A Dãniyɛlle 11:35 - WẼNNAAM SEBRE 2014

³⁵ B na n kʋʋ yam dãmbã sʋk neb kẽere, la rẽ na n waa ne nebã yɩlgre, la b pekre, tɩ b lebg sõama, hal tɩ sɛɛbã wakat Wẽnnaam sẽn yãkã ta, bala rag n nan ka sɛɛbã wakat nand ye.

A Dãniyɛlle 11:35 Iomraidhean Croise

2 Kibayã 32:31

Wakat ning Babilond nanambsã sẽn tʋm koe-taasdbã tɩ b wa n na n sok n ges bõn-bãnd ning sẽn maan Zʋʋda tẽngã pʋgẽ wã yellã, Sẽn-Ka-Saab basa a Ezekɩyaas n na n mak-a n ges n bãng bũmb ning fãa sẽn be a sũurẽ wã.

Yelbũna 17:3

B zugda wanzuri ne sãnem n yɩlg-b boaagẽ, la yaa Sẽn-Ka-Saab n makd ninsaalbã sũyã.

A Ezayi 27:9

Yaa woto n na n kɩt t'a Zakoob yagensã paam b kongrã sugri. Ad b sẽn na n paam b yel-wẽnã sugrã sẽn na n wa ne bũmb ninga: Sẽn-Ka-Saab na n kɩtame tɩ tẽn-kugã kug fãa lebg zom wa b sẽn wer goore. Aseera ra-lugdsã ne wisd yõogr zĩisã ka na n leb n yals ye.

A Dãniyɛlle 11:27

Rĩm-dãmb a yiibã na n zĩnd n dɩɩ ne taaba, la ned kam fãa sẽn baood a to ne wẽngã yĩnga, b na n goma zĩrẽ goam ne taaba. La b sẽn dag n dat n maanã ka na n tõoge, tɩ sã n ka wakat ning b sẽn yãkã n ta ye.

A Dãniyɛlle 11:29

La wakat ning b sẽn yãkã sã n ta, yẽnda na n lebg n tɩ zaba ne Ezɩpt rĩmã. La wakat-kãngã, yɛlã ka na n yɩ wa pipi wã ye.

A Dãniyɛlle 11:33

Yam dãmbã sẽn be nebã sʋkã na n zãmsa neb wʋsg tɩ b paam bãngre. La wakat bilf pʋgẽ, b na n kʋʋ neb kẽer bãmb sʋkã ne zabr sʋʋga, la b yõog kẽer bugum, la b yõg kẽer n kẽes yembdo, la b zɛ kẽer paoongo.

A Dãniyɛlle 11:40

La wakat ning b sẽn yãk tɩ yaa sɛɛbã wakatã sã n ta, Ezɩpt rĩmã na n zaba ne rɩtg rĩmã. La rɩtg rĩmã na n talla a saar-dãmbã, ne a wed-rʋʋdbã, la a koom kogend wʋsg n fõd n kẽ-a wa sob-kẽenga, n kẽ b tẽmsã n pasg n looge.

A Dãniyɛlle 12:3

La yam dãmbã na n pɩnda wa sa-gãongã, la neb nins sẽn zãms neb a taabã tɩ b tũ tɩrlem sorã na n pɩnda wa ãds wakat fãa n ka sɛtẽ ye.

A Dãniyɛlle 12:4

La bɩ foom a Dãniyɛll solg gom-kãense, la f pag sebrã hal tɩ ta yaoolem wakate. Neb wʋsg na n karma sebrã n paam bãngr n paase.»

A Dãniyɛlle 8:10

Yɩɩn-bilfã zẽkame n tãag saasẽ tãb-biisã, la a kɩtame tɩ tãb-bi-kãens kẽer ne ãdsã lʋɩ tẽnga, la yẽnda tab-b lame.

A Dãniyɛlle 8:17

Dẽ, malɛɛk a Gabriyɛll kẽngame n kolg zĩig ning mam sẽn dag n be wã, la mam yɛɛsame, n lʋɩ n fõgen m neng tẽnga. La a yeela maam yaa: Ninsaal biiga, bãng tɩ vẽnegrã wilgda yɛlã sẽn na n yɩ to-to yaoolem wakate.»

A Dãniyɛlle 8:19

La malɛɛk a Gabriyɛll yeela maam yaa: Mam na n vẽnega foom bũmb ning sẽn na n zĩnd sũ-puugrã loogr zugẽ, bala, b yãka wakatã sɛɛb daare.

A Dãniyɛlle 9:27

La yʋʋm a yopoe wã sẽn wat n dabd sɛɛbo, a na n maana weoogr kaool ne neb wʋsgo. La yʋʋm a tã la pʋɩ-sʋkã sã n ta, naabã na n kɩtame tɩ b bas maoongã maanego, ne kũunã kɩsgo. Sãamdã na n maana tʋʋm-wẽns hal tɩ loog nugu. La a na n maana woto, hal tɩ wakat ning b sẽn yãk n na n sãam-a wã wa ling-a.»

Abakuk 2:3

Bala, yaa vẽnegr sẽn na n wa paam pidsgu, a wakatã sã n ta, ka na n yɩ belgr ye, la a ka na n vaal n ka pids ye. Ba a sã n kaoosdẽ, bɩ f kell n gũ-a, bala, a ka na n pa n ka paam pidsg ye.»

Zakari 13:9

La m na n dɩka sẽn kell-a wã n ning bugmẽ, mam na n yẽnega yẽnda wa b sẽn yẽnegd wanzuri, mam na n zuga yẽnda wa b sẽn zugd sãnem. Yẽnda na n boola mam yʋʋrã, la mam na n leok-a lame. Mam na n yeelame yaa: «Bãmb n yaa mam nebã.» La bãmb na n yeelame: «Sẽn-Ka-Saab n yaa tõnd Wẽnnaam.»

A Matiye Sõng 16:17

La Zeezi goma ne-a n yeel-a: «Sɩmo! A Zonaas biiga, bark bee fo zugu. Bala, ka nemd walla zɩɩm n vẽneg foom bõn-kãngã ye. Yaa m ba sẽn be arzãnã.

A Matiye Sõng 26:56

La bõn-kãens fãa maaname tɩ bũmb nins Wẽnnaam no-rɛɛsdbã sẽn gʋlsã paam pidsgu.» Dẽ, karen-biisã fãa basa a Zeezi n zoe.

A Zã Sõng 15:2

Will ning fãa sẽn tão mam zug n yaool n ka womd biisi, m ba kɛɛgd‑a lame. La will ning fãa sẽn womd biisi, m ba yosd-a lame t'a tõe n wom biis n paase.

A Zã Sõng 20:25

Dẽ, karen-biis a taabã yeela yẽnda yaa: «Tõnd yãnda Zu-soabã!» La yẽnda yeela bãmb yaa: «Mam sã n ka yãnd kutã bãn b nusẽ wã, mam sã n ka tʋm m nug-bil kutã bogd pʋgẽ, la m sã n ka tʋm m nug bãmb lʋgrẽ wã, mam kõn tol n tẽ ye.»

Tʋʋma 13:13

A Poll ne a tũud-n-taasã kẽe koom-koglg Pafoos n yi be n kẽng Pɛrz sẽn be Pamfili soolmã. A Zã-Mark basa bãmb be n lebg n leb Zeruzalɛm.

Yaoolem 8:16

Bãmb dɩlga yãmb we-raoogã pʋgẽ, n kõ yãmb mand y yaab-rãmbã sẽn dag n ka mi. Sẽn na n yɩl n sãam y sũurã, n mak yãmb n ges n yaool n maan-y neere.

Zake 1:2

M ba-biisi, makr buud toay-toay sẽn tõe n paam yãmbã, ges-y-b wa bũmb sẽn wat ne yãmb sũ-noog zãnga,

Vẽnegre 14:15

Malɛɛk a to yii wẽnd doogẽ wã n zẽk a koɛɛg n gom ne sẽn zao-a sawadgã ne pãng n yeel yaa: Yulumd f goeoogã n wʋre. Wʋrb wakat taame, bala, bõn-koaadlã sẽn be tẽng zugã bɩɩme.

Vẽnegre 17:17

Bala, Wẽnnaam ninga bãmb sũyã pʋs tɩ b maan Wẽnnaam daabo, la b naag taab yam a yembre, n dɩk b naamã n kõ rũngã hal tɩ Wẽnnaam goamã wa paam pidsgu.

Vẽnegre 2:10

Da maan-y rabeem ne namsg ning y sẽn na n namsã ye. Gese, Sʋtãanã na n kẽesa yãmb neb kẽer bi-bees roogo, sẽn na n yɩl n mak yãmba, la yãmb na n paama namsg rasem piiga. Kell‑y n maan-y neer hal tɩ ta kũum, la mam na kõ yãmb vɩɩm maanfo.»

Vẽnegre 7:14

Mam leoka yẽnda yaa: M zu-soaba, yãmb n mi. La a yeela maam yaa: Yaa neb nins sẽn yi to-kãsengã pʋgẽ wã. Bãmb pegsa b fut pe-bilã zɩɩmẽ tɩ b lebg peelse.