A Dãniyɛlle 2:11 - WẼNNAAM SEBRE 2014

¹¹ N-na! Yãmb sẽn kot bũmb ningã yaa toog wʋsgo. La ned ka be sẽn tõe n bãng bõn-kãngã n togs yãmba, sã n ka wẽnnaam-dãmbã bala. La wẽnnaam-dãmb-kãens me ka be ninsaalb sʋk ye.»

A Dãniyɛlle 2:11 Iomraidhean Croise

Sɩngrẽ 41:39

Faarõ yeela a Zozɛf yaa: «Ade, Wẽnnaam sẽn tõog n kɩt tɩ fo bãng bõn-kãensã wã, tõnd ka leb n tõe n yãnd ned a to sẽn tar bãngre, la a tar yam wa foom ye.

Sɩngrẽ 41:8

Beoogã sẽn vẽege, Faarõ pɛlengã yɩkame t'a kɩt tɩ b bool tɩtã-rãmb fãa ne Ezɩpt tẽngã tɩtã-rãmb zãng tɩ b wa. La Faarõ togsa bãmb yẽnda zãmsdã sẽn yɩ to-to. La bãmb ned baa a yembr ka tõog n na n bilg zãmsd baa a yembr võor n kõ Faarõ ye.

1 Rĩm-dãmbã 8:27

Dẽ yĩnga, Wẽnnaam sɩd tõe n zĩnda dũniyã zug la? Yĩngr ne a yalmã, a ka tõe n deeg yãmb a Wẽnnaam ye. Dẽ, roog ning mam sẽn me wã na n maana a wãn n tõog n deeg yãmba?

2 Kibayã 6:18

Dẽ yĩnga, Wẽnnaam tõe n zĩnda ninsaalb sʋk dũni zug sɩda? Ade, saasã, ne saasẽ-saasẽ ka tõe n deeg yãmb a Wẽnnaam ye. Dẽ, roog ning mam sẽn me wã na n maana a wãn n tõog n deeg yãmba?

Yɩɩn‑sõamyã 132:14

Bãmb yeelame: «Zĩ-kãngã na n yɩɩ mam vʋʋsg zĩig wakat fãa yĩnga. Mam na n zĩnda ka, bala, yaa ka la m data.

Yɩɩn‑sõamyã 68:18

Sẽn-Ka-Saab saar-dãmb sõor tata tusa-tusa, la Zu-soabã bee bãmb sʋka, tɩ Sinayi be zĩ-sõngẽ wã.

Yikri 29:45

Mam na n paa Israyɛll nebã sʋka, la m na n yɩɩ bãmb Wẽnnaam.

Yikri 8:19

La mam na n welga m nebã ne fo nebã. Yaa beoog la bõn-bãn-kãng na n zĩndi.»

A Ezayi 47:12

Dẽ wã, fo we n kell n pa f tɩ-rɩɩrã pʋga, kell n pa f bag-bʋgrã sẽn yaa wʋsgã pʋga. Fo namsa f meng bãmb yĩng hal f yãadem wakate! Tõeeme tɩ f na n paama nafr a pʋga, tõeeme tɩ f na n tũnuga be n kẽes rabeem!

A Ezayi 57:15

Bala, soab ning sẽn yɩɩd fãa wã, la sẽn paad wakat sẽn kõn sa wã, tɩ b yʋʋrã welg toorã yetame: «Mam bee hal yĩngr zĩig sẽn welg toor pʋgẽ, la m bee ne ned ning sũur sẽn sãame, soab ning sẽn be paoogr pʋgã, mam bee ne soab ning sɩɩgã sẽn yɛ, n na n bels sũ-pa-noaang soabã.

A Ezayi 8:18

Mam mengã ne kamb nins Sẽn-Ka-Saab sẽn kõ maamã yaa bãnde, la bõn-bãnd sẽn wilgd bũmb ning sẽn na n wa maan Israyɛll pʋgẽ, bõn-kãng yita Saasẽ-Pãng-Soabã sẽn be Sɩyõ tãngã zugã nengẽ.»

A Dãniyɛlle 4:4

La tɩtã-rãmb ne bãngdbã, la bag-bʋgdbã ne Kalde rãmbã bãngdbã fãa waame. Dẽ, mam togsa bãmb m zãmsdã, la bãmb ned ba a ye ka tõog n bilg maam a võorã ye.

A Dãniyɛlle 5:11

Ned a yembr n be yãmb soolmẽ wã n tar wẽnnaam-sõmyã sɩɩga. Yãmb ba wã zamaanẽ, b mikame t'a yaa ned sẽn tar vẽnegre, bãngre la a tar yam wa wẽnnaam-dãmbã yam. Dẽ kɩtame, tɩ rĩm a Nebukatnedzaar sẽn yaa yãmb ba wã yãk-a n kɩt t'a lebg tɩtã-rãmb ne bãngdbã, la Kalde rãmba bãngdbã ne bag-bʋgdbã fãa naaba. Yaa yãmb ba wã n dag n maan woto.

Sõadga 35:34

Yãmb ka tog n dẽgem tẽng ning yãmb sẽn na n tɩ kẽ wã ye. La y ka tog n dẽgem tẽng ning mam sẽn be a pʋgẽ wã ye. Bala, mam yaa Sẽn-Ka-Saabo, n bee Israyɛll nebã sʋka.»

A Matiye Sõng 19:26

A Zeezi ges-b lame n yeel-ba: «Ne ninsaala bõn-kãng ka tõe ye, la Wẽnnaam tõe bũmb fãa.»

A Zã Sõng 1:14

B kɩtame tɩ gomdã rɩk yĩng n zĩnd tõnd sʋka. Tõnd gesa bãmb ziiri, Bi-ribl sẽn ka to ziir a sẽn deeg a ba nengẽ, la b pida ne bark la sɩda.

A Zã Sõng 14:17

Sõangd‑kãng yaa sɩd Sɩɩg dũniyã sẽn ka tõe n deege, a sẽn ka ne bãmba la a ka mi‑bã yĩnga. La yãmba, yãmb mii bãmba, bala, b bee ne yãmba, la b na n zĩnda yãmb pʋsẽ.

A Zã Sõng 14:23

A Zeezi leoka yẽnda yaa: «Ned sã n nong maam, a na n saka mam gomde, la m ba na n nonga a soaba. Tõnd na n waa yẽnda nengẽ, n zĩnd yẽnda pʋgẽ.

2 Korẽnt rãmba 6:16

Bõe lagem-n-taar n be Wẽnnaam doogã ne wẽn-naands sʋka? Bala, tõnd yaa Wẽnnaam sẽn vɩ roogo, wa Wẽnnaam sẽn yeel tɩ: Mam na n zĩnda ne bãmba, la m kẽn bãmb sʋka. Mam na n yɩɩ bãmb Wẽnnaam, la bãmb na n yɩɩ mam nebã.

Vẽnegre 21:3

Mam wʋma koe-kãseng sẽn yi geerẽ wã n yeele: Ad Wẽnnaam yirã bee ninsaalb sʋka. Wẽnnaam na n zĩnda ne nebã. Bãmb na n yɩɩ Wẽnnaam nebã, la Wẽnnaam mengã na n paa ne bãmba.