A Dãniyɛlle 10:1 - WẼNNAAM SEBRE 2014

¹ Pɛrs-rãmbã rĩm a Siruus sẽn deeg naam tɩ yʋʋm tãablẽ, a Dãniyɛll b sẽn pʋd a soab yʋʋr t'a Bɛlsatzaarã paama koɛɛg sẽn yit Wẽnnaam nengẽ, la yaa koɛɛg sẽn yaa sɩda, la a wilgdame tɩ zab-kãseng n na n zĩndi. La a Dãniyɛll sẽn deeg koɛɛgã, a tagsame n bãng a võore.

A Dãniyɛlle 10:1 Iomraidhean Croise

Sɩngrẽ 41:32

Sã n yaa ne Faarõ zãmsdã sẽn yɩlem naoor a yiibã, rat n yeelame tɩ yaa Wẽnnaam meng n yãk yam n na n maan bõn-kãnga, la Wẽnnaam na n pids-a-la tao-tao.

2 Kibayã 36:22

La sẽn na n yɩlẽ tɩ Sẽn-Ka-Saab sẽn dag n gom ne a Zeremi wã paam pidsgu, Sẽn-Ka-Saab neka Pɛrs naab a Siruus yamã, a naamã pipi yʋʋmdã, t'a gʋls n wilg a soolmã neb fãa n yeele:

Esdras 3:7

Rẽ poore, b baoo ligd n kõ kug-pɛɛsdbã ne ra-wãadbã. La b bao koodo, bõn-yũudla, ne kaam n kõ Sɩdõ ne Tɩɩr tẽng nebã, tɩ b tõe n tall Libã tẽngã sɛɛdr tɩɩsã ra-sĩdim n pɩʋʋg ko-kãsengã n wa Zafa, n wa kõ-ba. Bãmb maana wa Pɛrs-rãmbã rĩm a Siruus sẽn kõ noor tɩ b maan to-to wã.

Esdras 4:3

La a Zorobabɛll ne a Zozoe, ne Israyɛll buudã kãsem-dãmb leoka bãmb yaa: «Yãmb ka na n naag tõnd n me roog n kõ tõnd Wẽnnaamã ye. Tõnd bal n na n me roogã n kõ Sẽn-Ka-Saab sẽn yaa Israyɛll Wẽnnaamã, wa Pɛrs-rãmbã rĩm a Siruus sẽn kõ tõnd noor to-to wã.»

Esdras 4:5

Dẽ, sẽn sɩng ne Pɛrs-rãmbã rĩm a Siruus sẽn wa n dɩt a naamã, n tɩ tãag rĩm a Daryuus naamã wakate, tẽngã neb kõo sagl-wẽns rãmb yaoodo, sẽn na n yɩl n gɩdg Zʋʋda nebã tɩ b ra tõog n pids b saagrã ye.

Esdras 6:14

Zʋʋda kãsem-dãmbã kẽnga taoor n me roogã ne tõogre, wa Wẽnnaam no-rɛɛsdb a Aaze ne a Ido biig a Zakari sẽn dag n yeelã. Bãmb mee roogã n sɛ wa Israyɛll Wẽnnaamã sẽn yeelã, la a yɩɩ wa rĩm a Siruus ne rĩm a Daryuus la rĩm a Artagzɛrzɛɛs sẽn yaa Pɛrs-rãmbã rĩm-dãmbã sẽn dag n kõ noorã to-to wã.

Esdras 6:3

«Rĩm a Siruus sẽn deeg a naamã pipi yʋʋmde, a kõo noor n yeel yaa: B tog n lebs n mee Wẽnnaam doogã sẽn be Zeruzalɛmã, tɩ yɩ maoong maaneg zĩiga. La b tog n lebg n dɩka pĩnd yẽbgrã. A zãntlemã tog n yɩɩ kãntɩɩg pis-yoobe, t'a yalmã yɩ kãntɩɩg pis-yoobe.

A Ezayi 44:28

Mam goma a Siruus wɛɛngẽ n yeel yaa: ‹A Siruus yaa mam pe-kɩɩma! Yẽnda na n pidsa mam datmã fãa. Yẽnda na n yeelame: Bɩ y lebs n me Zeruzalɛm, bɩ y yẽbg Wẽnnaam doogã!› »

A Dãniyɛlle 1:17

Wẽnnaam kõo kom-bɩ-bãmbã b naasã bãngre, la yam tɩ b tõog n bãng sɛbã fãa kaoreng ne yẽesem, la a Dãniyɛll dag n tara bãngr n tõe n bilg vẽnegr ne zãmsd fãa võyã.

A Dãniyɛlle 1:21

La a Dãniyɛll kell n paa na-yirã hal n tãag rĩm a Siruus naamã deegr yʋʋmde.

A Dãniyɛlle 1:7

Rĩmã sõgen-kãsengã teka bãmb yʋya: A pʋda a Dãniyɛll t'a Bɛlsatzaare, n pʋd a Hananiya t'a Sadrake, n pʋd a Misayɛll t'a Mesake, la a pʋd a Azariya t'a Abednego.

A Dãniyɛlle 10:14

Moasã, mam waame n na n wilg foom bũmb ning sẽn na n wa n paam fo nebã yaoolem wakatã. Bala, vẽnegr a yembr n ket wakat-kãng wɛɛngẽ.»

A Dãniyɛlle 11:2

Moasã, mam sẽn na n togs foomã yaa koɛɛg sẽn yaa sɩda. Ade, rĩm-dãmb a tãab n na n pʋgl taab n yɩ Pɛrs-rãmbã rĩm-dãmba. Rẽ zugẽ, naasẽ soab sẽn tar arzegs wʋsg n yɩɩd a taabã n na n zĩndi. La yẽnda arzegsã na n kɩtame tɩ yẽnda paam pãnga, yẽnda na n maana a sẽn tõe tɛk n yik zabr ne Gɛrk-rãmbã soolem.

A Dãniyɛlle 12:4

La bɩ foom a Dãniyɛll solg gom-kãense, la f pag sebrã hal tɩ ta yaoolem wakate. Neb wʋsg na n karma sebrã n paam bãngr n paase.»

A Dãniyɛlle 12:9

La b leoka maam yaa: «Dãniyɛlle, ra yɛɛs ye. Bala, gom-bãmbã tog n solgame, hal tɩ ta wakatã sɛɛbã.»

A Dãniyɛlle 2:21

Yam ne pãng yaa bãmb n so. Bãmb n tekd wakate, la yɛla, Bãmb n kõt rĩm-dãmb naam, Bãmb n sikd rĩm-dãmb b naamẽ, Bãmb n kõt yam-dãmbã yam, la b kõt bãngdbã me bãngre.

A Dãniyɛlle 4:8

Tɩɩgã ra lebgda woko, n paamd pãnga, t'a zugã tẽkd sa-gãongã. La baa neb nins sẽn dag n be dũniyã kɩremsã fãa wã ra ne-a lame.

A Dãniyɛlle 5:12

Rao a Dãniyɛlle, yãmb ba wã sẽn pʋd-a soab yʋʋr t'a Bɛltasaarã, b mikame t'a yaa ned sẽn tar yam ne bãngre, n yɩɩd nebã fãa, n tõe n bilg zãmsdo, ne yel-soalem võyã, la a tõe n wilg yel-tood manegr soayã. Bɩ y kɩt tɩ b bool a Dãniyɛll t'a wa bilg a võorã n kõ-yã.»

A Dãniyɛlle 5:17

A Dãniyɛll leoka rĩmã yaa: «N-na, y tõe n talla y kũunã, y leb n tõe n dɩk-a lame n kõ ned a to. La baoosgo, mam na n karma gʋlsmã, la m bilg a võorã n kõ-yã.

A Dãniyɛlle 6:28

Yaa bãmb n fãagda, la b yolsdẽ, Bãmb n maand bãna la bõn-yɛɛsdse, saasẽ la dũniyã zug me. Yaa bãmb n fãag a Dãniyɛll tɩ gɩgmã wã ka kʋ-a ye.

A Dãniyɛlle 8:16

La mam wʋma ninsaal koɛɛg sẽn yi Ulayi kʋɩlgã sẽnẽ n kelem n yeel yaa: «Gabriyɛlle, bilg nin-kãngã vẽnegrã võore.

A Dãniyɛlle 8:26

Vẽnegr ning sẽn kẽed ne zaabr la yibeoog maandã wɛɛngẽ wã yaa bũmb sẽn yaa sɩda. Bɩ f bĩng-a f sũurẽ n da gom a yell tɩ ned wʋm ye. Bala, a yaa wakat sẽn ket n zãr yelle.

A Luk Sõng 1:20

Gese, fo na n lebga muka, la fo kõn tõog n gome, hal tɩ ta wakat ning bõn-kãngã sẽn na n paam pidsgã, fo sẽn ka tẽ mam goamã, tɩ b yaool n na n paam pidsgu, b wakat sã n ta wã yĩnga. »

Vẽnegre 19:9

Malɛɛkã yeela maam yaa: Gʋlse: Bark bee neb nins b sẽn bool tɩ b wa pe-bilã pʋg-peegr tigrã zutu! La a yeela maam yaa: Koe-kãngã yaa Wẽnnaam meng goamã.