A Dãniyɛlle 10:6 - WẼNNAAM SEBRE 2014

⁶ Yẽnda yĩngã rag n wẽnda wa kug-neere, t'a nengã pɩnd wa sa-yãgbo, la a ninã yaa wa bug-witim, t'a naoã ne a nusã yaa wa zũud b sẽn duug tɩ pɩnda, la a sã n gomda, a koɛɛgã wẽnda wa neb-kʋʋng n gomde.

A Dãniyɛlle 10:6 Iomraidhean Croise

Yikri 28:20

La rulg a naasẽ soabã tog n yɩɩ ne kirzoliti, ne onigsi, la ne zaspe kuga. B na n ninga bãmb sãnem gãtsã pʋsẽ.

A Salmo yɩɩla 5:14

Yẽnda nusã wẽnda sãnem-gils b sẽn ning kirzolit kug b pʋsẽ. Yẽnda yĩngã yaa wa wobg yẽn b sẽn maneg n pẽeg t'a pɩnda, n ning safɩɩr kug a pʋgẽ.

Ezekiyɛl 1:14

La bõn-vɩɩsã rag n zoet n kẽngdame la b watẽ, wa sa-tãse.

Ezekiyɛl 1:16

La ruzãnt-dãmbã rag n yãgda wa kirzoliti, la a naasã fãa rag n wẽnda taaba. Bãmb yalẽ wã ne b naandã rag n wẽnda wa ruzãnt fãa saga a to pʋgẽ.

Ezekiyɛl 1:24

Bõn-vɩɩsã sã n dag n kẽnda, mam wʋmda b pɩgsã rãamd sẽn wẽnd ko-kãsengã bʋrgo, bɩ Pãng-Soabã koɛɛga. La bʋrgã rag n yaa kãseng wa tãb-bi-kʋʋng bʋrgo. La b sã n yalse, b sikda b pɩgsã.

Ezekiyɛl 1:7

Bãmb karsã rag n yaa tɩrse, la b naoã rag n wẽnda nag-bil nao-bendo, la b rag n pɩnda wa zũud b sẽn duug tɩ pɩnda.

Ezekiyɛl 10:9

Mam gesame, la ade, ruzãnt-rãmb a naas n dag n be serubẽ-rãmbã sɛɛga, rat n yeel tɩ serubẽ fãa sɛɛgẽ, ruzãnt a yembr n be be. La ruzãnt-bãmb rag n pɩnda wa kirzoliti.

Ezekiyɛl 40:3

La b sẽn tall maam n tɩ sik beenẽ wã, mam yãnda rao a yembre, t'a yalẽ wã wẽnd zũudu. Yẽnda rag n zãada lamd gĩs-bãaneg wĩir ne raoog sẽn tar n magd a nugẽ, n yas tẽngã noore.

Ezekiyɛl 8:2

Mam gesame, la ade, mam yãnda bũmb sẽn wẽnd ninsaala. La sẽn sɩng a sɛɛgã tɛk n tar n dabd tẽngrã rag n yaa wa bugum. La a sɛɛgã tɛk n tar n dabd zugẽ wã rag n yãnga ne vẽenem sẽn yãgda.

A Matiye Sõng 17:2

A Zeezi tedga bãmb taoore: bãmb nengã rag n yãgda wa wĩntoogo, la b futã lebga peels wa vẽenem.

A Matiye Sõng 28:3

Malɛɛkã dag n wẽnda wa sa-yãgbo, la a fuugã yaa pɛɛlg fasɩ wa lampalga.

A Luk Sõng 9:29

La bãmb sẽn pʋʋsd wakate, b nengã yalẽ tedgame, la bãmb futã lebga peels n pɩnda.

Vẽnegre 10:1

Mam yãnda malɛɛk a to sẽn tar pãng n yer sawadgo, t'a yi arzãn n sigda, la saag-gomtɩʋʋg n dag n be yẽnda zugẽ wã. A nengã rag n yaa wa wĩntoogo, la a naoã rag n yaa wa bugum.

Vẽnegre 19:12

Bãmb ninã yaa wa bug-witim. Maanf-rãmb wʋsg n fõg bãmb zugã. Bãmb tara yʋʋr sẽn gʋls tɩ ned baa a yembr ka mi, sã n ka bãmb mengã bala,

Vẽnegre 2:18

Gʋls Tɩyatɩɩr wẽnd doogã gũud n yeel-a yaa: Ad Wẽnnaam Bi-riblã, sẽn tar-a nin sẽn wẽnd bug-witim t'a nao wẽnd wa zũudã sẽn yeta:

Vẽnegre 21:20

la a nu soabã yɩɩ ne kugr sẽn boond tɩ sadonigsi, la a yoob soabã yɩɩ ne kugr sẽn boond tɩ sardoan, la a yopoe soabã yɩɩ ne kugr sẽn boond tɩ kirzoliti, la a nii soabã yɩɩ ne kugr sẽn boond tɩ berilli, la a wɛ soabã yɩɩ ne kugr sẽn boond tɩ topaaze, la piig soabã yɩɩ ne kugr sẽn boond tɩ kirzopraaze, la piig la a yembr soabã yɩɩ ne kugr sẽn boond tɩ Iyasẽnte, la piig la a yiib soabã yɩɩ ne kugr sẽn boond tɩ ametisti.