A Dãniyɛlle 10:12 - WẼNNAAM SEBRE 2014

¹² Nedã yeela maam yaa: «Dãniyɛlle, ra zoe rabeem ye. Bala, sẽn sɩng ne pipi daarã fo sẽn yãk yam n sik f meng fo Wẽnnaamã taoor n dat n bãng yɛlã võorã, b wʋma fo kosgã. La yaa bõn-kãng yĩng la mam sẽn wa wã.

A Dãniyɛlle 10:12 Iomraidhean Croise

Yɩɩn‑sõamyã 69:10

Bala, yãmb doogã nonglem sooga maam zãnga, la neb nins sẽn tʋʋd yãmbã tʋy lʋɩɩ mam zugu.

A Ezayi 35:4

Yeel-y neb nins pelens sẽn yɩgdã yaa: «Keng-y y mens n da zoe rabeem ye. Ade, yãmb Wẽnnaamã bee ka! Sũ-dokrã ne Wẽnnaam keoorã watame. Bãmb na n waa b toor n wa fãag yãmba.

A Ezayi 41:10

Da zoe rabeem ye, bala, mam bee ne foom. Da maan yɩɩr ye, bala, mam yaa fo Wẽnnaam. Mam kõta foom pãnga, la m na n wa sõnga foom, mam na n tebenda foom ne m nug-rɩtg sẽn tõogdã.

A Ezayi 41:14

Zakoobe, fo sẽn yaa wa zũnzuur balã, da zoe rabeem ye, Israyɛlle, fo yaa zũnzuur bala. Mam wa n na n sõnga foom. Yaa maam a Sẽn-Ka-Saab sẽn yaa fo fãagda, n yaa Israyɛll Pʋ-Peelem-Soabã n yeele.

A Ezayi 58:9

Dẽ, yãmb sã n boole, Sẽn-Ka-Saab na n leokame. Yãmb sã n bool n kos sõngre, b yetame: «Ad maam!» Yãmb sã n ka kɩt tɩ balgr ning sẽn be fo pʋgẽ wã zãag ne-fo, la y kɩt tɩ pãn-maanegã sɛ, la y bas nebã paoogre, la y bas y sẽn gomd gom-wẽnsã tɩ sɛ,

A Ezayi 65:24

Mam na n leokame tɩ b nan ka bool maam ye. Bãmb sẽn wat n ket n gomdã tɩ mam wʋmame.

A Dãniyɛlle 10:11

La nedã yeela maam yaa: «Wẽnnaam nin-nongr a Dãniyɛlle, kelg bũmb nins mam sẽn na n togs foomã neere. Yik n yals zĩig ning fo sẽn beẽ wã. Bala, b tʋma maam fo nengẽ.» Nedã sẽn yeel maam woto n sɛ, mam yikame n yas n digda.

A Dãniyɛlle 10:19

Yẽnda yeela maam yaa: ‹Wẽnnaam nin-nongre, ra zoe rabeem ye. Gãneg f yam! Keng f meng n paam daoodo!› La yẽnda sẽn dag n gomd ne maamã wakate, mam leb n paama pãng n tõog n gom n yeele: M soaala, bɩ y gome! Bala, yãmb leb n kõ-m-la pãnga.»

Maan‑kʋʋre 16:29

Ad no-tũudg ning sẽn ka sɛtã, b sẽn kõ yãmb t'a tog n pa wakat fãa yĩngã. Kiuug a yopoe soabã rasem piig daare, bɩ y loe noore, la y bas y tʋʋmã fãa, sã n yaa tẽng-n-neda, wall sãan sẽn wa n be yãmb sʋka.

Maan‑kʋʋre 16:31

Badaar na n yɩɩ vʋʋsg daar yãmb yĩnga, la yãmb tog n loee noore. Yõwã yaa no-tũudg sẽn ka sɛta.

Sõadga 29:7

Kiuug a yopoe soabã rasem piigã daare, yãmb tog n tigma taab n loe noor n waoog maam, la y ka tog n tʋm badaar ye.

A Matiye Sõng 28:10

A Zeezi yeel-b lame yaa: «Da zoe-y rabeem ye. Kẽng n tɩ yeel-y m ba-biisã tɩ b kẽng Galɩle. Yaa be la b na n yãnd maam.»

A Matiye Sõng 28:5

La malɛɛkã goma ne pagbã n yeel-ba: «Sã n yaa ne yãmba, bɩ y ra yɛɛs ye. Mam miime tɩ yãmb baooda a Zeezi b sẽn ka da-pɩk zugã.

A Mark Sõng 16:6

Yẽnda yeela bãmba: Da yɛɛs-y ye. Yãmb baooda Nazarɛt dao a Zeezi b sẽn ka da-pɩkã zugã. Bãmb vʋʋgame. Bãmb ka be ka ye. Ad zĩig ning b sẽn dag n gãneg bãmbã.

A Luk Sõng 1:13

Malɛɛkã yeela yẽnda yaa: Zakari, da zoe rabeem ye, bala, Wẽnnaam leoka fo pʋʋsgo. Fo pag a Elizabɛt na n doga bi-ribl n kõ-fo. La fo na n pʋda a yʋʋr t'a Zã.

A Luk Sõng 1:30

Malɛɛkã yeel-a lame yaa: Maari, da zoe rabeem ye. Bala, fo paama bark Wẽnnaam nifẽ.

A Luk Sõng 2:10

La malɛɛkã yeel-b lame yaa: «Da zoe-y rabeem ye. Bala, mam togsda yãmb koe-noog sẽn na n wa ne sũ-no-kãseng nebã fãa yĩnga.

A Luk Sõng 24:38

La a Zeezi yeel-b lame yaa: Bõe yĩng tɩ yãmb yɛɛsdẽ, la yaa bõe tɩ y sãmbd y sũyã pʋsẽ a woto?

Tʋʋma 27:24

la a yeela maam yaa: «Polle, ra zoe rabeem ye, yaa tɩlɛ tɩ fo ta rĩm a Sezaar taoore. La gese, Wẽnnaam sẽn yaa sõmblem soab la b maand nimbãan-zoeer ne foomã rɩka neb nins sẽn be koom-koglgã pʋg ne foomã vɩɩm n ning fo nugẽ.»

Vẽnegre 1:17

Mam sẽn yãnd-bã, mam lʋɩɩ b taoor n yaa wa kũum. Bãmb tika maam ne b nug-rɩtg n yeel yaa: Da maan rabeem ye!