A Dãniyɛlle 12:2 - WẼNNAAM SEBRE 2014

² La neb wʋsg sẽn gãe tẽng tomẽ na n vʋʋgame. Kẽer na n vʋʋgame n paam vɩɩm sẽn kõn sa, tɩ kẽer vʋʋg n paam yãnde, n vɩɩmd paoog-kãseng pʋg wakat sẽn kõn sa yĩnga.»

A Dãniyɛlle 12:2 Iomraidhean Croise

Yelbũna 12:8

Ned gũus-m-meng n kɩtd tɩ b pẽgd-a, la tags-wẽns soab paamda paoogre.

A Ezayi 26:19

Fo kũumã na n leb n paama vɩɩm, sẽn ki-bã na n leb n vʋʋgame. Yãmb dãmb sẽn be tẽng tomẽ wã, nek-y-yã, kaas-y ne sũ-noogo! Bala, yãmb meenemã yaa meenem sẽn kõt vẽenem. La tẽn-gãongã na n basa sẽn dag n be-b lik pʋgã tɩ b wa vẽenemẽ.

A Ezayi 66:24

La bãmb sã n yi, b na n yãnda neb nins sẽn kɩɩs maamã kũum sẽn dʋre. Bala, bãmb zũnzũiyã ka kiida, la bãmb bugmã me ka kiid ye. Bãmb na n yɩɩ bõn-põosg ninsaal buud fãa yĩnga.

Zeremi 20:11

La Sẽn-Ka-Saab bee ne maam wa gãndaoog sẽn tar pãnga. Rẽ n kɩt tɩ mam namsdbã na n lak n lʋɩ. Bãmb ka na n tõog maam ye. Bãmb na n dɩɩ yãnde, b sẽn ka tõogã yĩnga. Na n yɩɩ yãnd sẽn ka na n sɛ abada, hal tɩ b ka leb n tõe n yĩm a yell ye.

Ezekiyɛl 37:12

Woto yĩnga, togs pĩnd-n-bãngr goam n yeel-b tɩ maam a Zu-soab a Sẽn-Ka-Saab yetame: «Mam nebã, ade, mam na n pagsa y yaadã n yiis yã, la m tall-y n lebg n leb Israyɛll tẽn-gãongã zugu.

A Ooze 13:14

Mam na n fãaga bãmb kɩɩm-kulgu, La m na n fãag-b-la ne kũum. Kũum, fo toog bee yɛɛnẽ? Kɩɩm-kulgu, fo sãoong bee yɛɛnẽ? Mam ka leb n tar nimbãan-zoeer ye!

A Matiye Sõng 25:46

La nin-kãens na n kẽe sɩbgr sẽn kõn sa pʋgẽ, la nin-tɩrsã na n kẽe vɩɩm sẽn kõn sa pʋgẽ.

Tʋʋma 24:15

Mam tara tẽeb pidsg gũudum‑kãnga, ne Wẽnnaam wa mam dõatbã mens sẽn tarã, n tẽed tɩ nin-sõamyã la nin-wẽns na n vʋʋgame n bas kũum.

Tʋʋma 7:60

Dẽ, a Etɛn yĩgimda a rũm zug n kelem ne pãng n yeel yaa: Zu-soaba, da ning-y b taal yel-wẽn-kãngã yĩng ye. La a sẽn yeel a woto n sɛ, a gũsame.

Rom Dãmba 9:21

Ka yagbã n so yagdã, n yãkd yagd a yembr pʋgẽ n yagd teoogo a tʋʋm sẽn be waoogre, la a yagd teoogo a tʋʋm sẽn be paoogr la?

1Tesalonik Rãmba 4:14

Sɩd me, tõnd sã n tẽed t'a Zeezi kiime la tɩ b leb n vʋʋgame, tõnd tẽedame me tɩ neb nins sẽn ki Kiris tũudum pʋgẽ wã, Wẽnnaam na n kɩtame tɩ Kiris vʋʋg-ba, n lagem bãmb ne a Zeezi n zẽke.

Vẽnegre 20:12

La mam yãnda neb nins sẽn ki wã, nin-kãsemse, nin-talse tɩ b yas geerã taoore. La b lagsa sɛba, la b laka sebr a to sẽn yaa vɩɩm sebre. B bʋʋ sẽn ki-bã bʋʋdo, n zems ne bũmb nins sẽn gʋls sɛbã pʋsã, n zems ned fãa tʋʋmd sẽn yɩ a soaba.