A Dãniyɛlle 2:21 - WẼNNAAM SEBRE 2014

²¹ Yam ne pãng yaa bãmb n so. Bãmb n tekd wakate, la yɛla, Bãmb n kõt rĩm-dãmb naam, Bãmb n sikd rĩm-dãmb b naamẽ, Bãmb n kõt yam-dãmbã yam, la b kõt bãngdbã me bãngre.

A Dãniyɛlle 2:21 Iomraidhean Croise

1 Rĩm-dãmbã 10:24

Dũniyã ween-vɩɩs a naasã fãa neb rag n baood n yãnda rĩm a Salmo, sẽn na yɩl n wʋm a yam goamã Wẽnnaam sẽn kõ-a wã.

1 Rĩm-dãmbã 3:28

Israyɛll nebã fãa sẽn wʋm dĩm a Salmo sẽn kao bʋʋdã to-to wã, bãmb zoee rĩmã. Bala, b yãame tɩ rĩmã tara Wẽnnaam yam n maand a tʋʋmã ne tɩrlem.

1 Kibayã 22:12

Moasã, bɩ Sẽn-Ka-Saab kõ foom yam la bãngre. Bɩ b kɩt tɩ f naamã tall pãng Israyɛll soolmã pʋgẽ, tɩ f tõog n sak Sẽn-Ka-Saab sẽn yaa fo Wẽnnaamã tõogo.

1 Kibayã 29:30

Seb-kãens leb n wilgda a Davɩɩd rĩungã fãa ne a gãndaalmã tʋʋmã, la bũmb nins fãa a sẽn maan Israyɛll pʋgẽ, wall tẽmsã soolem-dãmbã fãa pʋsẽ.

A Ɛstɛɛre 1:13

Rĩmã goma ne yam dãmbã sẽn mi wakatã yɛlã, bala, rĩmã yɛl fãa pʋgẽ, a rag n sokda neb nins sẽn mi tõogã ne bʋʋdã fãa yɛlã võore.

A. Zoobe 12:18

Bãmb yolsda rĩm-dãmbã sẽn sẽb-b rãmbã. La b sẽb rĩm-dãmb sees ne sẽbds n dems-ba.

Yikri 31:3

Mam pida yẽnda ne Wẽnnaam Sɩɩgã n kõ yẽnda yam ne minim, la bãngre, tʋʋmã buud toor-toor fãa yĩnga,

Yikri 31:6

Mam yãka a Ayisamak biig a Oholiyaab sẽn yaa Dan buudã t'a sõng yẽnda. La mam kõo bãmb bãngre tɩ b maan bũmb nins fãa mam sẽn yeel foomã.

A Dãniyɛlle 1:17

Wẽnnaam kõo kom-bɩ-bãmbã b naasã bãngre, la yam tɩ b tõog n bãng sɛbã fãa kaoreng ne yẽesem, la a Dãniyɛll dag n tara bãngr n tõe n bilg vẽnegr ne zãmsd fãa võyã.

A Dãniyɛlle 10:1

Pɛrs-rãmbã rĩm a Siruus sẽn deeg naam tɩ yʋʋm tãablẽ, a Dãniyɛll b sẽn pʋd a soab yʋʋr t'a Bɛlsatzaarã paama koɛɛg sẽn yit Wẽnnaam nengẽ, la yaa koɛɛg sẽn yaa sɩda, la a wilgdame tɩ zab-kãseng n na n zĩndi. La a Dãniyɛll sẽn deeg koɛɛgã, a tagsame n bãng a võore.

A Dãniyɛlle 11:6

La yʋʋm bilf loogr zugẽ, bãmb na n maana kaool ne taaba. La goabg tẽng rĩmã na n dɩka a bi-pugl n kõ rɩtg tẽng rĩmã, n bao zems-n-taare. La bi-puglã ka na n tõog tɩ kaoolã yals ye. Bala, b na n kʋʋ yẽnda, la b kʋ a ba wã ne a sɩdã la biigã ne b tʋmtʋmdbã wakat-kãng bala.

A Dãniyɛlle 2:20

A Dãniyɛll yeelame: «Bɩ Wẽnnaam yʋʋr paam waoogr zamaan woo zamaane.

A Dãniyɛlle 2:23

Mam yaab-rãmbã Wẽnnaam, mam pẽgda yãmba, la m waoogd-y-yã, Yãmb sẽn kõ maam yam la pãngã yĩnga, bala, yãmb n vẽneg maam ne bũmb ning tõnd sẽn kos yãmbã, Yãmb n vẽneg tõnd ne yell ning sẽn pak rĩmã!»

A Dãniyɛlle 2:9

Dẽ wã, yãmb sã n ka togs maam m zãmsdã, yãmb fãa na n paama sɩbgre. Yãmb zemsa taab n dat n togs maam zĩrẽ goamã, la gom-vɩɩdo, sẽn na n yɩlẽ tɩ wakatã looge. Mam sẽn dat bala, yaa tɩ y togs maam m zãmsdã, dẽ, mam na bãng tɩ yãmb sɩd tõe n bilga maam a võorã.»

A Dãniyɛlle 4:14

Yam-yãk-kãngã yaa noor gũudbã sẽn kõ, La no-kãng yaa malɛgsã yam-yãkre. Sẽn na yɩlẽ tɩ bõn-vɩɩsã bãnge, tɩ yaa Wẽnnaam Sẽn-Ka-To wã n so ninsaalbã rĩungã fãa, bãmb kõt-a-la b sũur sẽn noom ne a soaba. La yaa bãmb n tõe n kɩt tɩ nin-talg wa lebg naaba.

A Dãniyɛlle 4:17

Tɩɩgã yãmb sẽn yã tɩ lebgd bedrã, hal t'a pãngã paasdẽ, t'a zugã tẽkd sa-gãongã, tɩ sẽn be-b dũniyã kɩremsã fãa ne-a wã,

A Dãniyɛlle 4:22

‹B na n diga yãmb n yiis ninsaalbã sʋka, tɩ yãmb tɩ vɩɩmd ne we-rũmsi. La b na n kɩtame tɩ yãmb wãbd yamd wa niigã. Meenem na n dʋʋga yãmba, la yãmb na n vɩɩmda a woto tɩ ta yʋʋm a yopoe, hal tɩ yãmb wa n bãng tɩ yaa Sẽn-Ka-To n so ninsaalbã naamã fãa, la bãmb kõt-a-la b sẽn dat-a soaba.

A Dãniyɛlle 4:32

Dũniyã nebã fãa yaa wa zaalem bãmb taoore. Bãmb maanda b sẽn dat ne malɛgsã sẽn be saasẽ wã, la ne ninsaalbã sẽn be dũniyã zugã. Ned ka be n tar pãng n tõe n kɩɩs bãmb b naamẽ wã ye. La ned me ka be n tõe n sok tɩ yaa bõe la b maand ye.

A Dãniyɛlle 7:25

Yẽnda na n goma goam sẽn paoogd Wẽnnaam Sẽn-Ka-To, la a na n namsa Wẽnnaam Sẽn-Ka-To nin-sõamyã. A na n makame n na n tek wakatã, la a tek Wẽnnaam nebã wẽn-tũudmã tõodã. La b na n basame t'a soog nin-sõamyã yʋʋm a tãab la pʋɩ-sʋka.

A Luk Sõng 21:15

Bala, mam na n ninga goam y noorẽ, la m kõ-y yam, la yãmb bɛɛbã fãa baa a yembr kõn tõog n kɩɩs wall b wẽ nokoeemd ye.

Rom Dãmba 13:1

Bɩ ned fãa sak pãn-soaadb sẽn yɩɩd-a. Bala, noor ka be sẽn ka yit Wẽnnaam nengẽ ye, la yaa Wẽnnaam n zĩnig pãn-soaadb nins sẽn be wã.

1 Korẽnt rãmba 1:30

Yaool n yaa Wẽnnaam n kɩt tɩ yãmb be a Zeezi Kiris pʋgẽ, Wẽnnaam kɩtame tɩ Kiris lebg tõnd yam, la d tɩrlem, la d welg-toore, la d fãagre,

Zake 1:17

Kũun-sõng fãa la kũun sẽn zems zãng fãa yita yĩngri, vẽenem ba wã nengẽ. Tekre, wall toeoong ka be bãmb pʋgẽ baa bilf ye.

Zake 1:5

Yam sã n paoog yãmb ned a yembre, bɩ a kos Wẽnnaam sẽn kõt nebã fãa ne yamleoog n ka lengdẽ wã, la b na kõ-a yamã.

Vẽnegre 19:16

Bãmb tara yʋʋr sẽn gʋls b fuugã zug la b geerã zugu: rĩm-dãmb Rĩma, la zu-soben-dãmb Zu-soaba.