A Dãniyɛlle 11:34 - WẼNNAAM SEBRE 2014

³⁴ B sẽn wat n kʋʋd neb kẽerã wakate, b na n paama sõngr bilfu. La neb wʋsg sẽn yaa pʋ-libsim dãmb na n naaga bãmba.

A Dãniyɛlle 11:34 Iomraidhean Croise

A Dãniyɛlle 11:21

La nin-yaalg sẽn ka tar waoogre, la sẽn dag n ka tog n yɩ naab n na n deeg yẽnda naamã. Yẽnda na n maana sɩlem, n wa wakat ning soolmã sẽn gãe bãanã, n deeg-a.

A Dãniyɛlle 11:32

Rɩtg rĩmã na n goma no-noom goam n belg neb kẽer tɩ b bas Wẽnnaam kaoolã. La neb nins sẽn ket n sakd Wẽnnaamã na n kell n yalsa kãenkãe.

A Matiye Sõng 7:15

Gũus-y yãmb mens ne zĩrẽ no‑rɛɛsdbã sẽn wat yãmb sʋk wa piis tɩ b pʋsẽ wã, b yaa digd-n-yĩid-toosã.

Rom Dãmba 16:18

Bala, neb a woto ka tʋmd tõnd Zu-soabã, Kiris yĩng ye, yaa b mens pʋs yĩnga. B belsda neb nins sẽn ka yamã ne gom-noodo la ne pẽgre.

Galat Rãmba 2:4

Baoosgo, baa ne neb nins sẽn belg tɩ b yaa tõnd ba-biisã sẽn kẽ tõnd sʋk n na n gũus tõnd n ges lohorem ning tõnd sẽn tar d lagem-n-taar a Zeezi Kirisã pʋgẽ wã, n dat n kẽes tõnd yembdẽ wã.

2 Tɩmote 4:3

Bala, wakat n wat tɩ nebã ka na n leb n dat n wʋm sɩd koɛɛgã ye. La bãmb mensã yĩns ratem yĩnga, la kelgr yamleoog sẽn tar-bã yĩnga, b na n tigsa karen-saam-dãmb wʋsgo.

A Titi 1:11

F tog n kɩtame tɩ b sĩndi. Bãmb lubda zags zãnga n zãmsd nebã bũmb sẽn ka zems ye, n baood paoong ne zãmbo.

1 Zã 4:1

Mam zo-nongdse, ra tẽ-y sɩɩsã fãa ye, mak-y-b n ges n bãng b sã n yita Wẽnnaam nengẽ. Bala, belgr no-rɛɛsdb wʋsg n wa dũniyã pʋga.

1 Zã 4:5

Bãmb yaa dũniyã rẽnda, yaa rẽ yĩng la b goamã sẽn yit dũni nengẽ wã, la dũniyã kelgd-b lame.

2 Zã 1:7

Bala, bɛlgdb wʋsg n kẽ dũniyã pʋgẽ n ka kɩt kaset t'a Zeezi waa ne yĩng ye. Ad yaa yẽnda soab la bɛlgdã la Kiris kɩɩsdã.

A Zʋʋde 1:4

Bala, raop kẽer n soos n kẽ yãmb sʋka. Bãmb yaa wẽn-kɩɩsdb sẽn tekd tõnd Wẽnnaamã bark koɛɛgã n maand raglem la b kɩɩsd a Zeezi Kiris sẽn yaa tõnd karen-saamb la d Zu-soab sẽn ka to wã. La b gʋlsa sɩbgr ning b sẽn na n paamã hal daar zãra.

Vẽnegre 12:13

Wag‑bɛɛgã sẽn yã tɩ b loba yẽnda tẽng zugã, a babsa pag ning sẽn dog-a bi-riblã.

Vẽnegre 2:20

La mam tara yell ne yãmba: yaa tɩ yãmb basa pag a Zezabɛll t'a zãmsd nebã. A yetame t'a yaa no-rɛɛsa, n zãmsd nebã la a belgd mam tʋmtʋmdbã tɩ b maand yoobo, la b wãbd wẽnd-naands maand nemdo.