A Dãniyɛlle 11:36 - WẼNNAAM SEBRE 2014

³⁶ La rɩtg rĩmã na n maana a sẽn date. A na n wuka a menga, n pẽg a meng n yeel tɩ yẽnda yɩɩda wẽnnaam-dãmbã fãa, la a na n goma gom-bɛd n paoog wẽnnaam-dãmb Wẽnnaamã. La a na n paama tõogr hal tɩ ta Wẽnnaam sũ-puugrã daare. Bala, Wẽnnaam sẽn yeelã na n paama pidsgu.

A Dãniyɛlle 11:36 Iomraidhean Croise

Yɩɩn‑sõamyã 136:2

Pʋʋs-y wẽnnaam-dãmb Wẽnnaamã barka, bala, bãmb nonglmã paada wakat fãa!

Yɩɩn‑sõamyã 33:10

Sẽn-Ka-Saab n tõe n kɩt tɩ nebã saagr lʋɩ vɩʋʋgẽ, bãmb n gɩdgd ninsaalbã sẽn dat n maan bũmb ninsã.

Yelbũna 19:21

Ninsaal saagda bũmb wʋsgo, la yaa Sẽn-Ka-Saab raabã n na n pidsi.

A Ezayi 10:23

Bala, sãoongã sẽn na n zĩndã yaa Zu-soab a Sẽn-Ka-Saab sẽn yaa Saasẽ-Pãng-Soabã n yãk yam n na n kɩt t'a zĩnd tẽngã zãng fãa pʋga.

A Ezayi 10:25

La keta bilf bala, tɩ mam sũ-yikrã sɛ. Mam sũ-yikrã na n sãama bãmba.

A Ezayi 10:5

Sẽn-Ka-Saab yeelame: «Toog na n paama Asiiri nebã, bãmb yaa mam sũ-yikrã dasaare! Asiiri nug n zãad guugã mam sẽn tar n wilgd m sũ-yikrã.

A Ezayi 14:13

Fo rag n yetame: «Mam na n dʋʋ n taa saasẽ, mam na n zẽka m naamã geer n zʋʋg Wẽnnaam ãdsã, Mam na n zaoonda sɛk tãngã zugu, tãng ning sẽn be rɩtg hal zĩ-zãrgẽ wã.

A Ezayi 14:14

Mam na n dʋʋ yĩngr hal sawatẽ, mam na n yɩɩ wa Sẽn-Ka-To.»

A Ezayi 26:20

Mam nebã, kẽng-y n tɩ kẽ-y y rotẽ, la y lebs kʋɩlemsã n pag n be pʋgẽ. Solg-y wakat bilf pʋgẽ, hal tɩ sũ-puugrã wakat looge.

A Ezayi 30:33

Bala, b zoe n segla wʋngã n sɛ. B vigla wʋngã rĩmã yĩnga, wʋngã zulmame, a yalmame. Yẽnda wʋngã pida ne bugum la raad wʋsgo. Sẽn-Ka-Saab vʋʋsmã rɩt-a-la wa kidbr ko-soogo.

A Ezayi 46:10

Hal sɩngrẽ, mam dengd n togsa bũmb ning sẽn na n wa zĩndã, la m togsda bũmb hal wakat sẽn zãr t'a nan ka maan ye. Mam yetame: Mam saagrã na n pidsame, la mam na n maana bũmb ning m sẽn dat n maanã.

A Ezayi 57:9

Yãmb baoo kaam n zoe n kẽng a Melɛk nengẽ, yãmb paasa y parfẽ wã waooglem, la y tʋm y tʋmtʋmdbã tɩ b kẽng zĩ-zãrgẽ, yãmb kɩtame tɩ b sud n tãag hal kɩɩm-kulgu.

Ezekiyɛl 28:2

«Ninsaala, yeel Tɩɩr naabã tɩ Zu-soab a Sẽn-Ka-Saab yetame: ‹Fo wuka f meng n yeele: Mam yaa wẽnnaam, mam zĩi wẽnnaam-dãmbã sʋka, ko-kãsemsã sʋka.› Fo yaool n ka wẽnnaam ye. Fo yaa ninsaal bala. Fo rɩkda f tagsgã wa wẽnnaam tagsgo!

Ezekiyɛl 35:13

Yãmb gom n paooga maam, yãmb goma wuk-m-men-goam n paoog maam. Mam meng wʋma gom-kãense.»

A Dãniyɛlle 11:16

Rɩtg rĩmã na n maana a sẽn dat ne Ezɩpt rĩmã, tɩ ned ka be n na n tõog n yals n zab ne-a ye. La yẽnda na n sãama bũmb nins fãa sẽn be yẽnda sorã zugu, n kẽng n tɩ zĩnd tẽng ning sẽn yaa neer n yɩɩd fãa wã pʋgẽ.

A Dãniyɛlle 11:3

La rĩm a yembr sẽn yaa gãndaoog n na n yik n soog nebã ne pãnga, n maand a sẽn date.

A Dãniyɛlle 11:37

Yẽnda ka na n tol n waoog a yaab-rãmbã wẽnnaam-dãmbã, wall pagbã sẽn nong n waoogd Wẽnnaam ningã ye. Yẽnda ka na n waoog Wẽnnaam ba a yembr ye. Bala, yẽnda na n tagsame t'a yɩɩda b fãa.

A Dãniyɛlle 12:7

La mam wʋma ned ning sẽn yer-a fu-peels n yas koomã zugã sẽn gomde. La yẽnda zẽka a nus a yiibã n tees yĩngr n wẽen ne sẽn vɩ-a wakat sẽn kõn sa wã yʋʋr n yeele: «Bõn-yɛɛsdsã na n kaoosa yʋʋm a tãab la pʋɩ-sʋka. Wẽnnaam nin-sõamyã pãng sẽn na n sɛ wakat ningã, yaa wakat-kãng la bõn-yɛɛsds-kãensã fãa me na n sɛ.»

A Dãniyɛlle 2:47

Rĩmã goma ne a Dãniyɛll n yeele: «Fo sẽn tõog n bãng yel-solem-kãngã wã, Sɩd-sɩdã, mam miime tɩ yãmb Wẽnnaamã yaa wẽnnaam-dãmbã Wẽnnaam, la rĩm-dãmbã Soaala. Bãmb n vẽnegd yel-soalmã.»

A Dãniyɛlle 5:19

La Wẽnnaam sẽn dag n zẽk bãmb tɩ b lebg rĩm-kãsengã yĩng kɩtame, tɩ buudã fãa, ne soolem toay-toayã fãa, ne nebã buud fãa sẽn gomd goam buud toor-toorã rigd bãmb taoor ne rabeem. Rĩm a Nebukatnedzaar dag n kʋʋda a sẽn dat-a soaba, la a basd a sẽn dat-a soaba. Bãmb dag n zẽkda b sẽn dat-a soaba, la b sikd b sẽn dat-a soaba.

A Dãniyɛlle 5:20

La rĩmã sẽn wuk b meng n diglim b sũurã n lebg tɩta-neda yĩng kɩtame, tɩ Wẽnnaam sik bãmb b naamẽ wã, n kɩt tɩ b ziirã sɛ.

A Dãniyɛlle 7:8

La mam sẽn ket n get yɩɩlã wakate, mam yãnda yɩɩn-bil a yembr sẽn yi bãmb sʋkã, n võ pipi yɩɩlã a tãabo, la yɩɩn-bilã rag n tara nin wa ninsaal nini, la a tar noor sẽn gomd tɩtaam goamã.

A Dãniyɛlle 8:19

La malɛɛk a Gabriyɛll yeela maam yaa: Mam na n vẽnega foom bũmb ning sẽn na n zĩnd sũ-puugrã loogr zugẽ, bala, b yãka wakatã sɛɛb daare.

A Dãniyɛlle 8:4

La mam yãndame tɩ pe-raoogã tãad goabg la rɩtgo, la nin-taoore, la rũng baa a yembr rag n ka tõe n yals n zab ne-a ye. La b rag n ka tõe n fãag ned a nugẽ ye. Yẽnda rag n maanda a sẽn date, la a pãngã rag n tara paasgo.

Zakari 11:16

Bala, mam na n yãka pe-kɩɩm tẽngã pʋga. La yẽnda ka na n tɩ gẽes rũms nins sẽn menemdã ye. Yẽnda ka na n bao peosg ning sẽn meneme, a ka na n tɩp peosg ning sẽn pogle, a ka na n ges peosg ning sẽn tar laafɩ wã yell ye. Yẽnda na n wãbda pe-nobdsã, la a fʋgsd b nao-bendã.»

A Zã Sõng 5:30

Mam ka tõe n maan baa fɩ m toor ye. Mam bʋʋda bʋʋdã n zemsd m sẽn wʋmdã, la mam bʋʋdã yaa tɩrga, bala, mam ka baood tɩ maan m daab ye, la yaa sẽn tʋm-a maamã raabo.

A Zã Sõng 6:38

Bala, mam sẽn yi arzãn n sigã, ka tɩ maan m sẽn dat ye, la yaa tɩ maan sẽn tʋm-a maamã raabo.

Tʋʋma 4:28

Woto, bãmb pidsa bũmb ning fãa sẽn zems yãmb sẽn da pĩnd n yãk ne y pãngã la y ratmã.

Yaoolem 10:17

Bala, Sẽn-Ka-Saab sẽn yaa yãmb Wẽnnaamã yaa wẽnnaam-dãmbã Wẽnnaam, la zu-sob-n-dãmbã Zu-soaba. Bãmb yaa kãsenga, n tar pãnga. Bãmb zemsa zoeese. Bãmb ka tũusd ned ye, la b ka reegd kũun n maan wẽng ye.

2Tesalonik Rãmba 2:3

Bɩ ned da tõog n belg yãmb ne manesem buud baa a yembr ye. Bala, yaa tɩlɛ tɩ leb-poorẽ deng n zĩndi, tɩ wẽn-kɩɩsdã yiki. Yẽnda yaa soab ning b sẽn na n sãame,

2Tesalonik Rãmba 2:4

bɛ sẽn zẽkd a meng n yɩɩgd bũmb ning fãa b sẽn boond tɩ Wẽnnaam, la bũmb nins fãa neb sẽn pʋʋsda, hal n pʋs n kẽng n tɩ zĩnd Wẽnnaam doogẽ wã, n kɩt tɩ b bool-a tɩ wẽnnaam.

2Tesalonik Rãmba 2:8

Yaa wakat-kãng la wẽn-kɩɩsdã na n yiki, la Zu-soabã [a Zeezi] na n sãam-a-la ne b noor pemsem, la bãmb waoongã ziir na n beds-a lame.

Zozuwe 22:22

«Wẽnnaam Sẽn-Ka-Saabã, Wẽnnaam Sẽn-Ka-Saabã n mi tõnd sẽn maan a woto wã võore! La Israyɛll nebã me na n bãnga a võore! Sã n yaa kɩɩsg yĩng la tõnd sẽn maan woto wã, sã n yaa sẽn na n maan sẽn ka zems Sẽn-Ka-Saab nifẽ, bɩ b ra fãag tõnd rũndã ye!

Vẽnegre 10:7

La daar ning malɛɛk a yopoe soabã sẽn wat n segl n na n peeb baorgã, wakat-kãng la Wẽnnaam yel-solemdã na n paam pidsg wa b sẽn dag n togs b tʋmtʋmdbã sẽn yaa bãmb no-rɛɛsdbã koe-noogã.

Vẽnegre 12:14

La b kõo pagã panantug-kẽeng pɩgs a yiib t'a yɩk n kẽng weoogẽ wã, a zĩigẽ wã, zĩig ning b sẽn na n dɩlg-a wakat a yembre, la wakat dãmba, la wakat pʋɩ-sʋkã, tɩ waafã ra yãnd-a ye.

Vẽnegre 13:1

Dẽ poore, mam yãnda rũng sẽn yi ko-kãsengẽ wã n tar yɩɩl piig la zut a yopoe, la maanf-rãmb piig n dag n be a yɩɩlã zutu, la Wẽnnaam tʋʋsg yʋy n dag n gʋls a zutẽ wã.

Vẽnegre 17:17

Bala, Wẽnnaam ninga bãmb sũyã pʋs tɩ b maan Wẽnnaam daabo, la b naag taab yam a yembre, n dɩk b naamã n kõ rũngã hal tɩ Wẽnnaam goamã wa paam pidsgu.

Vẽnegre 17:3

Malɛɛkã rɩka maam m tagsgã pʋgẽ n kẽng weoogẽ. La mam yãnda pag sẽn zao rũng sẽn yaa miuug masɩ, n pid ne yʋy sẽn paoogd Wẽnnaam, la a tara zut a yopoe ne yɩɩl piiga.