A Dãniyɛlle 12:4 - WẼNNAAM SEBRE 2014

⁴ La bɩ foom a Dãniyɛll solg gom-kãense, la f pag sebrã hal tɩ ta yaoolem wakate. Neb wʋsg na n karma sebrã n paam bãngr n paase.»

A Dãniyɛlle 12:4 Iomraidhean Croise

A Ezayi 11:9

Mam tãn-sõngã fãa zugu, bãmb ka na n maan to bũmb ye, sãoong buud kõn tol n leb n zĩnd ye. Bala, dũniyã gill na n pida ne Sẽn-Ka-Saab bãngre, wa ko-kãsengã sẽn pidã.

A Ezayi 29:11

Ne yãmba, b sẽn vẽneg yel-kãensã fãa wã wẽnda wa sebr b sẽn gʋls goam a pʋgẽ n yaool n sog-a, n dɩk-a n kõ ned sẽn mi kaorengo, n yeel-a: «M kotame tɩ f karem sẽn gʋlsã,» t'a leoke: «Mam ka tõe n karm-a ye, bala, b sog-a lame.»

A Ezayi 30:26

Daar ning Sẽn-Ka-Saab sẽn na n tɩp b nebã poglgã, la b maag b sẽn dag n pãb bãmbã noadã, kiuugã vẽenem na n yɩɩ wa wĩntoog vẽenem, la wĩntoogã vẽenem na n paasa naoor a yopoe wa rasem a yopoe vẽenem.

A Ezayi 32:3

Woto, neb nins sẽn ne wã nin ka na n leb n mum ye, la neb nins tʋb sẽn wʋmdã na n kell n wʋmdame.

A Ezayi 8:16

Bĩng kaset-kãngã, sog tõ-kãngã n bĩng m karen-biisã sʋka.

Zeremi 5:1

Saag-y Zeruzalɛm soayã zutu. Kẽng-y raasã pʋs n tɩ ges neere, la y sok n gese, y na n yãnda ned sẽn maand tɩrga, la sẽn baood tɩ maan sɩda. Yãmb sã n yãnd ned a woto, mam na n kõo Zeruzalɛm nebã sugri.

A Dãniyɛlle 10:1

Pɛrs-rãmbã rĩm a Siruus sẽn deeg naam tɩ yʋʋm tãablẽ, a Dãniyɛll b sẽn pʋd a soab yʋʋr t'a Bɛlsatzaarã paama koɛɛg sẽn yit Wẽnnaam nengẽ, la yaa koɛɛg sẽn yaa sɩda, la a wilgdame tɩ zab-kãseng n na n zĩndi. La a Dãniyɛll sẽn deeg koɛɛgã, a tagsame n bãng a võore.

A Dãniyɛlle 10:14

Moasã, mam waame n na n wilg foom bũmb ning sẽn na n wa n paam fo nebã yaoolem wakatã. Bala, vẽnegr a yembr n ket wakat-kãng wɛɛngẽ.»

A Dãniyɛlle 11:33

Yam dãmbã sẽn be nebã sʋkã na n zãmsa neb wʋsg tɩ b paam bãngre. La wakat bilf pʋgẽ, b na n kʋʋ neb kẽer bãmb sʋkã ne zabr sʋʋga, la b yõog kẽer bugum, la b yõg kẽer n kẽes yembdo, la b zɛ kẽer paoongo.

A Dãniyɛlle 11:40

La wakat ning b sẽn yãk tɩ yaa sɛɛbã wakatã sã n ta, Ezɩpt rĩmã na n zaba ne rɩtg rĩmã. La rɩtg rĩmã na n talla a saar-dãmbã, ne a wed-rʋʋdbã, la a koom kogend wʋsg n fõd n kẽ-a wa sob-kẽenga, n kẽ b tẽmsã n pasg n looge.

A Dãniyɛlle 12:13

La bɩ foom a Dãniyɛll kell n yals kãenkãe n tãag yɛlã sɛɛb wakate. La fo na n paama vʋʋsgo, n yik n deeg f keoor yaoolem daarã.

A Dãniyɛlle 12:5

La maam a Dãniyɛll sẽn ket n getẽ, mam yãnda neb a yiib a taab sẽn yik n yas yĩngri. A yembrã yasa kʋɩlgã noore, t'a yembrã be kʋɩlgã rʋʋnde.

A Dãniyɛlle 12:9

La b leoka maam yaa: «Dãniyɛlle, ra yɛɛs ye. Bala, gom-bãmbã tog n solgame, hal tɩ ta wakatã sɛɛbã.»

A Dãniyɛlle 8:17

Dẽ, malɛɛk a Gabriyɛll kẽngame n kolg zĩig ning mam sẽn dag n be wã, la mam yɛɛsame, n lʋɩ n fõgen m neng tẽnga. La a yeela maam yaa: Ninsaal biiga, bãng tɩ vẽnegrã wilgda yɛlã sẽn na n yɩ to-to yaoolem wakate.»

A Dãniyɛlle 8:19

La malɛɛk a Gabriyɛll yeela maam yaa: Mam na n vẽnega foom bũmb ning sẽn na n zĩnd sũ-puugrã loogr zugẽ, bala, b yãka wakatã sɛɛb daare.

A Dãniyɛlle 8:26

Vẽnegr ning sẽn kẽed ne zaabr la yibeoog maandã wɛɛngẽ wã yaa bũmb sẽn yaa sɩda. Bɩ f bĩng-a f sũurẽ n da gom a yell tɩ ned wʋm ye. Bala, a yaa wakat sẽn ket n zãr yelle.

A Matiye Sõng 24:14

Wẽnnaam soolmã koe-no-kãngã na n moona dũni gill fãa, tɩ yɩ kaset soolem toay‑toayã fãa nebã yĩnga. Dẽ, wakat sɛɛb na yaool n ta.

Rom Dãmba 10:18

La mam sokdame tɩ b ka wʋm la? B wʋm yã! Bãmb koɛɛg saaga tẽn-tõrã, la bãmb goamã taa dũni tɛk fãa.

Vẽnegre 10:4

Sa-kelems a yopoe wã sẽn gomã, mam dag n na n gʋlsame, la mam wʋma koɛɛg sẽn yi arzãn n yeel yaa: «Solg bũmb nins sa-kelems a yopoe wã sẽn togsã, la f ra gʋls-b ye.»

Vẽnegre 22:10

Dẽ poore malɛɛkã yeela maam yaa: Da solg seb-kãngã pĩnd-n-bãngr goamã ye! Bala, b pidsgã wakat kolgame.

Vẽnegre 5:1

La mam yãnda sebr sẽn be sẽn zao-a geerã zugã nug‑rɩtgẽ. Sebrã pʋg ne a poorã fãa gʋlsame, la b sog-a-la ne sogds a yopoe.