A Dãniyɛlle 11:6 - WẼNNAAM SEBRE 2014

⁶ La yʋʋm bilf loogr zugẽ, bãmb na n maana kaool ne taaba. La goabg tẽng rĩmã na n dɩka a bi-pugl n kõ rɩtg tẽng rĩmã, n bao zems-n-taare. La bi-puglã ka na n tõog tɩ kaoolã yals ye. Bala, b na n kʋʋ yẽnda, la b kʋ a ba wã ne a sɩdã la biigã ne b tʋmtʋmdbã wakat-kãng bala.

A Dãniyɛlle 11:6 Iomraidhean Croise

A. Zoobe 38:15

La b kɩtdame tɩ nin-wẽnsã vẽenem meneme, tɩ kang ning sẽn zẽkd-a wã kaooge.

Yɩɩn‑sõamyã 10:5

Nin-wẽng paamda tõogr wakat fãa. La Wẽnnaam bʋ-kaoorã zãra ne a wʋmbo. Yẽnda pursda a bɛɛbã fãa.

Ezekiyɛl 30:21

«Ninsaala, mam kaooga Ezɩpt dĩm a Faarõ kangã! La ned ba a yembr ka wa ne tɩɩm n na n tɩp-a ye! La b ka wa ne pɛɛl sẽn na n vil a kangã t'a leb n paam pãng n tõog n gãd sʋʋg ye.

A Dãniyɛlle 11:13

Bala, wakat bilf loogr zugẽ, rɩtg rĩmã na n lebg n tigsa tãb-biis sẽn yaa wʋsg n yɩɩd pipi rãmbã, n lebg n wa. Rɩtg rĩmã na n waa ne tãb-bi-kʋʋng sẽn tar zab-teed sẽn tar pãng wʋsgo.

A Dãniyɛlle 11:15

Rɩtg rĩmã na n yika zabr ne tẽms sẽn gũbg ne lalse, la a na n tõog-b lame. La Ezɩpt tãb-bi-kʋʋngã ne b gãndaadã ka na n paam pãng n tõog n yals n zab ne-a ye.

A Dãniyɛlle 11:40

La wakat ning b sẽn yãk tɩ yaa sɛɛbã wakatã sã n ta, Ezɩpt rĩmã na n zaba ne rɩtg rĩmã. La rɩtg rĩmã na n talla a saar-dãmbã, ne a wed-rʋʋdbã, la a koom kogend wʋsg n fõd n kẽ-a wa sob-kẽenga, n kẽ b tẽmsã n pasg n looge.

A Dãniyɛlle 11:7

La wakat-kãnga, bi-puglã buudã ned a yembr n na n yik n led a ba wã sẽn yaa Ezɩpt rĩmã zĩigẽ, n kẽng rɩtg rĩmã tãnsobengẽ wã, tẽngã sẽn gũbg ne lalsã pʋgẽ, n tɩ zab ne-a, n deeg a tẽngã n sooge.

Zakari 11:16

Bala, mam na n yãka pe-kɩɩm tẽngã pʋga. La yẽnda ka na n tɩ gẽes rũms nins sẽn menemdã ye. Yẽnda ka na n bao peosg ning sẽn meneme, a ka na n tɩp peosg ning sẽn pogle, a ka na n ges peosg ning sẽn tar laafɩ wã yell ye. Yẽnda na n wãbda pe-nobdsã, la a fʋgsd b nao-bendã.»