A Dãniyɛlle 2:22 - WẼNNAAM SEBRE 2014

²² Bãmb n vẽnegd yel-soalmã, Bãmb n mi bũmb ning sẽn solg lik pʋga, Bãmb sẽn beẽ, yaa vẽenem wakat fãa.

A Dãniyɛlle 2:22 Iomraidhean Croise

Sɩngrẽ 41:16

A Zozɛf leoka rĩma n yeele: «Ka maam n na n bilg a võorã ye! Yaa Wẽnnaam n na n bilg zãmsdã võor n kõ Faarõ!»

A. Zoobe 12:22

Bãmb kɩtdame tɩ sẽn be lik bida pʋgẽ puki, la b kɩtdẽ tɩ sẽn yaa lik tuu lebg vẽenem.

A. Zoobe 26:6

Kɩɩm-kulg ka solg Wẽnnaam taoore ye. Sẽn ki-bã sẽn beẽ wã ka tar lill ye.

Yɩɩn‑sõamyã 104:2

Bãmb yera vẽenem wa fuugu. Bãmb yɛdgda sa-gãongã wa fu-roogo.

Yɩɩn‑sõamyã 25:14

Sẽn-Ka-Saab vẽnegda b yel-solgdsã ne neb nins sẽn zoet bãmbã. Sẽn-Ka-Saab kɩtdame tɩ nin-bãmb bãng bãmb kaoolã.

Yɩɩn‑sõamyã 36:9

Yãmb doogã pida ne rɩɩbo, tɩ b rɩt n tɩgda, la yãmb kõt-b-la y sõmblem ko-noogã tɩ b yũuda.

Kowelɛt 8:1

Ãnda n zem yam soaba? Ãnda n mi yɛlã võor bilgri? Ned yam kɩtdame t'a neng pɩnda, la yẽnda nin-toolem tekdame.

A Ezayi 41:22

Bɩ b kolg n gome. La bɩ b togs tõnd bũmb ning sẽn na n wa zĩndi. Togs-y sẽn loog pĩnda, Togs-y tõnd bũmb ning sẽn zĩnd pĩnda, dẽ, tõnd na n tags n bãnga sẽn wate. Wall y wilg tõnd yɛl nins sẽn wate.

A Ezayi 41:26

Ãnda n togs-a hal sɩngr wẽndẽ tɩ tõnd bãng tɩ ket n zãra? Ãnda n togs bõn-kãng tɩ tõnd bãng n yeel tɩ yaa tɩrga? Ned ba a yembr ka togs-a ye, ned ka maan tɩ d wʋm ye, la ned ka wʋmd yãmb goam ye.»

A Ezayi 42:9

Bũmb nins sẽn zĩnd pĩndã loogame, moasã, mam togsda yãmb yel-paala, la mam wilgd-b-la yãmb tɩ b nan ka wa ye.»

A Ezayi 45:7

Maam n naan vẽenem la m kɩt tɩ lik bida beẽ. Maam n wat ne vɩ-bãane, la maam n wat ne toogo. Maam a Sẽn-Ka-Saab n tõe n maan bõn-kãensã fãa.

Zeremi 23:24

Sẽn-Ka-Saab yetame: «Rẽ yĩnga, ned tõe n soondame tɩ m ka yãnd-a sɩda?» Sẽn-Ka-Saab yetame: «Mam ka be yĩngr la tẽng sɩda?

Zeremi 33:3

Bool maam tɩ m na n leok-f lame. M na n togs-f-la bõn-kãsems sẽn na n maane, yel-solgds fo sẽn dag n ka tõe n bãnge.

A Dãniyɛlle 2:11

N-na! Yãmb sẽn kot bũmb ningã yaa toog wʋsgo. La ned ka be sẽn tõe n bãng bõn-kãngã n togs yãmba, sã n ka wẽnnaam-dãmbã bala. La wẽnnaam-dãmb-kãens me ka be ninsaalb sʋk ye.»

A Dãniyɛlle 2:19

Dẽ, badaar yʋngo, Wẽnnaam vẽnega a Dãniyɛll yel-solem-kãng zãmsd pʋgẽ. La a Dãniyɛll waooga saasẽ Wẽnnaamã.

A Dãniyɛlle 2:47

Rĩmã goma ne a Dãniyɛll n yeele: «Fo sẽn tõog n bãng yel-solem-kãngã wã, Sɩd-sɩdã, mam miime tɩ yãmb Wẽnnaamã yaa wẽnnaam-dãmbã Wẽnnaam, la rĩm-dãmbã Soaala. Bãmb n vẽnegd yel-soalmã.»

A Dãniyɛlle 5:11

Ned a yembr n be yãmb soolmẽ wã n tar wẽnnaam-sõmyã sɩɩga. Yãmb ba wã zamaanẽ, b mikame t'a yaa ned sẽn tar vẽnegre, bãngre la a tar yam wa wẽnnaam-dãmbã yam. Dẽ kɩtame, tɩ rĩm a Nebukatnedzaar sẽn yaa yãmb ba wã yãk-a n kɩt t'a lebg tɩtã-rãmb ne bãngdbã, la Kalde rãmba bãngdbã ne bag-bʋgdbã fãa naaba. Yaa yãmb ba wã n dag n maan woto.

A Dãniyɛlle 5:14

Mam wʋmame tɩ b gomd fo yell n yetẽ tɩ fo yaa ned sẽn tar wẽnnaam-sõmyã sɩɩga, tɩ la f tara vẽnegre, la bãngre, ne yam wʋsgo.

A Matiye Sõng 13:13

Yaa woto yĩng tɩ mam wẽed yel-bũn ne bãmba: Bala, bãmb getame, la b ka ne ye, bãmb kelgdame, la b ka wʋmd ye, la b ka wʋmd võor me ye.

A Zã Sõng 1:9

Vẽen-kãng yaa sɩd vẽenem, n wa dũni pʋgẽ n vẽnegd ned fãa.

A Zã Sõng 21:17

B yeela yẽnda naoor a tãab soab yaa: «Zã biig a Sɩmo, dẽ yĩnga fo nonga maam?» A Pɩyɛɛr sũur sãamame, a Zeezi sẽn sok yẽnda naoor a tãab moasã tɩ rẽnda yĩnga yẽnda nonga bãmbã yĩnga. La a leoka bãmb n yeele: «Zu-soaba, yãmb mii bũmb fãa. Yãmb miime tɩ mam nonga yãmba.» A Zeezi yeel-a lame yaa: «Ges m piisã yelle.»

A Zã Sõng 8:12

A Zeezi leb n goma ne bãmb n yeele: Mam yaa dũni vẽenem. Ned ning sẽn tũud maam kõn kẽn lik pʋgẽ ye, la a na n paama vɩɩm vẽenem.

1 Korẽnt rãmba 4:5

Woto yĩnga, da kao-y bũmb baa fɩ bʋʋd tɩ wakatã nan ka ta ye, tɩ Zu-soabã waoong nan ka ta ye. Bãmb sã n wa, b na n puka bũmb ning sẽn solg lik pʋgẽ wã, la b na n kɩtame tɩ bũmb nins nebã sẽn dag n saag b sũyã pʋsẽ wã pugsi. Wakat-kãnga, Wẽnnaam n na n pẽg ned kam fãa.

Efɛɛz Rãmba 3:5

Wakat sẽn looge, Wẽnnaam rag n ka kɩt tɩ ninsaalbã kamb bãng yel-solem-kãng wa b sẽn vẽneg-a moasã ne b tẽn-tʋmdb sõamyã la ne b no-rɛɛsdbã, ne Sɩɩg-sõng pãngã ye.

Yaoolem 29:28

Bũmb nins sẽn solgã yaa Sẽn-Ka-Saab sẽn yaa tõnd Wẽnnaamã n so. La bũmb nins b sẽn vẽnegã yaa tõnd ne d kambã yĩng wakat fãa, sẽn na n yɩl tɩ tõnd dɩk tõ-kãensã goamã fãa n ning b nao-kẽndr zugu.»

1 Tɩmote 6:16

Yaa bãmb bal n ka kiida, n vɩ vẽenem ned sẽn ka tõe n ta pʋgẽ. Ned nan ka yãnd bãmb ye, la ned ka tõe n yãnd bãmb me ye. Yaa bãmb n so waoogre, la pãng sẽn paad wakat sẽn kõn sa. Ãmina!

Ebre rãmba 4:13

Bõn-naandg baa a yembr ka be Wẽnnaam sẽn ka ne ye. Bũmb fãa yaa vẽenes la bɛɛl ne soab ning tõnd sẽn na n yals a taoor n togs d yɛlã.

Zake 1:17

Kũun-sõng fãa la kũun sẽn zems zãng fãa yita yĩngri, vẽenem ba wã nengẽ. Tekre, wall toeoong ka be bãmb pʋgẽ baa bilf ye.

1 Zã 1:5

Ad koɛɛg ningã tõnd sẽn wʋm a Zeezi Kiris nengẽ n togsd yãmbã: Wẽnnaam yaa vẽenem, la lik baa bilf ka be bãmb pʋgẽ ye.