A Dãniyɛlle 11:45 - WẼNNAAM SEBRE 2014

⁴⁵ Yẽnda na n tilga a naamã fu-rot ko-kãsemsã ne tãn-sõngã sẽn yaa neerã sʋka. La kũumã na n linga yẽnda beenẽ, tɩ ned ka be n na n fãag-a ye.

A Dãniyɛlle 11:45 Iomraidhean Croise

Yɩɩn‑sõamyã 48:2

Sẽn-Ka-Saab yaa kãsenga, la b zemsa ne waoogre. Tõnd Wẽnnaamã tẽng pʋg sẽn yaa bãmb tãn-sõngã.

A Ezayi 10:12

La Sẽn-Ka-Saab sã n wa n pids b tʋʋmdã fãa Sɩyõ tãngã zug Zeruzalɛm n sɛ, bãmb na n sɩbga Asiiri rĩma a wuk-m-mengã ne a tɩtaamã tagsg yĩnga.

A Ezayi 11:9

Mam tãn-sõngã fãa zugu, bãmb ka na n maan to bũmb ye, sãoong buud kõn tol n leb n zĩnd ye. Bala, dũniyã gill na n pida ne Sẽn-Ka-Saab bãngre, wa ko-kãsengã sẽn pidã.

A Ezayi 14:13

Fo rag n yetame: «Mam na n dʋʋ n taa saasẽ, mam na n zẽka m naamã geer n zʋʋg Wẽnnaam ãdsã, Mam na n zaoonda sɛk tãngã zugu, tãng ning sẽn be rɩtg hal zĩ-zãrgẽ wã.

A Ezayi 2:2

Wakat n wate, tɩ tãng ning Sẽn-Ka-Saab roogã sẽn tilg a zugã na n lug n yɩɩg tãms a taabã, a na n zẽkame t'a zãntlmã yɩɩg kunkubã zãntlem. La buud toay-toay fãa na n zoe n waa beenẽ.

A Ezayi 27:13

Badaare, b na n peeba baor-bedre, dẽ, neb nins sẽn dag n menem n be Asiiri tẽngã, ne neb nins sẽn sãeeg n be Ezɩpt tẽngã na n waame. Bãmb na n wõgemda Sẽn-Ka-Saab taoore, tãn-sõngã sẽn be Zeruzalɛmã zugu.

A Ezayi 65:25

Rigd-n-yĩidg ne pe-bil na n lagma taab n wãb yamdo, gɩgemd na n wãba yamd wa naafo, la tẽng tom na n yɩɩ waaf rɩɩbo. Mam tãn-sõngã fãa zugu, wẽng kõn leb n zĩnd beenẽ, la sãoong kõn leb n zĩnd beenẽ ye. Maam a Sẽn-Ka-Saab n yeele.

A Ezayi 66:20

B na n talla yãmb saam-biisã fãa sẽn dag n be buud a taabã sʋkã n leb n wa tɩ yɩ kũun Sẽn-Ka-Saab yĩnga, b na n zombga bãmb wiidi, saar-dãmb zutu, la terok-rãmb sẽn bas vɩʋʋg pʋse, ne bõn-weese, la yʋgma zutu, n tall-b n wa mam tãn-sõngã zug Zeruzalɛm. Maam a Sẽn-Ka-Saab n yeele. A na n yɩɩ wa Israyɛll nebã sẽn ning b kũun lagd sẽn yaa yɩlma pʋs n tar n wat Sẽn-Ka-Saab roogẽ wã.

Ezekiyɛl 39:2

Mam na n talla foom ne pãnga, la m peeg foom n yiis nug-rɩtg sẽnẽ zĩ-zãrsẽ wã, n wa ne-f Israyɛll tãmsã zutu.

A Dãniyɛlle 11:16

Rɩtg rĩmã na n maana a sẽn dat ne Ezɩpt rĩmã, tɩ ned ka be n na n tõog n yals n zab ne-a ye. La yẽnda na n sãama bũmb nins fãa sẽn be yẽnda sorã zugu, n kẽng n tɩ zĩnd tẽng ning sẽn yaa neer n yɩɩd fãa wã pʋgẽ.

A Dãniyɛlle 11:41

Rɩtg rĩmã na n kẽe tẽng ning sẽn yaa neer n yɩɩd fãa wã pʋgẽ, la a na n kʋʋ neb wʋsgo. La Edom ne Moaab la Amo-rãmbã taoor dãmbã na n zoe n põsame t'a ka paam-b ye.

A Dãniyɛlle 11:44

La yẽnda na n wʋma kibay sẽn yit yaang la rɩtgo, tɩ rabeem-kãseng yõk-a, t'a yik ne sũ-puug-kãsenga, n tɩ kʋ neb tus-kẽema.

A Dãniyɛlle 2:35

Dẽ, kutã ne yagdã la zũudã ne wanzuri wã, la sãnemã fãa lebga zom-zom n sãeeg wa wudg sẽn be zɛɛgẽ zĩ-likr wakate, tɩ sobg rɩk-b n looge, la bũmb ka kell ye. La kugr ning sẽn lʋɩ n wẽ bõn-naandgã n wã wã lebga tãn-kãseng n pid dũniyã gilli.

A Dãniyɛlle 7:26

Rẽ zugẽ, b na n bʋ a bʋʋdo, la b reeg a naamã n bas-a, la b sãam-a t'a menem zãng wakat sẽn kõn sɛ yĩnga.

A Dãniyɛlle 8:25

La a sɩlmã yĩnga, a na n tõog n tudga neb a taabã, la a na n wuka a meng a sũur pʋgẽ, la a na n sãama neb wʋsg sẽn dag n vɩ ne bãane, la a na n yik n zaba ne nanambs naabã. La yẽnda na n sãamame tɩ ka tũ ne ned nug ye.

A Dãniyɛlle 9:16

Zu-soaba, yãmb tɩrlem tʋʋmã yĩnga, bɩ y sik y sũur ne Zeruzalɛm sẽn yaa yãmb tẽnga, la y tãn-sõngã. Bala, tõnd kongrã ne d ba-rãmbã beegrã yĩnga, neb nins sẽn gũbg tõndã paoogda Zeruzalɛm ne yãmb nebã.

A Dãniyɛlle 9:20

Mam dag n ket n bee pʋʋsg pʋga, n togsd m kongrã, ne Israyɛll nebã sẽn yaa mam buudã kongrã, la m pʋʋsd Sẽn-Ka-Saab sẽn yaa mam Wẽnnaamã, la m yõkd bãmb sɛɛg b tãn-sõngã yĩnga.

A Zowɛlle 2:20

Mam na n diga yãmb nug-rɩtg bɛɛbã tɩ b zãag ne-yã, mam na n dig-b lame n tɩ kẽes tẽn-koɛɛng sẽn yaa vɩ-raoog pʋgẽ, m na n diga b tãb-biis nins sẽn deng taoorã n kẽes ko-kãsengã sẽn be yaangã pʋga, la m dig b tãb-biis nins sẽn pa poorẽ wã n kẽes ko-kãsengã sẽn be nin-taoorã pʋga. Bãmb na n põogame tɩ b yũugã zẽke, b põogrã yũug na n wulumda zĩig zãnga, bãmb sẽn maan yel-bɛdã yĩnga.

A Miise 4:2

Buud wʋsg na n dabda beenẽ la b yetẽ: «Wa-y tɩ d rʋ Sẽn-Ka-Saab tãngã zugu, a Zakoob Wẽnnaamã roogẽ! Bãmb na n wilga tõnd b soayã, la tõnd na n tũu bãmb so-bugsã. Bala, bãmb tõogã na n yii Sɩyõ, la Sẽn-Ka-Saab gomdã na n yii Zeruzalɛm wa.

Zakari 14:8

Badaare, koom n na n pusg Zeruzalɛm, koomã pʋɩ-sʋk na n zoee n teesa ko-kãseng ning sẽn be yaang sẽnẽ wã, tɩ pʋɩ-sʋk a yembrã zoe n tees ko-kãseng ning sẽn be nin-taoor sẽnẽ. A na n yɩɩ woto sẽoog la sɩpaolgo.

Sõadga 34:5

La a na n leb n yii Asmone, tɩ toadgã wẽnemd n tɩ sok Ezɩpt ko-soogã, n kẽng n tɩ ta ko-kãsengã.

2Tesalonik Rãmba 2:4

bɛ sẽn zẽkd a meng n yɩɩgd bũmb ning fãa b sẽn boond tɩ Wẽnnaam, la bũmb nins fãa neb sẽn pʋʋsda, hal n pʋs n kẽng n tɩ zĩnd Wẽnnaam doogẽ wã, n kɩt tɩ b bool-a tɩ wẽnnaam.

2Tesalonik Rãmba 2:8

Yaa wakat-kãng la wẽn-kɩɩsdã na n yiki, la Zu-soabã [a Zeezi] na n sãam-a-la ne b noor pemsem, la bãmb waoongã ziir na n beds-a lame.

Vẽnegre 13:10

Ned sã n tog n kẽ yembdo, a na n kẽe yembdo. Ned sã n kʋ ne zabr sʋʋga, yaa tɩlɛ tɩ b kʋ-a ne zabr sʋʋga. Wẽnnaam nin-tũusdsã modgr la b tẽebã la woto.

Vẽnegre 20:2

Malɛɛkã yõka dargõ wã, la wag-kʋdrã sẽn yaa rõatã, la a Sʋtãanã n balg-a yʋʋm tusr yĩnga.

Vẽnegre 20:9

Bãmb yiime n yɛdg tẽng zugu, la b kẽe nin-sõamyã tãb-sikẽ wã, la tẽn-nongrẽ wã. La bugum yii arzãn n sig n dɩ-ba.