A Dãniyɛlle 11:31 - WẼNNAAM SEBRE 2014

³¹ Yẽnda na n tʋma tãb-bi-sul tɩ b kẽng zĩ-sõngã b sẽn leb n gũbgã, n tɩ maan bũmb sẽn kisi, n dẽgem-a la b gɩdg tɩ b ra leb n maan daar fãa maoongã n kõ Wẽnnaam ye. La bãmb na n lugla sãamdã bõn-naandgã tẽn-kugrã zugu.

A Dãniyɛlle 11:31 Iomraidhean Croise

Zeremi 19:4

Bala, bãmb basa maam n yõogd wisd n kõt buud a taab wẽnnaam-dãmb bãmb ne b yaab-rãmbã la Zʋʋda rĩm-dãmbã sẽn ka mi, n dẽgem zĩ-kãngã. Bãmb pidsa zĩ-kãngã ne bʋʋm dãmb zɩɩm.

Zeremi 7:30

Maam a Sẽn-Ka-Saab yetame yaa: «Zʋʋda nebã beega maam. Bãmb dɩka b bõn-naands nins mam sẽn kisã n ning roog ning b sẽn boond mam yʋʋrã a pʋgẽ wã pʋga, n dẽgm-a.

Kʋʋr yɩɩla 1:10

Bɛyã tẽega a nug n deeg Zeruzalɛm bõn-sõama wã. Buud a taabã waa n kẽe yẽnda zĩ-sõngã pʋgẽ. Yaa buud ning yãmb sẽn yeel tɩ b ra wa yãmb nebã tiging pʋgẽ wã.

Kʋʋr yɩɩla 2:7

Sẽn-Ka-Saab yam yii ne bãmb tẽn-kugrã, bãmb ka leb n nand bãmb sɛk-zĩigã. Bãmb dɩka Sɩyõ na-yirã lalsã n bas ne bɛyã. Kelems yika Sẽn-Ka-Saab roog pʋgẽ wa tigr daare.

Ezekiyɛl 9:7

Sẽn-Ka-Saab yeela bãmb yaa: «Kɩt-y tɩ roogã rẽgme, la y kɩt t'a zagsã pid ne kũum! Yi-y-yã!» Dẽ, bãmb yiime n kẽ tẽngã pʋgẽ n kʋ.

A Dãniyɛlle 12:11

Hal sẽn sɩng wakat ning b sẽn na n gɩdg daar fãa maoongã maanegã, ne wakat ning b sẽn na n lugl sãamdã bõn-naandgã, na n yɩɩ rasem tusr la kobs-yi la pis-wɛ.

A Dãniyɛlle 8:24

Rĩm-kãng pãngã na n tara paasgo, la ka na n yɩ ne a meng pãng ye. Yẽnda na n waa ne sãoong-kãsenga, la a na n paama tõogr bũmb ning fãa a sẽn maandã pʋgẽ, la a na n sãama pãens rãmba, ne Wẽnnaam pʋ-peelem dãmbã.

A Dãniyɛlle 8:26

Vẽnegr ning sẽn kẽed ne zaabr la yibeoog maandã wɛɛngẽ wã yaa bũmb sẽn yaa sɩda. Bɩ f bĩng-a f sũurẽ n da gom a yell tɩ ned wʋm ye. Bala, a yaa wakat sẽn ket n zãr yelle.

A Dãniyɛlle 9:27

La yʋʋm a yopoe wã sẽn wat n dabd sɛɛbo, a na n maana weoogr kaool ne neb wʋsgo. La yʋʋm a tã la pʋɩ-sʋkã sã n ta, naabã na n kɩtame tɩ b bas maoongã maanego, ne kũunã kɩsgo. Sãamdã na n maana tʋʋm-wẽns hal tɩ loog nugu. La a na n maana woto, hal tɩ wakat ning b sẽn yãk n na n sãam-a wã wa ling-a.»

A Ooze 3:4

Bala, Israyɛll nebã na n kaoosame n ka paam dĩma, wall naaba, wall maoongo, wall kug-vigindga, wall maan-kʋʋr fuugu, wall bõn-naandg ye.

A Matiye Sõng 24:15

Yaa woto yĩng tɩ yãmb sã n yãnd sãoong bõn-wẽngã Wẽnnaam no-rɛɛs a Dãniyɛll sẽn dag n gom a yellã sẽn be zĩ-sõngẽ wã, bɩ sẽn karemd-a wã gũusi,

A Mark Sõng 13:14

Yãmb sã n wa n yãnd ‹sãoong bõn-wẽngã› t'a be zĩig ning sẽn ka zems t'a beẽ wã (bɩ sẽn karemd-a wã wʋm a võor sõama) woto, bɩ neb nins sẽn be Zʋʋde soolmẽ wã zoe n dʋ tãmsã,

A Luk Sõng 21:20

Dẽ, yãmb sã n wa n yãnd sodaas sẽn gũbg Zeruzalɛm, bɩ y bãng t'a sãoongã kolgame.

Vẽnegre 17:12

Yɩɩl piigã fo sẽn yã wã yaa rĩm-dãmb piig sẽn nan ka reeg soolem ye, la b reegda pãn-tõog wa rĩm-dãmbã lɛɛr a yembr yĩng ne rũngã.