A Dãniyɛlle 1:8 - WẼNNAAM SEBRE 2014

⁸ La a Dãniyɛll yãka yam t'a ka na n dɩ rĩmã rɩɩbã, la a yũ a reezẽ rãamã n dẽgem a meng ye. Dẽ, a kosa sõgen-kãsengã t'a ra modg yẽnda t'a rẽgem a meng ye.

A Dãniyɛlle 1:8 Iomraidhean Croise

1 Rĩm-dãmbã 5:5

La Zʋʋda ne Israyɛll tẽmsã pʋga, sẽn sɩng ne Dan buudã soolem n tɩ tãag Bɛɛr-Seba, nebã fãa rag n vɩɩ ne bãan la laafɩ. La rĩm a Salmo vɩɩmã tɛka, nebã fãa rag n vɩɩ ne bãane, n kood b reezẽ tɩɩs pʋto la b send b kankamse.

Yɩɩn‑sõamyã 106:28

Bãmb yam loee ne Baall-Pewoore, la b wãba maand b sẽn kʋ kɩɩms yĩng nemdo.

Yɩɩn‑sõamyã 119:106

Mam wẽen n pidsame, tɩ m na n saka yãmb tɩrlem bʋ-kaoorã.

Yɩɩn‑sõamyã 119:115

Tʋʋm-wẽns maandba, loog-y n bas-y maam, tɩ mam tõe n sak m Wẽnnaamã noyã!

Yɩɩn‑sõamyã 141:4

Da bas-y tɩ m sũurã tags wẽng ye. Da sak-y tɩ m naag nin-wẽnsã n tʋm tʋʋm-wẽns ye. Da bas-y tɩ m naag bãmb n maan b sẽn datã ye.

Yelbũna 23:3

Da tʋlg a rɩ-noodã ye, tɩ yaa belgr dɩɩbo.

A Dãniyɛlle 1:5

Rĩm a Nebukatnedzaar kõo noor tɩ b yãkd yẽnda meng rɩɩbã ne a reezẽ rãamã daar fãa, n kẽnd n kõt-ba. B rag n dat n wub-b-la woto yʋʋm a tãabo, tɩ rẽ poore, bɩ b yaool n tall-b n wa tɩ b be rĩmã sɛɛgẽ n tʋmd dĩmã tʋʋmã.

A Dãniyɛlle 5:4

Bãmb yũu reezẽ rãamã, la b waoog sãnem ne wanzuri, la zũudu, ne kut la raad ne kug wẽn-naandsã.

Tʋʋma 11:23

La yẽnda sẽn ta n yãnd Wẽnnaam sẽn ning tẽedbã bark to-to wã, a sũurã yɩɩ noogo. La a paasa b fãa raood n yet tɩ b kell n tũ Zu-soabã ne b sũyã fãa n da bas ye.

Tʋʋma 15:20

La bɩ d gʋls-b n yeel-b tɩ b lak b mens ne wẽn-naandsã maand nemdo, la wɩɩbdo, la b ra wãb rũng sẽn sãrg nemdo, la b ra rɩ zɩɩm ye.

1 Korẽnt rãmba 7:37

La sẽn yas-a kãenkãe, n mi a sẽn dat tɩ modgr kaẽ, yẽnda sã n yãk yam a sũurẽ t'a na n basa a biig a yiri, soab‑kãng maana neere.

2 Korẽnt rãmba 9:7

Bɩ ned kam fãa kõ wa sẽn zems a sẽn yãk yam a sũur pʋgẽ, la ra yɩ ne nen-gãneng wall modgr ye. Bala, Wẽnnaam nonga ned ning sẽn kõt ne sũ-noogo.

Yaoolem 32:38

Wẽnnaam-dãmb nins sẽn dag n dɩt yãmb maand nemd kaamã la b yũud y reezẽ rãamã bee yɛɛnẽ? B yik moasã n sõng-yã. B yik n kogl-yã!