A Dãniyɛlle 11:25 - WẼNNAAM SEBRE 2014

²⁵ Yẽnda na n lʋɩɩ tãb-bi-kʋʋng taoor ne raoodo, la sẽn tar pãng wʋsgo, n kẽng n tɩ zab ne Ezɩpt rĩmã. La Ezɩpt rĩmã na n yii ne tãb-bi-kʋʋng sẽn tar pãnga, n seg-a n zab ne-a. La Ezɩpt rĩmã ka na n tõog rɩtg rĩmã ye. Bala, b na n zãmb-a lame.

A Dãniyɛlle 11:25 Iomraidhean Croise

Yelbũna 15:18

Sũ-yikr soab bolgda zabre, la sũ-maasem soab kiisda zabre.

Yelbũna 28:25

Rat-wʋsg soab wata ne zaba, la sẽn teeg-a Sẽn-Ka-Saab bee naar pʋga.

A Dãniyɛlle 11:10

Rɩtg rĩmã kom-dibli na n tigsa tãb-bi-kʋʋngo, n segl zabre. La bãmb ned a yembr ne a tãb-biisã na n yika zabre, n pasg toadgã n fõt wa kʋɩlg sẽn pid n fudgdẽ. La a sã n lebg n watẽ, a na n tees n zaba ne bɛyã tẽng sẽn gũbg ne lalsã.

A Dãniyɛlle 11:2

Moasã, mam sẽn na n togs foomã yaa koɛɛg sẽn yaa sɩda. Ade, rĩm-dãmb a tãab n na n pʋgl taab n yɩ Pɛrs-rãmbã rĩm-dãmba. Rẽ zugẽ, naasẽ soab sẽn tar arzegs wʋsg n yɩɩd a taabã n na n zĩndi. La yẽnda arzegsã na n kɩtame tɩ yẽnda paam pãnga, yẽnda na n maana a sẽn tõe tɛk n yik zabr ne Gɛrk-rãmbã soolem.

A Dãniyɛlle 11:40

La wakat ning b sẽn yãk tɩ yaa sɛɛbã wakatã sã n ta, Ezɩpt rĩmã na n zaba ne rɩtg rĩmã. La rɩtg rĩmã na n talla a saar-dãmbã, ne a wed-rʋʋdbã, la a koom kogend wʋsg n fõd n kẽ-a wa sob-kẽenga, n kẽ b tẽmsã n pasg n looge.

A Dãniyɛlle 11:5

La goabg tẽng rĩmã pãng na n tara paasgo. La rĩm-kãng nanambsã ned a yembr pãng na n yɩɩga yẽnda, la na-kãng naamã na n talla pãnga.