A Dãniyɛlle 12:6 - WẼNNAAM SEBRE 2014

⁶ Bãmb ned a yembr yeela ned ning sẽn yer-a fu-peels n yas koomã zugã yaa: «Bõn-yɛɛsds-kãensã sɛɛbã daar na n yɩɩ dabʋre?»

A Dãniyɛlle 12:6 Iomraidhean Croise

Yɩɩn‑sõamyã 74:9

Tõnd ka leb n yãt bõn-bãn ye. Wẽnnaam no-rɛɛs ka leb n beẽ ye, la tõnd ned ba a ye ka mi rẽ sẽn na n kaoos n ta daar ning ye.

Ezekiyɛl 9:2

Dẽ, raop a yoob n yi rignoor ning sẽn tees nug-rɩtg sẽnẽ tɩ b boond tɩ rigno-zãntlgã n wa, la bãmb ned kam fãa rag n zãada a sãang zab-teoog a nugẽ. La rao a yembr n dag n be bãmb sʋkã n yer lamd gĩs-bãaneg fuug tɩ gʋlsem sẽn wẽnd ned sẽn gʋls be a sẽbdgẽ wã. Bãmb wa n yalsa zũud tẽn-kugrã sɛɛgẽ.

A Dãniyɛlle 12:5

La maam a Dãniyɛll sẽn ket n getẽ, mam yãnda neb a yiib a taab sẽn yik n yas yĩngri. A yembrã yasa kʋɩlgã noore, t'a yembrã be kʋɩlgã rʋʋnde.

A Dãniyɛlle 12:8

Maam a Dãniyɛll wʋma goamã, la m ka wʋm a võor ye. La mam sokame: M soaala, yel-bãmbã na n sɛɛ dabʋre?

A Dãniyɛlle 8:13

La mam wʋma pʋ-peelem soab a yembr sẽn gomde, la pʋ-peelem soab a to yeela yẽnda yaa: «Vẽnegrã sẽn kẽed ne daar fãa maoongã wɛɛngẽ wã, ne tʋʋm-wẽnsã wɛɛngẽ wã, la zĩig sẽn welg toorã wɛɛngẽ wã, ne a sẽn tõog tãb-biisã n tabã na n kaoosame n ta dabʋr n yaool n pidsi?»

A Dãniyɛlle 8:16

La mam wʋma ninsaal koɛɛg sẽn yi Ulayi kʋɩlgã sẽnẽ n kelem n yeel yaa: «Gabriyɛlle, bilg nin-kãngã vẽnegrã võore.

A Matiye Sõng 24:3

Bãmb zĩnda oliiv tɩɩs tãngã zugu, la bãmb karen-biisã waa bãmb nengẽ neb sẽn ka be be wakat n yeel-b yaa: «Togs-y tõnd wakat ning bõn-kãens fãa sẽn na n zĩndã, la bãnd ning sẽn na n wilg tɩ yãmb watame la tɩ dũni na n sɛɛme wã.»

A Mark Sõng 13:4

«Wilg-y tõnd bõn-kãng sẽn na n wa wakat ninga, la bãnd sẽn na n wilg bõn-kãens fãa saab wakate.»

Efɛɛz Rãmba 3:10

Dẽ, sẽn sɩng ne moasã, Kiris tẽedbã maasem yĩng na n kɩtame tɩ nanambsã ne yĩngr pãens rãmbã bãng Wẽnnaam yamã, bũmb wʋsg pʋgẽ.

1 Pɩyɛɛr 1:12

La Wẽnnaam vẽnega b no-rɛɛsdbã tɩ b bãng tɩ bãmb sẽn deeg koɛɛg ningã ka bãmb mens yĩng ye, la yaa yãmb yĩnga la b ya bõn-kãens tʋmtʋmdba. Moasã, neb nins sẽn moon yãmb koe-noogã togsa yãmb bõn-kãens ne Sɩɩg-sõng sẽn yi arzãnã pãnga, la baa malegsã mens datẽ lame n wʋm a võore.

Vẽnegre 15:6

Malegs nins sẽn da zãad tood a yopoe wã yii yɩlgr doogẽ wã. Bãmb dag n yera peen‑neer sẽn yaa pɛɛlg falll... fut sẽn yãgda. La b rag n sẽba b yãad ne sãnem sẽbdse.

Vẽnegre 19:14

Sodaasã sẽn be arzãnã dag n zaoo wed-peels n pʋgd bãmba, n yer peen‑neer fut sẽn yaa peels la yɩlma.

Vẽnegre 6:10

Bãmb zẽka b koees ne pãng n yeel yaa: «Zu-soben-sõng la sɩd soaba, yãmb na n gũume hal tɩ ta dabʋr tɩ y yaool n kao dũniyã nebã bʋʋdo, la y rok y sũur tõnd zɩɩmã raagr yĩnga?»