A Dãniyɛlle 2:26 - WẼNNAAM SEBRE 2014

²⁶ Rĩmã yeela a Dãniyɛll b sẽn pʋd a yʋʋr t'a Bɛlsatzaarã yaa: «Yaa sɩd tɩ fo tõe n togsa maam m zãmsdã, la f bilg-ma a võore?»

A Dãniyɛlle 2:26 Iomraidhean Croise

Sɩngrẽ 41:15

Faarõ yeela a Zozɛf yaa: «Mam zãmsa zãmsdo, la ned baa a yembr ka tõog n bilg maam a võor ye! La mam wʋmame tɩ b sã n togs foom zãmsdo, fo tõe n bilga a võore.»

A Dãniyɛlle 1:7

Rĩmã sõgen-kãsengã teka bãmb yʋya: A pʋda a Dãniyɛll t'a Bɛlsatzaare, n pʋd a Hananiya t'a Sadrake, n pʋd a Misayɛll t'a Mesake, la a pʋd a Azariya t'a Abednego.

A Dãniyɛlle 4:8

Tɩɩgã ra lebgda woko, n paamd pãnga, t'a zugã tẽkd sa-gãongã. La baa neb nins sẽn dag n be dũniyã kɩremsã fãa wã ra ne-a lame.

A Dãniyɛlle 5:12

Rao a Dãniyɛlle, yãmb ba wã sẽn pʋd-a soab yʋʋr t'a Bɛltasaarã, b mikame t'a yaa ned sẽn tar yam ne bãngre, n yɩɩd nebã fãa, n tõe n bilg zãmsdo, ne yel-soalem võyã, la a tõe n wilg yel-tood manegr soayã. Bɩ y kɩt tɩ b bool a Dãniyɛll t'a wa bilg a võorã n kõ-yã.»

A Dãniyɛlle 5:16

B yeela maam tɩ fo yaa ned sẽn tõe n kõ yel-soalem bilgri, la f tõe n wilg yel-tood manegr soayã. Dẽ wã, fo sã n tõog n karem gʋlsmã fo sẽn ne wã, la f bilg a võorã n kõ maam, b na n yeelga foom naam fuugu, la b pid fo yublã sãnem yãndo, la b kɩt tɩ f lebg soolmã naab a tãabẽ soaba.»

A Dãniyɛlle 7:1

Babilond dĩm a Bɛlsatzaar naamã pipi yʋʋmdã pʋgẽ, a Dãniyɛll sẽn wa n be a gãagẽ, a zãmsa zãmsdo, la a paam vẽnegre. La rẽ zugẽ, a Dãniyɛll gʋlsa bõn-kãng n wilg a sẽn yɩ to-to ball-balle.

1 Sãmwɛlle 17:33

La a Sayull yeela a Davɩɩd yaa: «Fo ka tõe n tɩ zab ne nin-kãngã ye. Bala, fo yaa biiga, la yẽnda yaa rao sẽn zãms zabr hal a yãadem wakate.»