A Dãniyɛlle 10:16 - WẼNNAAM SEBRE 2014

¹⁶ La gese, mam yãnda bũmb sẽn wẽnd ninsaala, la a sɩɩsa mam no-bɩmsã. La mam yaaga m noor n sɩng goamã. Mam yeela ned ning sẽn yas-a mam taoorã yaa: «M soaala, vẽnegrã kɩtame tɩ mam yamã bondge, la mam ka leb n tar pãng baa bilf ye.

A Dãniyɛlle 10:16 Iomraidhean Croise

Yikri 4:10

A Moyiis yeela Sẽn-Ka-Saab yaa: «M Soaala, y kabre. Mam ka gom-minim soab ye. Ka zaamẽ, ka rabɩtẽ wall yãmb sẽn sɩng n gomd ne mam sẽn yaa yãmb tʋmtʋmdã zugẽ me ye. La yaa tɩ mam sɩng n yaa bidga.»

Yikri 4:13

La a Moyiis leokame: «Y kabre, m Soaala! M kotame tɩ y tʋm yãmb sẽn dat-a soaba!»

Kowelɛt 1:18

Bala, ned yam sã n waoogẽ, a tara sũ-sãang wʋsgo. La ned sẽn paasd a meng bãngre, a paasda a meng toogo.

A Ezayi 6:7

Yẽnda sɩɩsa mam noorã ne bug-saallã n yeele: «Yõwã sẽn sɩɩs fo nobɩmsã, b yiisa fo kongrã, la b kõo foom f yel-wẽndã sugri.»

Zeremi 1:9

Dẽ, Sẽn-Ka-Saab tẽega b nug n sɩɩs mam noorã n yeel maam yaa: Ade, mam ninga m goamã fo noorẽ.

Ezekiyɛl 1:26

La sa-gãongã sẽn be bõn-vɩɩsã zugẽ wã zugẽ, bũmb n dag n be beenẽ n wẽnd safɩɩre, n leb n wẽnd geere. La bũmb ning sẽn wẽnd geerã zugu, bũmb n dag n be beenẽ t'a yalẽ wã wẽnd ninsaala.

Ezekiyɛl 3:27

La mam sã n wa gom ne foom, m na n laka f zelemdã tɩ f yeel-b yaa: ‹Ade, Zu-soab a Sẽn-Ka-Saab yetame: Sẽn na n kelg-a bɩ a kelge, la sẽn ka rat n kelg-a bɩ a ra kelg ye. Bala, bãmb yaa buud sẽn yaa tõata.› »

Ezekiyɛl 33:22

Nin-kãng sẽn na n wa mam nengẽ wã daar ne yibeoogã ket tɩ beoogo, Zu-soabã sɩɩsa maam zaabr wakate, n kɩt tɩ mam zelemdã lake. Dẽ, mam zelemdã lakame tɩ mam ka leb n yaa muk ye.

A Dãniyɛlle 12:8

Maam a Dãniyɛll wʋma goamã, la m ka wʋm a võor ye. La mam sokame: M soaala, yel-bãmbã na n sɛɛ dabʋre?

A Dãniyɛlle 4:19

n-na! Yaa yãmb la tɩɩgã. Yãmb lebga kãseng n tar pãnga, la yãmb kãosengã zẽkame hal n tat saasẽ, la yãmb naamã taa dũniyã kɩremsã fãa.

A Dãniyɛlle 7:15

Maam a Dãniyɛll yamã bondgame, la vẽnegr ning mam sẽn yã wã kẽesa maam dabeem.

A Dãniyɛlle 7:28

Yaa koɛɛgã baoosg la woto. Dẽ, maam a Dãniyɛll yamã bõdmame, la rabeem kẽe maam wʋsgo, hal tɩ m nengã teke, la mam bĩnga bõn-kãensã fãa m sũurẽ.

A Dãniyɛlle 8:15

La maam a Dãniyɛll sẽn wa n ket n get vẽnegrã, la m baood n wʋm a võorã, mam yãnda bũmb sẽn wẽnd ninsaal sẽn wa n yals mam taoore.

A Dãniyɛlle 8:17

Dẽ, malɛɛk a Gabriyɛll kẽngame n kolg zĩig ning mam sẽn dag n be wã, la mam yɛɛsame, n lʋɩ n fõgen m neng tẽnga. La a yeela maam yaa: Ninsaal biiga, bãng tɩ vẽnegrã wilgda yɛlã sẽn na n yɩ to-to yaoolem wakate.»

A Dãniyɛlle 8:18

Malɛɛk a Gabriyɛll sẽn wa n ket n gomd ne maamã wakate, mam sobgame tɩ m nengã ket n fõg tẽnga. La a sɩɩsa maam n kɩt tɩ m yik n yals zĩig ning mam sẽn dag n beẽ wã.

A Dãniyɛlle 8:27

Maam a Dãniyɛll pãngã sɛɛme, la mam yɩɩ bãad rasem bilfu, la mam yĩnsã sẽn sigi, mam yiime n tɩ tʋm rĩmã yĩnga. La vẽnegrã yɩka mam pɛlenga, la mam ka tol n wʋm a võor ye.

A Dãniyɛlle 9:21

Mam dag n ket n bee pʋʋsg pʋga, la sẽn zems zaabr maoong maaneg wakate, malɛɛk a Gabriyɛll sẽn yaa ned ning mam sẽn dag n yãnd mam pipi vẽnegrã pʋgẽ wã yɩka ne tʋʋlem n wa mam nengẽ.

A Luk Sõng 1:64

Wakat-kãng bala, a Zakari zelemd lakame t'a sɩng n gomd n pẽgd Wẽnnaam.

A Luk Sõng 21:15

Bala, mam na n ninga goam y noorẽ, la m kõ-y yam, la yãmb bɛɛbã fãa baa a yembr kõn tõog n kɩɩs wall b wẽ nokoeemd ye.

A Zã Sõng 20:28

A Toma leoka bãmb n yeele: Mam Zu-soaba la mam Wẽnnaam!

Zozuwe 5:14

Raoã leokame: «Mam ka yãmb baa a yembr ned ye, mam yaa Sẽn-Ka-Saab tãb-biisã naaba, mam waa moas-moasã bala.» A Zozoe wõgemdame, n fõgen a neng tẽng n yeele: «M Zu-soaba y yeta y tʋmtʋmda t'a maan bõe?»

Vẽnegre 1:13

la ned sẽn be fɩtl-dogends a yopoe wã sʋka, n wẽnd Ninsaal Bi-ribla. B rag n yera fuug sẽn sig n ta b naoã, la b ra sẽbga b yãoog ne sãnem sẽbdga.

Bʋ-kaoodba 13:8

A Manoak pʋʋsa Sẽn-Ka-Saab n yeel yaa: «Sẽn-Ka-Saab sẽn yaa mam Wẽnnaam, mam kot-y lame tɩ y kɩt tɩ rao ningã yãmb sẽn dag n tʋmã leb n lebg n wa tõnd nengẽ, n wa wilg tõnd d sẽn tog n maan to-to ne biigã, a rogmã poore.»

Bʋ-kaoodba 6:13

La a Zedyõ leokame yaa: «Y kabre m soaala, Sẽn-Ka-Saab sã n bee ne tõndo, bõe yĩng tɩ yel-bãmbã fãa paamd tõndo? La bãmb sẽn dag n maan bõn-bãn nins fãa tɩ tõnd yaab-rãmbã togsd tõndã bee yɛɛnẽ? Tõnd yaab-rãmb yeela tõnd tɩ yaa Sẽn-Ka-Saab n yiis tõnd Ezɩpt tẽnga.» La maana a wãn moasã, tɩ Sẽn-Ka-Saab bas tõnd tɩ Madiyã nebã soog tõndo?

Bʋ-kaoodba 6:15

A Zedyõ yeela malɛɛkã yaa: «Y kabre m soaala, mam na n maana a wãn n tõog n fãag Israyɛll nebã? Ade, Manaase buudã fãa pʋgẽ, yaa tõnd doogã n tɩ yaa naong rãmba. Sẽn paase, mam ba wã zak pʋga, maam n yaa b fãa yao-zʋʋga.»