A Dãniyɛlle 12:3 - WẼNNAAM SEBRE 2014

³ La yam dãmbã na n pɩnda wa sa-gãongã, la neb nins sẽn zãms neb a taabã tɩ b tũ tɩrlem sorã na n pɩnda wa ãds wakat fãa n ka sɛtẽ ye.

A Dãniyɛlle 12:3 Iomraidhean Croise

Yikri 34:35

Israyɛll nebã yãndame t'a Moyiis nengã pɩndame. Dẽ, a Moyiis lebgd n luda a nengã ne peendã yɛsa, hal tɩ ta yẽnda sẽn na n leb n kẽ n gom ne Sẽn-Ka-Saabo.

Yelbũna 11:30

Nin-tɩrg biis yaa wa vɩɩm tɩɩga, la yam soab paamda nebã.

Yelbũna 3:35

Yam dãmbã na n paama waoogr tɩ yɩ b pʋɩɩre, la yalembã na n paama paoogre.

Yelbũna 4:18

La nin-tɩrsã sor wẽnda wa sõor sẽn pukdi, t'a vẽenemã paasdẽ, hal n wa ta wĩnto-sʋka.

Kowelɛt 12:9

Koɛɛg soabã rag n tara yam. La sẽn paase, yẽnda zãmsa nebã tɩ b paam bãngre. Yẽnda tagsa yel-bũn wʋsg yɛla, n fees n bãng b võyã, la yẽnda manega bãmba.

A Ezayi 53:11

Bãmb sẽn paam toogã yĩnga, b na n yãnda vẽenem, la b na n tɩga ne bãmb bãngre. Mam tʋmtʋmdã sẽn yaa tɩrlem soabã na n waa ne tɩrlem buud wʋsg yĩnga, la b na n deega bãmb kongrã.

Zeremi 23:22

Bãmb sã n dag n zĩndẽ mam tigingẽ wã, b rag n na n dɩkẽ-la m goamã n togs m nebã, n kɩt tɩ b bas b manesem-wẽnsã ne b tʋʋm-wẽnsã.

A Dãniyɛlle 11:33

Yam dãmbã sẽn be nebã sʋkã na n zãmsa neb wʋsg tɩ b paam bãngre. La wakat bilf pʋgẽ, b na n kʋʋ neb kẽer bãmb sʋkã ne zabr sʋʋga, la b yõog kẽer bugum, la b yõg kẽer n kẽes yembdo, la b zɛ kẽer paoongo.

A Dãniyɛlle 11:35

B na n kʋʋ yam dãmbã sʋk neb kẽere, la rẽ na n waa ne nebã yɩlgre, la b pekre, tɩ b lebg sõama, hal tɩ sɛɛbã wakat Wẽnnaam sẽn yãkã ta, bala rag n nan ka sɛɛbã wakat nand ye.

A Dãniyɛlle 12:10

Neb wʋsg na n paama yɩlgre, la pekre, n lebg sõama. Nin-wẽnsã na n ket n maanda wẽngã, la bãmb ned ba a ye ka na n wʋm yɛlã võor ye. La yam dãmbã na n wʋma a võore.

A Matiye Sõng 13:43

Dẽ, nin-tɩrsã na n yãga wa wĩndg bãmb ba soolem pʋgẽ. Bɩ ned ninga sẽn tar‑a tʋb wʋme.»

A Matiye Sõng 19:28

A Zeezi leoka bãmb yaa: Sɩd-sɩda, mam yeta yãmb fãa sẽn tũ maamã, tɩ bũmba fãa tekrã wakate, ninsaal bi‑riblã sã n wa zaoond b naamã geer zugu, yãmb me na n zaoonda gɛy piig la a yiib zut n kao Israyɛll buud piig la a yiibã bʋʋdo.

A Matiye Sõng 24:45

Dẽ wã, tʋmtʋmd bʋg n tar yam n yaa sɩd soaba, t'a soaalã lʋɩɩs-a a nebã taoore, t'a tõe n kõ-b rɩɩb wakat fãa sẽn segde?

A Zã Sõng 4:36

Sẽn tigsd-a wã zoe n deegda a tʋʋm yaoodo, la a tigsda koodã wakat sẽn kõn sa yĩnga. Woto, sẽn bʋt-a wã ne sẽn tigsd-a wã naagda taab n kɩdme.

A Zã Sõng 5:35

A Zã dag n yaa fɩtl sẽn wita, n yãgda, la yãmb tʋlgame n maan sũ-noog wakat bilf bal yẽnda vẽenemẽ wã.

Tʋʋma 13:1

Wẽnnaam no-rɛɛsdb la karen-saam-dãmb n dag n be a Zeezi tẽedbã sẽn be Ãntiyoosã sʋka. Yaa a Barnabaas ne a Sɩmyõ b sẽn boond t'a Nizɛɛr ne a Lisiyuus sẽn yit Sirɛn la a Manayɛn sẽn wub rĩm a Erood ba wã zakẽ, ne a Solle.

1 Korẽnt rãmba 3:10

Wẽnnaam nimbãan-zoeerã b sẽn maana yĩnga, mam yẽbga roogã wa tãn-met sẽn tar yam, la ned a to waa n mee yẽbgrã zugu. La bɩ ned fãa gũus ne a sẽn met to-to yẽbgrã zugã.

Efɛɛz Rãmba 4:11

Yaa bãmb n kɩt tɩ neb kẽer yɩ tẽn-tʋmdbã, tɩ kẽer yɩ bãmb no-rɛɛsdba, tɩ kẽer yɩ koe-noogã moaandba, tɩ kẽer yɩ pe-kɩɩmba la karen-saam-dãmba,

Ebre rãmba 5:12

Sẽn kaoos n ta moasã, tɩ yãmb da tog n yɩ karen-saam-dãmbã, yãmb leb n datame tɩ b zãms yãmb Wẽnnaam yel-soalmã pipi koees sẽn yaa naana wã. Yãmb leb n tõdgda rɩ-taok n dat bĩisim.

2 Pɩyɛɛr 3:15

Bãng-y tɩ tõnd Zu-soabã sẽn maand sũ-marã, yaa tɩ yãmb na paam fãagre, wa tõnd ba-bi-nongr a Poll sẽn gʋls me n wilg yãmb wa sẽn zems yam ning Wẽnnaam sẽn kõ yẽnda wã.

Vẽnegre 1:20

Ad ãds a yopoe wã fo sẽn yã mam rɩtgã ne sãnem fɩtl-dogends a yopoe wã yel-solemdã võore: Ãds a yopoe wã yaa wẽnd-dot a yopoe sẽn be tẽms a yopoe wã gũudba, la sãnem fɩtl-dogends a yopoe wã yaa wẽnd-dot a yopoe wã sẽn be tẽms a yopoe wã.

Bʋ-kaoodba 5:31

Sẽn-Ka-Saabo, kɩt-y tɩ y bɛɛbã me sãam a woto! La y kɩt tɩ sẽn nong-b yãmbã yãge, wa wĩntoog sẽn yãgd ne pãngã fãa.» Dẽ, tẽngã zĩnda bãan yʋʋm pis-naase.