A Dãniyɛlle 2:2 - WẼNNAAM SEBRE 2014

² Rĩm a Nebukatnedzaar kɩtame tɩ b bool tɩtã-rãmbã, ne bãngdbã, la bag-bʋgdbã ne Kalde rãmbã bãngdbã fãa, tɩ b wa bilg yẽnda a zãmsdã võore. La bãmb fãa waa rĩmã nengẽ.

A Dãniyɛlle 2:2 Iomraidhean Croise

Sɩngrẽ 41:8

Beoogã sẽn vẽege, Faarõ pɛlengã yɩkame t'a kɩt tɩ b bool tɩtã-rãmb fãa ne Ezɩpt tẽngã tɩtã-rãmb zãng tɩ b wa. La Faarõ togsa bãmb yẽnda zãmsdã sẽn yɩ to-to. La bãmb ned baa a yembr ka tõog n na n bilg zãmsd baa a yembr võor n kõ Faarõ ye.

A Ɛstɛɛre 1:13

Rĩmã goma ne yam dãmbã sẽn mi wakatã yɛlã, bala, rĩmã yɛl fãa pʋgẽ, a rag n sokda neb nins sẽn mi tõogã ne bʋʋdã fãa yɛlã võore.

Yikri 7:11

La Faarõ me boola yam dãmba ne tɩtã-rãmbã. Dẽ, Ezɩpt tɩtã-rãmb me maana woto ne bãmb tɩɩmã.

A Ezayi 19:3

Ezɩpt tẽng nebã yam na n menemame, mam na n zũndga bãmb saagrã. Bãmb na n tɩ soka wẽn-naandse, la b sok kɩɩmse, b na n kẽnda kinkir-bagb ne bag-bʋgdb nengẽ.

A Ezayi 8:19

B sã n wa yeel yãmba: «Kẽng-y n tɩ bao-y neb sẽn sogsd kɩɩmse, la y sok kinkir-bagbã sẽn walemd la b yẽgemdẽ wã. Buud fãa ka sokd a Wẽnnaam sɩda? B ka sokd kɩɩms nin-vɩɩs yĩng sɩda?»

A Dãniyɛlle 1:20

Yɛl nins fãa sẽn kẽed ne yam la bãngrã wɛɛngẽ, rĩmã sã n sokd n dat n bãng b võore, a mikdame t'a Dãniyɛll dãmb yɩɩda tɩtã-rãmba, ne bãngdbã sẽn be yẽnda soolmã fãa pʋgẽ wã naoor piiga.

A Dãniyɛlle 1:4

n yãk kom-bɩɩs kẽer sẽn ka tar zang b yĩngẽ wã, la sẽn yaa ra-sãmbã, n tar yam buud fãa, la bãngr ne minim, n tõe n tʋm na-yirã. La bɩ b zãms-b Kalde rãmbã buud goamã, ne sɛbã kaorengo.

A Dãniyɛlle 2:10

Kalde rãmbã yeela rĩmã yaa: «N-na! Ned ka be dũniyã zug ka, n tõe n maan bũmb ning yãmb sẽn kotã ye. Sẽn paas me, rĩm nan ka zĩndi, ba a naamã ne a pãngã sẽn yaa to-to, n yeel tɩtã-rãmba, ne bãngdbã, wall Kalde rãmbã bãngdbã tɩ b maan bũmb a woto ye.

A Dãniyɛlle 2:27

A Dãniyɛll yalsa rĩmã taoor n leok n yeele: «Yel-solemd ning rĩmã sẽn dat n bãng a võorã, ka bãngdbã, wall bãngdb ne tɩtã-rãmb n tõe n bilg yãmb a võorã ye.

A Dãniyɛlle 3:8

La wakat-kãng bala, Kalde rãmbã kolga rĩmã n kãneg zʋɩf-rãmbã.

A Dãniyɛlle 4:3

Dẽ, mam kɩtame tɩ b bool yam dãmb nins fãa sẽn be Babilond soolmã pʋgẽ wã, tɩ b tõe n wa bilg maam m zãmsdã võore.

A Dãniyɛlle 4:6

«Bɛlsatzaare, fo yaa bãngdbã fãa naaba, la mam miime tɩ Wẽnnaam-sõmyã sɩɩgã bee ne foom, la yel-solemd ba a yembr ka be t'a bilgr yaa toog ne foom ye. Dẽ yĩngã, bɩ f bilg maam m zãmsdã võore.

A Dãniyɛlle 5:7

La rĩmã tãsame, n yeel tɩ b tɩ bool bãngdbã ne Kalde rãmbã bãngdbã, ne bag-bʋgdbã tɩ b wa. Dẽ, rĩmã yeela bãmb yaa: «Ned ning sẽn na n tõog-a n karm-a gʋlsmã, la a bilg a võorã n kõ-ma, b na n yeelga a soabã naam fuugu, la b pid a soabã kokor sãnem yãndo, la b kõ-a naam n kɩt t'a yɩ tãabẽ-soab mam soolmã nanambs sʋka.»

1 Sãmwɛlle 6:2

La Filistẽ-dãmbã boola b maan-kʋʋdbã ne b bagbã n sok-b yaa: «Tõnd na n maana a wãn ne Sẽn-Ka-Saab kaoolã koglgã? Sõng-y tõnd tɩ d bãng d sẽn na n maan to-to n lebs-a a sẽn yiẽ wã.»