A Dãniyɛlle 10:8 - WẼNNAAM SEBRE 2014

⁸ Dẽ, maam m yembr bal n kell pa n yãnd vẽnegrã. La mam gĩinã maagame, tɩ mam nengã bonge, la mam dag n ka leb n tar pãng baa bilf meng ye.

A Dãniyɛlle 10:8 Iomraidhean Croise

Sɩngrẽ 32:31

A Zakoob boola zĩ-kãng yʋʋr tɩ Peniyɛlle. Bala, yẽnda yeelame tɩ yẽnda yãnda Wẽnnaam neng n ket n vɩ.

Yikri 3:3

A Moyiis yeelame: «Mam na n bʋdg n gesa yel-solem-kãngã. Yaa bõe tɩ bugmã ka rɩt tuugã?»

A Dãniyɛlle 10:16

La gese, mam yãnda bũmb sẽn wẽnd ninsaala, la a sɩɩsa mam no-bɩmsã. La mam yaaga m noor n sɩng goamã. Mam yeela ned ning sẽn yas-a mam taoorã yaa: «M soaala, vẽnegrã kɩtame tɩ mam yamã bondge, la mam ka leb n tar pãng baa bilf ye.

A Dãniyɛlle 10:17

M soaala, mam sẽn yaa yãmb tʋmtʋmdã na n yɩ a wãn n tõog n gom ne yãmba? Bala moasã wã, mam ka leb n tar pãng baa bilfu, la mam vʋʋsem yõkdame.

A Dãniyɛlle 7:28

Yaa koɛɛgã baoosg la woto. Dẽ, maam a Dãniyɛll yamã bõdmame, la rabeem kẽe maam wʋsgo, hal tɩ m nengã teke, la mam bĩnga bõn-kãensã fãa m sũurẽ.

A Dãniyɛlle 8:27

Maam a Dãniyɛll pãngã sɛɛme, la mam yɩɩ bãad rasem bilfu, la mam yĩnsã sẽn sigi, mam yiime n tɩ tʋm rĩmã yĩnga. La vẽnegrã yɩka mam pɛlenga, la mam ka tol n wʋm a võor ye.

A Dãniyɛlle 8:7

La mam yãnda boɛɛgã sẽn kolgd pe-raoogã ne sũ-yikri. La a tãaga pe-raoogã, n kao a yɩɩl a yiibã fãa, la pe-raoogã rag n ka tar pãng n tõe n zab ne-a ye. La a luba pe-raoogã tẽnga, n tab-a ne a naoã, la ned dag n ka be n na n fãag pe-raoogã boɛɛgã nugẽ ye.

Abakuk 3:16

Mam sẽn wʋm bʋrgã, mam põaagã bendgame. Bʋrgã kɩtame tɩ m no-bɩmsã rigda, tɩ mam kõabã wãgda, tɩ m naoã gĩin maage. La m dag n yasa sɩɩ n gũudẽ, m dag n gũuda sũ-sãangã daare, m dag n gũuda daar ning tõnd sẽn na n tɩ zab ne sẽn zabd-b ne tõndã.

A Matiye Sõng 17:6

La karen-biisã sẽn wʋm koe-kãngã, rabeem kãseng yõk-b lame tɩ b lʋɩ n fõgen b nens tẽnga.

A Mark Sõng 9:6

A rag n ka mi a sẽn yet ye. Bala, rabeem kãseng n dag n kẽ-ba.

A Zã Sõng 16:32

Ad wakat n wate, la a zoe n taame, tɩ b na n sãeeg yãmb fãa yembr-yembre, la yãmb na n basa maam m yembre. La mam ka m yembr ye. Bala, m ba bee ne maam.

2 Korẽnt rãmba 12:7

La sẽn na n yɩl tɩ mam da wuk m meng vẽneg-kãsen‑kãensã yĩnga, b ninga gõaag mam yĩnga pʋgẽ, sẽn yaa sʋtãan tʋmtʋmd t'a namsd maam, tɩ mam da wa n pid ne wuk‑m‑meng ye.

Vẽnegre 1:17

Mam sẽn yãnd-bã, mam lʋɩɩ b taoor n yaa wa kũum. Bãmb tika maam ne b nug-rɩtg n yeel yaa: Da maan rabeem ye!