A Dãniyɛlle 11:33 - WẼNNAAM SEBRE 2014

³³ Yam dãmbã sẽn be nebã sʋkã na n zãmsa neb wʋsg tɩ b paam bãngre. La wakat bilf pʋgẽ, b na n kʋʋ neb kẽer bãmb sʋkã ne zabr sʋʋga, la b yõog kẽer bugum, la b yõg kẽer n kẽes yembdo, la b zɛ kẽer paoongo.

A Dãniyɛlle 11:33 Iomraidhean Croise

A Dãniyɛlle 12:10

Neb wʋsg na n paama yɩlgre, la pekre, n lebg sõama. Nin-wẽnsã na n ket n maanda wẽngã, la bãmb ned ba a ye ka na n wʋm yɛlã võor ye. La yam dãmbã na n wʋma a võore.

Malasi 2:7

Bãngr bee maan-kʋʋdã noorẽ. Bala, yaa yẽnda nengẽ la nebã na n wa sok n bãng tõogã sẽn tog n tũ to-to, a sẽn yaa Saasẽ-Pãng-Soabã no-rɛɛsã yĩnga.

A Matiye Sõng 10:21

Ned na n kɩtame tɩ b yõk a ba-biig n kʋ, la ba-rãmb me na n maana b kamb a woto. Kamb na n yika ne b ba-rãmb la b ma-rãmb n kɩt tɩ b kʋ-ba.

A Matiye Sõng 13:11

A Zeezi leok-b lame n yeele: B kõo yãmb tɩ tõe n bãng arzãn soolmã yel-soalem võore, la b ka kõ bãmb ye.

A Matiye Sõng 20:23

La a Zeezi leok-b lame n yeele: «Yaa sɩd tɩ yãmb na n yũu bõn-yũudl ning mam sẽn na n yũ wã. La a ka be ne maam tɩ kõ noor tɩ ned zĩnd mam dɩtgo wall mam goabg ye. Mam sã n na n kõ me, yaa neb nins mam ba sẽn segl zĩ-kãens b yĩngã.»

A Matiye Sõng 24:9

Dẽ, b na n namsa yãmba, n kʋ yãmba, la soolem fãa nebã na n kisga yãmb mam yʋʋrã yĩnga.

A Matiye Sõng 28:20

la y zãms bãmb tɩ b sak bũmb nins fãa mam sẽn yeel yãmb tɩ y maanã. La gese, mam bee ne yãmb wakat fãa, hal tɩ ta wakat sɛɛbo.»

A Zã Sõng 16:2

B na n diga yãmb n yiis karen-dotã pʋse, la wakat pʋs n watame tɩ ned ning fãa sẽn na n kʋ-a yãmb na tẽ tɩ yẽnda maanda Wẽnnaam tʋʋmde.

Tʋʋma 11:26

La yẽnda sẽn yãnd a Soll be, a peeg-a lame n wa Ãntiyoose. Bãmb paa be ne a Zeezi tẽedbã yʋʋmd tõre n zãms neb kʋʋngo. Yaa Ãntiyoos la b sɩng n bool a Zeezi karen-biisã tɩ Kiris nebã.

Tʋʋma 14:21

La bãmb sẽn moon koe-noogã tẽngã pʋga, b paamame tɩ neb wʋsg lebg karen-biisi. La a Poll ne a Barnabaas lebg n leba Listr ne Ikoniyom la Ãntiyoos yɛsa.

1 Korẽnt rãmba 4:9

Bala, mam tẽedame tɩ Wẽnnaam kɩtame tɩ tõnd sẽn ya tʋmtʋmdba yɩ nebã fãa zʋʋre, la neb bʋʋd sẽn kao tɩ b zems kũum, b sẽn kɩt tɩ tõnd lebg bõn-gets dũni rãmb yĩnga, la malegs yĩnga, la ninsaalb yĩngã yĩnga.

2 Tɩmote 1:12

Mam sakda namsg koe-noogã yĩnga, la yãnd ka tar maam ye. Bala, mam mii m sẽn tẽ a soabã, la mam mii m sũur pʋgẽ tɩ b tara pãng tɩ gũ bũmb ning bãmb sẽn ning mam nugẽ wã hal tɩ da-kãng ta.

2 Tɩmote 4:6

Bala, mam zoe n lebga wa koom b sẽn na n base, la mam loogr wakat kolgame.

Ebre rãmba 11:34

la b sãam bugum pãnga, la b põs zabr sʋʋs noyã, la b sãoog n paam pãnga, la b yɩ gãndaad zabr zĩigẽ, la b sãeeg tẽms a taab sodaasã yell ye.

Vẽnegre 1:9

Maam a Zã sẽn yaa yãmb ba-biigã, la sẽn naag yãmb n paamd namsgo, la sẽn naag yãmb n tar pʋɩɩr ne Wẽnnaam soolem, la m naag n maood a Zeezi tũudmã pʋgẽ wã, mam dag n bee Patmoos sẽn yaa tẽng koom sẽn gũbgi, Wẽnnaam goamã la a Zeezi kasetã yĩnga.

Vẽnegre 17:6

Mam yãame tɩ neb nins sẽn welg toorã, ne a Zeezi kaset dãmbã zɩɩm yilimd pagã nenga. Mam sẽn yãnd-a wã, linga maam wʋsgo.

Vẽnegre 2:13

«Mam mii yãmb sẽn be zĩig ningã: zĩ-kãng yaa a Sʋtãan geere. Yãmb talla mam yʋʋrã, la yãmb ka bas y tẽeb ne maam baa wakat ning b sẽn kʋ mam kaset tɩrg soab a Ãntipaas yãmb sʋka, zĩig ning a Sʋtãan sẽn be wã.

Vẽnegre 6:9

Pe-bilã sẽn sok soagdg a nu soabã, mam yãnda b sẽn dag n kʋ neb nins Wẽnnaam koɛɛgã poorẽ, la b sẽn kɩs kasetã yĩngã sɩɩs sẽn be tẽn-kugrã tẽngre.

Vẽnegre 7:14

Mam leoka yẽnda yaa: M zu-soaba, yãmb n mi. La a yeela maam yaa: Yaa neb nins sẽn yi to-kãsengã pʋgẽ wã. Bãmb pegsa b fut pe-bilã zɩɩmẽ tɩ b lebg peelse.