A Dãniyɛlle 11:27 - WẼNNAAM SEBRE 2014

²⁷ Rĩm-dãmb a yiibã na n zĩnd n dɩɩ ne taaba, la ned kam fãa sẽn baood a to ne wẽngã yĩnga, b na n goma zĩrẽ goam ne taaba. La b sẽn dag n dat n maanã ka na n tõoge, tɩ sã n ka wakat ning b sẽn yãkã n ta ye.

A Dãniyɛlle 11:27 Iomraidhean Croise

2 Sãmwɛlle 13:26

A Absalom yeela rĩmã yaa: «Sẽn yaa woto tɩ yãmb meng ka na n tõog n wa wã, m kotame tɩ y kõ m kẽem a Amno noor t'a wa naag-do.» La rĩmã soka yẽnda yaa: «Bõe yĩng t'a Amno na n wa fo yiri?»

Yɩɩn‑sõamyã 12:2

Sẽn-Ka-Saabo, fãag-y-do! Bala, pʋ-peen-neb ka leb n beẽ ye. B ka leb n yãt sɩd dãmb ninsaalbã sʋk ye.

Yɩɩn‑sõamyã 52:1

A Davɩɩd yɩɩlle. Yaa yɩɩlã naab yĩnga.

Yɩɩn‑sõamyã 58:2

Rẽ yĩnga, yãmb sɩddd... wã pʋga tɩrlem bee beenẽ sɩda? Ninsaalb kamba, yãmb kaooda bʋʋdã ne tɩrlem sɩda?

Yɩɩn‑sõamyã 62:9

Bɩ nebã rɩk b teegrã n teeg Wẽnnaam wakat fãa! Pelg-y y pʋs Wẽnnaam taoore! Wẽnnaam yaa tõnd zĩ-soalgdga.

Yɩɩn‑sõamyã 64:6

Bãmb yẽsda ne taab n saagd saag-wẽnse. Bãmb gomdame tɩ b na n busa bẽdse, la b yetẽ: «Ãnda n tõe n yãnd bẽdsã?»

Yelbũna 12:20

Neb nins sẽn baood n maan wẽngã sũy pida ne zãmbo, la sẽn saagd-b n baood laafɩ wã sũy pida ne sũ-noogo.

Yelbũna 19:21

Ninsaal saagda bũmb wʋsgo, la yaa Sẽn-Ka-Saab raabã n na n pidsi.

Yelbũna 26:23

Ned sã n gomd gom-nood t'a sũurã yaool n yaa wẽnga, a wẽnda wa b sẽn dɩk wanzuri sẽn ka yɩlge, n bolg tãnd laaga.

Ezekiyɛl 17:9

Yeel bãmb tɩ maam a Zu-soab a Sẽn-Ka-Saab sokdame yaa: «Dẽ yĩnga, tɩ-kãngã na n yẽegame sɩda? Pipi pa-nand-tugrã ka na n võ a yẽgã la a yor a biisã n bas-a t'a kʋɩ, t'a wil-tobendã fãa wãk sɩda? A võogr ka baood pãnga, wall neb wʋsg ye.

A Dãniyɛlle 10:1

Pɛrs-rãmbã rĩm a Siruus sẽn deeg naam tɩ yʋʋm tãablẽ, a Dãniyɛll b sẽn pʋd a soab yʋʋr t'a Bɛlsatzaarã paama koɛɛg sẽn yit Wẽnnaam nengẽ, la yaa koɛɛg sẽn yaa sɩda, la a wilgdame tɩ zab-kãseng n na n zĩndi. La a Dãniyɛll sẽn deeg koɛɛgã, a tagsame n bãng a võore.

A Dãniyɛlle 11:28

Rɩtg rĩmã na n lebg n leba a tẽngẽ wã ne arzegs wʋsgo. Yẽnda sũurã na n yika ne Wẽnnaam nin-sõamyã. La a na n maana a sẽn date, n yaool n lebg n leb a tẽngẽ wã.

A Dãniyɛlle 11:29

La wakat ning b sẽn yãkã sã n ta, yẽnda na n lebg n tɩ zaba ne Ezɩpt rĩmã. La wakat-kãngã, yɛlã ka na n yɩ wa pipi wã ye.

A Dãniyɛlle 11:35

B na n kʋʋ yam dãmbã sʋk neb kẽere, la rẽ na n waa ne nebã yɩlgre, la b pekre, tɩ b lebg sõama, hal tɩ sɛɛbã wakat Wẽnnaam sẽn yãkã ta, bala rag n nan ka sɛɛbã wakat nand ye.

A Dãniyɛlle 11:40

La wakat ning b sẽn yãk tɩ yaa sɛɛbã wakatã sã n ta, Ezɩpt rĩmã na n zaba ne rɩtg rĩmã. La rɩtg rĩmã na n talla a saar-dãmbã, ne a wed-rʋʋdbã, la a koom kogend wʋsg n fõd n kẽ-a wa sob-kẽenga, n kẽ b tẽmsã n pasg n looge.

A Dãniyɛlle 8:17

Dẽ, malɛɛk a Gabriyɛll kẽngame n kolg zĩig ning mam sẽn dag n be wã, la mam yɛɛsame, n lʋɩ n fõgen m neng tẽnga. La a yeela maam yaa: Ninsaal biiga, bãng tɩ vẽnegrã wilgda yɛlã sẽn na n yɩ to-to yaoolem wakate.»

A Dãniyɛlle 8:19

La malɛɛk a Gabriyɛll yeela maam yaa: Mam na n vẽnega foom bũmb ning sẽn na n zĩnd sũ-puugrã loogr zugẽ, bala, b yãka wakatã sɛɛb daare.

Abakuk 2:3

Bala, yaa vẽnegr sẽn na n wa paam pidsgu, a wakatã sã n ta, ka na n yɩ belgr ye, la a ka na n vaal n ka pids ye. Ba a sã n kaoosdẽ, bɩ f kell n gũ-a, bala, a ka na n pa n ka paam pidsg ye.»

Tʋʋma 1:7

A Zeezi leok-b lame yaa: Ka be ne yãmb tɩ y bãng wakate la sasa ning m ba sẽn yãk ne noor ning b sẽn tarã ye.

Tʋʋma 17:31

Bala, Wẽnnaam yãka raare, tɩ rao ning bãmb sẽn yãkã na n kao dũniyã fãa bʋʋd ne tɩrlem. La Wẽnnaam kõo nebã fãa bãnde, n vʋʋg rao-kãng n bas kũum n wilg tɩ yaa sɩda.

1Tesalonik Rãmba 5:1

M ba-biisi, yãmb ka baood tɩ mam gʋls yãmb n wilg wakat la sasa ning bõn-kãens sẽn na n zĩndã ye.