A Dãniyɛlle 10:20 - WẼNNAAM SEBRE 2014

^20-21 Nedã soka maam yaa: «Fo mii bũmb ning sẽn wa ne maam fo nengẽ wã bɩ? Mam waame n na n togs foom bũmb ning sẽn gʋls sɩdã sebr pʋgẽ wã. La moasã, mam na n lebg n tɩ zaba ne sɩɩg ning sẽn yaa Pɛrs-rãmbã soolem gũudã, la Gɛrs-rãmbã soolem gũudã na n waame. La sã n ka yãmb gũud a Mikayɛll a yembr bala, ned baa a yembr ka na n sõng maam n zab ne-b ye.»

A Dãniyɛlle 10:20 Iomraidhean Croise

Esdras 4:4

Dẽ, tẽngã neb bao n na n booga Zʋʋda nebã raoodo, la b kẽes-b rabeem, sẽn na n yɩlẽ tɩ b bas Wẽnnaam doogã meebo.

A Ezayi 37:36

La Sẽn-Ka-Saab malɛɛkã yiime n kẽng Asiiri nebã tãb-sikẽ, n tɩ kʋ raop tus koabg la pis-nii la a nu. B sẽn yik yibeoogo, b mikame tɩ bãmb fãa yaa kũum n dʋrẽ!

A Dãniyɛlle 10:13

Ad yaa sɩɩg ning sẽn yaa Pɛrs-rãmbã soolem gũudã n tek n gɩdg maam dasem pisi la a yembre. La a Mikayɛll sẽn yaa gũudbã nanamb-bɛdã ned a yembrã wa n zab n sõnga maam. Dẽ wã, yaa Pɛrs-rãmbã rĩm-dãmb nengẽ la mam dag n tek n beẽ.

A Dãniyɛlle 7:6

Rẽ zugẽ, mam dag n getame, la mam yãnda rũng a to sẽn wẽnd ãbga, la a rag n tara pɩgs a naas sẽn yaa liuul pɩgs a poorã zugu, la rũn-kãng rag n tara zut a naase, la b kõ-a-la naam.

A Dãniyɛlle 8:21

Boɛɛgã sẽn tar kõbd wʋsgã mamsda Gɛrɛs rĩmã. La yɩɩn-bedrã sẽn dag n be a ninã sʋkã mamsda pipi rĩmã.

Tʋʋma 12:23

Wakat-kãng bala, Zu-soabã malɛɛk wẽe rĩm a Eroode, yẽ sẽn dɩk Wẽnnaam waoogrã n kõ a mengã yĩnga. La zũnzũy n dɩ-a t'a ki.