A Dãniyɛlle 11:21 - WẼNNAAM SEBRE 2014

²¹ La nin-yaalg sẽn ka tar waoogre, la sẽn dag n ka tog n yɩ naab n na n deeg yẽnda naamã. Yẽnda na n maana sɩlem, n wa wakat ning soolmã sẽn gãe bãanã, n deeg-a.

A Dãniyɛlle 11:21 Iomraidhean Croise

Yɩɩn‑sõamyã 12:8

Sẽn-Ka-Saabo, yãmb n na n gũu yãmb goamã, la yãmb na n kogla tõnd wakat fãa ne zamaan-kãngã sẽn yaa nin-wẽns zamaanã.

Yɩɩn‑sõamyã 15:4

Yẽnda kisa ned sẽn maand wẽnga, la a waoogda neb nins sẽn zoet Sẽn-Ka-Saabã. Yẽnda sã n maan pʋlengo, ba sã n na n yɩɩ toog ne-a, a ka lebsd a noor poorẽ ye.

Yɩɩn‑sõamyã 55:21

Bɛyã zabda ne neb nins sẽn dag n tar zems-n-taar ne yẽnda wã. Yẽnda sãamda kaool ning a sẽn dag n maanã.

A Ezayi 32:5

B kõn leb n bool yalem tɩ nin-sõng ye. La b kõn bool zɩtbã tɩ nin-sõamyã ye.

A Dãniyɛlle 11:20

Ned ning sẽn na n led-a yẽnda zĩigẽ wã na n kɩtame tɩ nin-toaag wa zɛ soolmã roog ning sẽn yaa-a neer n yɩɩd fãa wã teedo. La rasem bilf zugẽ, b na n kʋ-a lame, tɩ ka tũ ne sũ-puugri, wall ne zabr ye.

A Dãniyɛlle 11:32

Rɩtg rĩmã na n goma no-noom goam n belg neb kẽer tɩ b bas Wẽnnaam kaoolã. La neb nins sẽn ket n sakd Wẽnnaamã na n kell n yalsa kãenkãe.

A Dãniyɛlle 11:34

B sẽn wat n kʋʋd neb kẽerã wakate, b na n paama sõngr bilfu. La neb wʋsg sẽn yaa pʋ-libsim dãmb na n naaga bãmba.

A Dãniyɛlle 11:7

La wakat-kãnga, bi-puglã buudã ned a yembr n na n yik n led a ba wã sẽn yaa Ezɩpt rĩmã zĩigẽ, n kẽng rɩtg rĩmã tãnsobengẽ wã, tẽngã sẽn gũbg ne lalsã pʋgẽ, n tɩ zab ne-a, n deeg a tẽngã n sooge.

A Dãniyɛlle 4:17

Tɩɩgã yãmb sẽn yã tɩ lebgd bedrã, hal t'a pãngã paasdẽ, t'a zugã tẽkd sa-gãongã, tɩ sẽn be-b dũniyã kɩremsã fãa ne-a wã,

A Dãniyɛlle 7:8

La mam sẽn ket n get yɩɩlã wakate, mam yãnda yɩɩn-bil a yembr sẽn yi bãmb sʋkã, n võ pipi yɩɩlã a tãabo, la yɩɩn-bilã rag n tara nin wa ninsaal nini, la a tar noor sẽn gomd tɩtaam goamã.

A Dãniyɛlle 8:23

La soolem a naasã sɛɛb wakat sã n ta, wẽngã maaneg sã n wa n loog nugu, rĩm sẽn yaa tɩta-ned la sɩlem soab n na n zĩndi.

A Dãniyɛlle 8:25

La a sɩlmã yĩnga, a na n tõog n tudga neb a taabã, la a na n wuka a meng a sũur pʋgẽ, la a na n sãama neb wʋsg sẽn dag n vɩ ne bãane, la a na n yik n zaba ne nanambs naabã. La yẽnda na n sãamame tɩ ka tũ ne ned nug ye.

A Dãniyɛlle 8:9

Yɩɩll sẽn yaa bilf wʋsg n yi yɩɩn-bãmb sʋkã yɩɩll a yembr zĩigẽ, la a lebga bedr wʋsg n tees rɩtgo, yaanga, la tees tẽn-neer n yɩɩdã sẽnẽ.

A Nahum 1:14

Niniiv tẽnga, ad Sẽn-Ka-Saab sẽn yet fo wɛɛngẽ: «Fo yʋʋrã na n menema zãnga. Mam na n sãama f raad wẽn-naandsã, ne f kut wẽn-naandsã sẽn be f pʋʋsg roogẽ wã. Mam na n segla f yaoogo, bala, fo ka tar yõod baa bilf ye.»

1 Sãmwɛlle 3:13

Mam dag n wilga a Eli tɩ mam meng n na n sãam a roogã wakat sẽn kõn sɛ yĩnga. Bala, yẽnda rag n bãngame t'a kambã beegda maam, la yẽnda yaool n bas-b lame n ka gɩdg-b ye.