A Dãniyɛlle 11:15 - WẼNNAAM SEBRE 2014

¹⁵ Rɩtg rĩmã na n yika zabr ne tẽms sẽn gũbg ne lalse, la a na n tõog-b lame. La Ezɩpt tãb-bi-kʋʋngã ne b gãndaadã ka na n paam pãng n tõog n yals n zab ne-a ye.

A Dãniyɛlle 11:15 Iomraidhean Croise

Zeremi 33:4

Bala, maam a Sẽn-Ka-Saab sẽn yaa Israyɛll Wẽnnaamã gomda tẽn-kãngã nebã roto, ne Zʋʋda rĩm-dãmbã yiy b sẽn sãam tɩ lebg tom-dʋy zabr yĩngã wɛɛngẽ n yetẽ:

Zeremi 5:10

Rʋ-y b lalsã n kẽ n sãam b reezẽ tɩɩsã pʋto, la y ra sãam-b zãng ye. Kɛ-y b wilã, bala, bãmb ka maam a Sẽn-Ka-Saab rẽnd ye.

Zeremi 52:4

A Sedesiyaas sẽn deeg a naamã tɩ yʋʋm-wɛɛlẽ, kiuug piig soabã rasem piig daare, Babilond dĩm a Nebukatnedzaar yika ne a tãb-biisã fãa n zab ne Zeruzalɛm. Bãmb tilga b tãb-sikã n gũbg tẽngã, la b tu bok n gilg-a zĩig zãnga.

Zeremi 6:6

Saasẽ-Pãng-Soabã yetame: «Kɛ-y raado. Zam-y tãnd n gilg Zeruzalɛm lalgã n zab ne-a. Tẽngã zemsa sɩbgre. B namsda neb wʋsg a pʋgẽ.

Ezekiyɛl 17:17

B sã n wa Zeruzalɛm n wa zam tom-dʋy la b tu bogd n na n menes neb wʋsg zabrã wakate, Faarõ ne a tãb-bi-kʋʋngã la a neb wʋsgã ka na n tõog n zab n sõng-b ye.

Ezekiyɛl 4:2

Maan wa b sẽn dat n gũbg-a n zab ne-a, tu bok n gũbg-a, n zam tom-dʋy n gilg-a. Tilg tãb-sigs n gilg-a, la f tilg zab-teed nins b sẽn tar n tãad lals n lubdẽ wã n gilg-a.

A Dãniyɛlle 11:14

Wakat-kãnga, neb wʋsg na n yikame n dat n zab ne Ezɩpt rĩmã, la neb kẽer sẽn yaa fo meng buud neb sẽn yaa nen-kegems na n yikame n dat n pids vẽnegrã, la b ka na n tõog ye.

A Dãniyɛlle 11:6

La yʋʋm bilf loogr zugẽ, bãmb na n maana kaool ne taaba. La goabg tẽng rĩmã na n dɩka a bi-pugl n kõ rɩtg tẽng rĩmã, n bao zems-n-taare. La bi-puglã ka na n tõog tɩ kaoolã yals ye. Bala, b na n kʋʋ yẽnda, la b kʋ a ba wã ne a sɩdã la biigã ne b tʋmtʋmdbã wakat-kãng bala.

A Dãniyɛlle 8:7

La mam yãnda boɛɛgã sẽn kolgd pe-raoogã ne sũ-yikri. La a tãaga pe-raoogã, n kao a yɩɩl a yiibã fãa, la pe-raoogã rag n ka tar pãng n tõe n zab ne-a ye. La a luba pe-raoogã tẽnga, n tab-a ne a naoã, la ned dag n ka be n na n fãag pe-raoogã boɛɛgã nugẽ ye.

Zozuwe 1:5

Fo vɩɩmã tɛka, ned ba a ye kõn tõog n teeg a yãoog ne foom ye. Bala, mam na n zĩnda ne foom wa m sẽn zĩnd ne a Moyiisã. Mam na n yãaga foom, la mam kõn tol n bas n ka sõng-f ye.