãmsdã pʋga. Wakat ningã mam sẽn wa n gãe m gãagẽ wã: Mam yãnda tɩ-wok bedr sẽn yas dũniyã tẽn-sʋka.