A Dãniyɛlle 10:19 - WẼNNAAM SEBRE 2014

¹⁹ Yẽnda yeela maam yaa: ‹Wẽnnaam nin-nongre, ra zoe rabeem ye. Gãneg f yam! Keng f meng n paam daoodo!› La yẽnda sẽn dag n gomd ne maamã wakate, mam leb n paama pãng n tõog n gom n yeele: M soaala, bɩ y gome! Bala, yãmb leb n kõ-m-la pãnga.»

A Dãniyɛlle 10:19 Iomraidhean Croise

Yɩɩn‑sõamyã 138:3

Mam sẽn bool yãmbã, y leok-m lame, yãmb kenga mam pɛlga, n paas-m pãnga.

A Ezayi 35:4

Yeel-y neb nins pelens sẽn yɩgdã yaa: «Keng-y y mens n da zoe rabeem ye. Ade, yãmb Wẽnnaamã bee ka! Sũ-dokrã ne Wẽnnaam keoorã watame. Bãmb na n waa b toor n wa fãag yãmba.

A Ezayi 41:10

Da zoe rabeem ye, bala, mam bee ne foom. Da maan yɩɩr ye, bala, mam yaa fo Wẽnnaam. Mam kõta foom pãnga, la m na n wa sõnga foom, mam na n tebenda foom ne m nug-rɩtg sẽn tõogdã.

A Ezayi 41:14

Zakoobe, fo sẽn yaa wa zũnzuur balã, da zoe rabeem ye, Israyɛlle, fo yaa zũnzuur bala. Mam wa n na n sõnga foom. Yaa maam a Sẽn-Ka-Saab sẽn yaa fo fãagda, n yaa Israyɛll Pʋ-Peelem-Soabã n yeele.

A Dãniyɛlle 10:18

La sẽn wẽnd-a ninsaalbã leb n sɩɩsa maam, n leb n kõ maam pãnga.

A Dãniyɛlle 9:23

Hal fo se-yõkrã sɩngrẽ, Wẽnnaam tʋma koɛɛga, la mam waame n na n togs foom koe-kãnga. Bala, fo yaa Wẽnnaam nin-nongre. Kelg koɛɛgã neere, la f wʋm vẽnegrã võore.

A Aaze 2:4

Moasã, maam a Sẽn-Ka-Saab yetame: «Zorobabɛlle, paam daoodo! A Yehosadak biig a Zozoe sẽn yaa maan-kʋʋr kãsmã, paam daoodo! Yãmb a tẽngã gill fãa nebã, paam-y raoodo! Yaa maam a Sẽn-Ka-Saab n yeele. Tʋm-y-yã! Bala, mam bee ne yãmba, yaa maam a Saasẽ-Pãng-Soabã n yeele.

Zakari 8:13

Dẽ, Zʋʋda buudu, Israyɛll buudu, yãmb sẽn dag n lebg kãab-wẽng bãnd bu-zẽmsã sʋk to-to wã, woto me, mam na n fãaga yãmba, la yãmb na n lebga buud sẽn tar barka. Da zoe-y rabeem ye, paam-y raoodo!»

Zakari 8:9

Saasẽ-Pãng-Soabã yetame: «Yãmb dãmb sẽn wʋm gom-kãensã no-rɛɛsdbã sẽn togs wakat ning b sẽn yẽbg Saasẽ-Pãng-Soabã roogã, la wakat ning b sẽn na n me-a wã, paam-y raoodo!

A Zã Sõng 11:3

Ma-bi-pogs a yiibã tʋmame tɩ b tɩ yeel a Zeezi yaa: «Zu-soaba, ad ned ning yãmb sẽn nongã bẽedame.»

A Zã Sõng 11:36

Dẽ, Zʋɩf-rãmbã yeelame yaa: «Ges-y-yã a sẽn dag n nong-a to-to!»

A Zã Sõng 11:5

La a Zeezi yaool n dag n nonga a Mart ne a ma-bi-poakã, la a Lazaare.

A Zã Sõng 14:27

Mam basda laafɩ ne yãmba. Mam kõta yãmb m laafɩ. Mam ka kõt yãmb wa dũni wã sẽn kõtã ye. Bɩ y ra sak tɩ y sũyã sãam wall rabeem yõk yãmb ye.

A Zã Sõng 16:33

Mam goma ne yãmb a woto tɩ yãmb tõe n paam vɩ‑bãan mam pʋgẽ. Yãmb na n paama namsg dũniyã pʋgẽ. La bɩ y keng y sũyã, bala, mam tõoga dũniyã.

A Zã Sõng 19:26

A Zeezi sẽn yã b ma wã, la karen-biig ning bãmb sẽn nongã, t'a yɛs b ma wã sɛɛgẽ, b yeela b ma yaa: «Paga, ad f bi-ribla.»

A Zã Sõng 21:20

A Pɩyɛɛr wẽnegame n yãnd karen-biig ning a Zeezi sẽn nongã t'a wat bãmb nengẽ. Yaa soab‑kãng n kɩll a Zeezi yãoogẽ wã rɩɩbã wakat n sok bãmb tɩ: Zu-soaba, yaa ãnda n na n zãmb yãmb n yõk n kõ wã?

1 Korẽnt rãmba 16:13

Neend-y-yã! Yals-y kãenkãe tẽebã pʋgẽ! Yɩ-y raopa, keng-y y mense.

2 Korẽnt rãmba 12:9

La b yeela maam yaa: «Mam barka sekda foom. Bala, yaa pãn-komsmã pʋg la mam pãngã maand a tʋʋmde.» Dẽnd mam na n maana sũ-noog m pãn-komsmã pʋga, tɩ Kiris pãngã zĩnd mam zugu.

Efɛɛz Rãmba 6:10

Sẽn keta, mam yeta yãmb tɩ y paam raood Zu-soabã tũudum pʋgẽ, bãmb pãn-kãsengã maasem yĩnga.

2 Tɩmote 2:1

Dẽ, m biiga, keng f meng bark ning sẽn be a Zeezi Kiris pʋgẽ wã pʋgẽ.

Zozuwe 1:9

Mam ka yeel foom tɩ f keng f meng n paam daood la? Da zoe rabeem ye, da yɛɛs ye. Bala, Sẽn-Ka-Saab sẽn yaa fo Wẽnnaamã na n zĩnda ne foom zĩig ninga fãa fo sẽn na n kẽnge.»

Vẽnegre 1:17

Mam sẽn yãnd-bã, mam lʋɩɩ b taoor n yaa wa kũum. Bãmb tika maam ne b nug-rɩtg n yeel yaa: Da maan rabeem ye!

Bʋ-kaoodba 6:23

La Sẽn-Ka-Saab yeela a Zedyõ yaa: «Gãneg f yam, la f ra yɛɛs ye. Fo ka na n ki ye.»