A Dãniyɛlle 12:10 - WẼNNAAM SEBRE 2014

¹⁰ Neb wʋsg na n paama yɩlgre, la pekre, n lebg sõama. Nin-wẽnsã na n ket n maanda wẽngã, la bãmb ned ba a ye ka na n wʋm yɛlã võor ye. La yam dãmbã na n wʋma a võore.

A Dãniyɛlle 12:10 Iomraidhean Croise

Yɩɩn‑sõamyã 107:43

Bɩ sẽn tar-a yam gũus ne bõn-kãens fãa, n wʋm Sẽn-Ka-Saab nonglmã võore.

Yɩɩn‑sõamyã 51:7

Ade, mam doga kongrã pʋga. Hal mam sẽn dag n ket m ma pʋgẽ, mam yaa yel-wẽnã soaba.

Yelbũna 1:5

Yam soab sã n kelge, a na paam yam n paase, la sẽn tar-a bãngr me sã n kelge, a na tõog n tɛ neb a taaba.

A Ezayi 1:18

Sẽn-Ka-Saab yetame: «M kotame tɩ y wa tɩ d yẽs ne taaba. Baa yãmb yel-wẽnã sã n yaa miuug wa saag-pag-a-minamina, b na n lebga pɛɛlg wa lampalga. La baa b sã n yaa miuug wa monem, b na n lebga pɛɛlg wa pe-kõbdo.

Ezekiyɛl 36:25

Mam na n dɩka ko-yɩlemd n zãgs yãmba, la yãmb na n yɩɩ yɩlma. Mam na n yɩlga yãmb n yiis y rẽgdã ne y bõn-naandsã.

Ezekiyɛl 47:11

A bãtã ne a bulsã koom ka na n tek ye. B na n kell n yɩɩ yamsem.

A Dãniyɛlle 11:33

Yam dãmbã sẽn be nebã sʋkã na n zãmsa neb wʋsg tɩ b paam bãngre. La wakat bilf pʋgẽ, b na n kʋʋ neb kẽer bãmb sʋkã ne zabr sʋʋga, la b yõog kẽer bugum, la b yõg kẽer n kẽes yembdo, la b zɛ kẽer paoongo.

A Dãniyɛlle 11:35

B na n kʋʋ yam dãmbã sʋk neb kẽere, la rẽ na n waa ne nebã yɩlgre, la b pekre, tɩ b lebg sõama, hal tɩ sɛɛbã wakat Wẽnnaam sẽn yãkã ta, bala rag n nan ka sɛɛbã wakat nand ye.

A Dãniyɛlle 12:3

La yam dãmbã na n pɩnda wa sa-gãongã, la neb nins sẽn zãms neb a taabã tɩ b tũ tɩrlem sorã na n pɩnda wa ãds wakat fãa n ka sɛtẽ ye.

A Ooze 14:9

Efrayiim nebã, Bõe yõod la mam leb n tar ne wẽn-naandsã? Maam n na n leok yãmb kosgo, la m ges y yelle. Mam na n yɩɩ wa sɩprɛs tɩɩg sẽn tobd wakat fãa wã. Yaa mam nengẽ la yãmb biisã yita.

Zakari 13:9

La m na n dɩka sẽn kell-a wã n ning bugmẽ, mam na n yẽnega yẽnda wa b sẽn yẽnegd wanzuri, mam na n zuga yẽnda wa b sẽn zugd sãnem. Yẽnda na n boola mam yʋʋrã, la mam na n leok-a lame. Mam na n yeelame yaa: «Bãmb n yaa mam nebã.» La bãmb na n yeelame: «Sẽn-Ka-Saab n yaa tõnd Wẽnnaam.»

Malasi 3:3

Yẽnda na n zĩnda wa ned sẽn zĩ n yẽnegd wanzuri n yɩlgd-a. Yẽnda na n yɩlga Leevi yagensã, a na n yɩlga bãmb wa b sẽn yɩlgd sãnem ne wanzuri to-to wã, la bãmb na n yɩɩ neb sẽn tõe n tall kũun n wa Sẽn-Ka-Saab yĩnga, wa sẽn zems tɩrlmã.

A Mark Sõng 4:11

A Zeezi yeela bãmba: «Yaa yãmb la Wẽnnaam kɩt tɩ y bãng bãmb soolmã bõn-solgdse, la ne neb nins sẽn ka be soolmã pʋgẽ wã, yel-kãens yaa soalem bala,

A Luk Sõng 24:25

Dẽ, a Zeezi yeel-b lame yaa: Neb yam sẽn ka weke, yãmb ka tẽed bũmb nins fãa Wẽnnaam no-rɛɛsdbã sẽn togsã tao-tao ye!

A Zã Sõng 18:37

A Pilat yeelame: Dẽnd fo yaa rĩm wɛ? A Zeezi leokame n yeele: «Yaa wa yãmb sẽn yeelã, mam yaa rĩma. Ad bũmb ning yĩng mam sẽn dogã, la bũmb ning yĩng mam sẽn wa dũni wã: Yaa tɩ kɩs sɩdã kaseto. Ned ning fãa sẽn yaa sɩdã rẽnd kelgda mam koɛɛga.»

A Zã Sõng 7:17

Ned ning fãa sẽn dat n tũ Wẽnnaam daabã na bãng zãms-kãng sã n yita bãmb nengẽ, wall mam goamã sã n yita mam meng nengẽ.

A Zã Sõng 8:47

Wẽnnaam biig kelgda Wẽnnaam goamã. Yãmb ka kelgda, yãmb sẽn ka Wẽnnaam kambã yĩnga.»

1 Korẽnt rãmba 6:11

Yãmb neb kẽer yaool n dag n yaa a woto. La yãmb paama pekre, b kɩtame tɩ yãmb lebg sõama, b kɩtame tɩ yãmb zemse, tõnd Zu-soab a Zeezi Kiris yʋʋrã maasem yĩnga, la ne tõnd Wẽnnaamã Sɩɩg pãnga.

2 Korẽnt rãmba 7:1

Woto yĩnga, m zo-nongdse, tõnd sẽn tar kãab-kãensã wã, bɩ d yɩlg d mens ne rẽgd ning sẽn dẽgemd yĩngã ne sɩɩgã, n bɩ sõmblem sẽn zems zãng pʋgẽ n paase, Wẽnnaam dabeem zoees pʋgẽ.

A Titi 2:14

A Zeezi Kiris kõo b meng tõnd yĩnga, tɩ fãag tõnd ne yel-wẽn fãa n kɩt tɩ tõnd lebg bãmb neb b sẽn yɩlge, la sẽn wɩngd ne tʋʋm-sõamyã maanego.

Ebre rãmba 12:10

Sɩd me, tõnd ba-rãmba dag n sɩbgda tõnd wakat bilf yĩng wa b sẽn tẽed tɩ zemsame, la Wẽnnaam sɩbgda tõnd d sõngr yĩng meng-menga, tɩ tõnd me na welg toor n yɩ sõama wa bãmba.

1 Pɩyɛɛr 1:22

Yãmb sẽn sak sɩdã n yɩlg y mensã, sẽn na n yɩlẽ n paam nonglem meng-meng ba-biisã yĩngã, bɩ y nong taab wʋsg ne y sũyã fãa,

1 Pɩyɛɛr 1:7

Yaa sẽn na yɩl n mak yãmb tẽebã n bãng a sẽn yaa a soaba. Sãnem yaa bõn-sãamdga, la baoosgo b makd-a-la ne bugum n getẽ. La yãmb tẽebã sẽn tar yõod wʋsg n yɩɩd sãnemã, b makd-a lame n getẽ, t'a Zeezi Kiris waoongã daare, bɩ y paam pẽgre la ziiri ne waoogre.

1 Zã 5:20

Tõnd miime me tɩ Wẽnnaam Bi-riblã waame, la b kõo tõnd bãngr tɩ d bãng soab ning sẽn yaa sɩdã. La tõnd bee sẽn yaa-a sɩdã pʋgẽ, b Bi-ribl a Zeezi Kiris maasem yĩnga. Yaa bãmb la Wẽnnaam sɩd-sɩda la vɩɩm sẽn kõn sa.

Vẽnegre 16:11

La toodã ne noadã sẽn tar bãmbã yĩnga, b paooga saasẽ Wẽnnaamã, la b ka tek yam n kos sugr b tʋʋm wẽnsã yĩng ye. Sũ-puugr laaga.

Vẽnegre 19:14

Sodaasã sẽn be arzãnã dag n zaoo wed-peels n pʋgd bãmba, n yer peen‑neer fut sẽn yaa peels la yɩlma.

Vẽnegre 19:8

B kõo pʋg-paalã peen‑neer fuug sẽn pɩnd n ka tar rẽgd t'a yeelge. peen-neer fuugã yaa nin-sõamyã wã tʋʋm sõamyã.

Vẽnegre 22:11

Bɩ ned ning sẽn yaa ka-tɩrlem soab kell n paas a ka-tɩrlmã, tɩ ned ning sẽn yaa tʋʋm-dẽgd soab kell n dẽgem a meng n paase, tɩ ned ning sẽn yaa tɩrg kell n maan tɩrlem n paase, tɩ ned ning sẽn yaa yolgemd kell n yɩ yolgemd n paase!

Vẽnegre 3:18

mam sagenda yãmb tɩ y ra sãnem sẽn yɩlg ne bugum mam nengẽ, tɩ y tõe n lebg arzegs rãmba, la y ra fu-peels mam nengẽ, tɩ y tõe n paam n yeelge, n lud y yãnd n da yɩ y zaal ye, la y ra nin kaam mam nengẽ n sõog y ninã tɩ y tõe n yã.

1 Sãmwɛlle 24:13

Sẽn-Ka-Saab n na n yɩ bʋ-kaood maam ne yãmb sʋka. Yaa bãmb n na n dok mam sũur ne yãmba, bala, mam nug kõn tol n sɩɩs yãmb ye.