A Dãniyɛlle 2:23 - WẼNNAAM SEBRE 2014

²³ Mam yaab-rãmbã Wẽnnaam, mam pẽgda yãmba, la m waoogd-y-yã, Yãmb sẽn kõ maam yam la pãngã yĩnga, bala, yãmb n vẽneg maam ne bũmb ning tõnd sẽn kos yãmbã, Yãmb n vẽneg tõnd ne yell ning sẽn pak rĩmã!»

A Dãniyɛlle 2:23 Iomraidhean Croise

Sɩngrẽ 18:17

La Sẽn-Ka-Saab yeelame: «Dẽ yĩnga, mam na n solga a Abrahaam bũmb ning mam sẽn dat n maanã sɩda?

Sɩngrẽ 31:42

Mam ba wã Wẽnnaam sẽn yaa a Abrahaam Wẽnnaamã, m ba a Izak sẽn zoet a soabã sã n dag n ka beẽ ne maam, yãmb dag n na n kɩtame tɩ mam kuil nug-zaala. La Wẽnnaam yãnda mam paoogrã ne m nusã tʋʋm-toodã, dẽ, yʋngẽ, bãmb kaoo yel-kãng bʋʋdo.»

1 Rĩm-dãmbã 18:36

Maoongã maaneg wakat sẽn ta, Sẽn-Ka-Saab no-rɛɛs a Eli kolgame n yeele: «Sẽn-Ka-Saabo, yãmb yaa a Abrahaam ne a Izak la a Israyɛll Wẽnnaam, bɩ y kɩt tɩ b bãng rũndã tɩ yaa yãmb la Israyɛll nebã Wẽnnaam, la mam yaa yãmb tʋmtʋmda. La y kɩt tɩ b bãng tɩ bũmb nins fãa mam sẽn maandã, yaa yãmb n yeel maam tɩ m maane.

1 Rĩm-dãmbã 8:57

Bɩ Sẽn-Ka-Saab sẽn yaa tõnd Wẽnnaamã zĩnd ne tõndo, wa bãmb sẽn dag n be ne tõnd yaab-rãmbã. Bɩ b ra bas-do, la bɩ b ra zãag ne-d ye.

1 Kibayã 29:10

Dẽ, a Davɩɩd pẽga Sẽn-Ka-Saab zãma wã fãa taoor n yeele: «Sẽn-Ka-Saab sẽn yaa tõnd yaab a Israyɛll Wẽnnaam, reeg-y pẽgr zamaan woo zamaane!

1 Kibayã 29:13

Moasã, tõnd Wẽnnaam, tõnd pʋʋsda yãmb barka, la d balemda yãmb yʋʋrã sẽn tar ziirã.

2 Kibayã 20:6

La a yeelame yaa: «Sẽn-Ka-Saab sẽn yaa tõnd ba-rãmbã Wẽnnaam, yaa yãmb bal n yaa Wẽnnaam sẽn be saasẽ, la y rɩta naam soolem toay-toayã rĩundã fãa zutu. Yãmb tara pãng la tõogo, la ned ba a yembr ka tõe n yals yãmb taoor ye.

Yɩɩn‑sõamyã 21:2

Sẽn-Ka-Saabo, rĩmã maanda sũ-noogo, yãmb pãngã yĩnga. A kɩdemda ne sũ-noogo, yãmb fãagrã yĩnga.

Yɩɩn‑sõamyã 21:4

Bala, yãmb segda yẽnda ne bark bõn-sõamyã, yãmb fõgna yẽnda ne maanf sẽn maan ne sãnem halaale.

Yɩɩn‑sõamyã 25:14

Sẽn-Ka-Saab vẽnegda b yel-solgdsã ne neb nins sẽn zoet bãmbã. Sẽn-Ka-Saab kɩtdame tɩ nin-bãmb bãng bãmb kaoolã.

Yɩɩn‑sõamyã 50:14

Maoong fo sẽn tõe n maan Wẽnnaam yĩnga, yaa tɩ f pʋʋs-b barka, la f pids f pʋleng ne Sẽn-Ka-To.

Yikri 3:15

Wẽnnaam leb n yeela a Moyiis t'a tɩ yeel Israyɛll nebã yaa: «Sẽn-Ka-Saab sẽn yaa yãmb yaab-rãmbã Wẽnnaam, n yaa a Abrahaam ne a Izak la a Zakoob Wẽnnaamã n tʋm maam yãmb nengẽ.» Yõwã na n yɩɩ mam yʋʋr wakat fãa. Nebã na n boonda maam ne yʋ-kãng zamaan woo zamaane.

Yelbũna 21:22

Yam soab tõe n kẽe gãndaad tẽngẽ n sãam pãng ning b sẽn dag n teegã.

Yelbũna 24:5

Ned yam n kõt-a pãnga. Ned sã n tar bãngre, a paamda pãng n paase.

Yelbũna 8:14

Maam n kõt saglg la m wilgd sẽn yaa neere. Yaa maam la bãngre, la pãng yaa maam n so.

Kowelɛt 7:19

Yam soab yam kõta yẽnda pãng n yɩɩd nanambs piig sẽn be tẽng a yembr pʋgẽ.

Kowelɛt 9:16

La mam yeelame: Yam n são pãnga. La baoosgo, b paoogda naong soab yam n ka kelgd yẽnda goam ye.

Kowelɛt 9:18

Yam n são zab-teedo, la yel-wẽn maand a yembr sãamda bõn-sõama wʋsgo.

A Ezayi 12:1

Badaare, fo na n yeelame yaa: «Sẽn-Ka-Saabo, mam pʋʋsda yãmb barka. Bala, yãmb sũur dag n yika ne maam, la yãmb sũurã leb n sigame, yãmb belsa maam.

Zeremi 33:3

Bool maam tɩ m na n leok-f lame. M na n togs-f-la bõn-kãsems sẽn na n maane, yel-solgds fo sẽn dag n ka tõe n bãnge.

A Dãniyɛlle 1:17

Wẽnnaam kõo kom-bɩ-bãmbã b naasã bãngre, la yam tɩ b tõog n bãng sɛbã fãa kaoreng ne yẽesem, la a Dãniyɛll dag n tara bãngr n tõe n bilg vẽnegr ne zãmsd fãa võyã.

A Dãniyɛlle 2:18

Dag n yaa sẽn na n kos saasẽ Wẽnnaamã tɩ b maan nimbãan-zoeer yel-solem-kãngã wɛɛngẽ, tɩ b ra kʋ yẽnda ne a tũud-n-taasã, la ne Babilond bãngdbã me ye.

A Amoose 3:7

Sẽn-Ka-Saab ka maand bũmbu, tɩ b ka reng n vẽneg-a ne b tʋmtʋmdbã sẽn yaa bãmb no-rɛɛsdbã ye.

A Matiye Sõng 11:25

Wakat-kãnga, a Zeezi gomame n yeele: M ba sẽn yaa arzãn la dũniyã Zu-soaba, mam pẽgda yãmba, yãmb sẽn solg bõn-kãens ne yam-dãmba, la ne yẽesem-dãmba, n yaool n vẽneg bõn‑kãens ne kom-bãoonegã yĩnga.

A Luk Sõng 10:21

Wakat-kãng bala, Sɩɩg-sõng kɩtame t'a Zeezi paam sũ-no-kãseng n yeele: «M ba sẽn yaa arzãn la tẽng Zu-soaba, mam pẽgda yãmba, yãmb sẽn solg bõn-kãens ne yam-dãmba, la yẽesem-dãmbã, n yaool n vẽneg-b ne kom-bãoonegã yĩnga. N‑yẽe, m ba, yaa yãmb n dat tɩ yɩ a woto.

A Zã Sõng 11:41

Dẽ, nebã laka kugrã, la a Zeezi nak n gesa yĩngr n yeele: M ba, mam pʋʋsda yãmb barka, y sẽn leok mam kosgã yĩnga.

A Zã Sõng 15:15

Mam ka boond yãmb tɩ tʋmtʋmdb ye, bala, tʋmtʋmd ka mi a zu-soab sẽn maand ye. Mam boola yãmb tɩ m zo-rãmba, bala, mam kɩtame tɩ yãmb bãng bũmb nins fãa m ba sẽn togs maamã.

Vẽnegre 1:1

Woto yaa a Zeezi Kiris vẽnegr Wẽnnaam sẽn kõ bãmb tɩ b wilg b nonglem yembsã bũmb nins sẽn tog n zĩnd wakat bilf sã n paase. La a Zeezi Kiris tʋma b malɛɛk t'a wilg b tʋmtʋmd a Zã bõn-kãense.

Vẽnegre 5:5

La kãsem-dãmbã ned a yembr yeela maam yaa: Da yãb ye. Ad Zʋʋda buudã gɩgemd sẽn yaa a Davɩɩd yagengã paama tõogre, n na n sok sogds a yopoe wã la a lak sebrã.