A Dãniyɛlle 1:4 - WẼNNAAM SEBRE 2014

⁴ n yãk kom-bɩɩs kẽer sẽn ka tar zang b yĩngẽ wã, la sẽn yaa ra-sãmbã, n tar yam buud fãa, la bãngr ne minim, n tõe n tʋm na-yirã. La bɩ b zãms-b Kalde rãmbã buud goamã, ne sɛbã kaorengo.

A Dãniyɛlle 1:4 Iomraidhean Croise

Sɩngrẽ 41:46

A Zozɛf sẽn wa n na n kẽng rĩm a Faarõ taoorã, rẽ t'a tara yʋʋm pis-tã. La yẽnda sẽn yi Faarõ nengẽ wã, a tɩ gilga Ezɩpt soolmã zãng n gese.

2 Sãmwɛlle 14:25

Israyɛll tẽngã pʋga, ned dag n ka be t'a ra-sãnd ta a Absalom ye. Sẽn sɩng ne a zugã n tɩ tãag a nao-tẽngã, a rag n ka tol n tar zang ye.

Yelbũna 22:29

Ned sã n maand a tʋʋmd sõama, a ka na n tʋm nin-zaals yĩng ye, a na n tʋma rĩm-dãmb yĩnga.

Kowelɛt 7:19

Yam soab yam kõta yẽnda pãng n yɩɩd nanambs piig sẽn be tẽng a yembr pʋgẽ.

A Ezayi 36:11

A Eliyakim ne a Sebna la a Yoa yeela sõgen-kãsengã yaa: «Tõnd kotame tɩ y gom ne tõnd ne Aram-dãmbã goamã, tɩ tõnd wʋmdame. Da gom-y ne tõnd ne Zʋʋda nebã goam tɩ neb nins sẽn be lalgã zugã wa wʋm ye.»

Zeremi 5:15

Maam a Sẽn-Ka-Saab yetame: «Israyɛll nebã, ade, mam na n kɩtame tɩ buud sẽn yit zĩ-zãrgẽ wa zab ne-yã. Yaa buud sẽn tar pãng hal kʋdem-wẽndẽ. Yãmb ka mi b buudã sẽn gomd gomd ning ye, yãmb ka na n wʋm b sẽn gomdã võor me ye.

A Dãniyɛlle 2:10

Kalde rãmbã yeela rĩmã yaa: «N-na! Ned ka be dũniyã zug ka, n tõe n maan bũmb ning yãmb sẽn kotã ye. Sẽn paas me, rĩm nan ka zĩndi, ba a naamã ne a pãngã sẽn yaa to-to, n yeel tɩtã-rãmba, ne bãngdbã, wall Kalde rãmbã bãngdbã tɩ b maan bũmb a woto ye.

A Dãniyɛlle 2:2

Rĩm a Nebukatnedzaar kɩtame tɩ b bool tɩtã-rãmbã, ne bãngdbã, la bag-bʋgdbã ne Kalde rãmbã bãngdbã fãa, tɩ b wa bilg yẽnda a zãmsdã võore. La bãmb fãa waa rĩmã nengẽ.

A Dãniyɛlle 3:8

La wakat-kãng bala, Kalde rãmbã kolga rĩmã n kãneg zʋɩf-rãmbã.

A Dãniyɛlle 4:7

Ad bũmb nins mam sẽn yã m zãmsdã pʋga. Wakat ningã mam sẽn wa n gãe m gãagẽ wã: Mam yãnda tɩ-wok bedr sẽn yas dũniyã tẽn-sʋka.

A Dãniyɛlle 5:11

Ned a yembr n be yãmb soolmẽ wã n tar wẽnnaam-sõmyã sɩɩga. Yãmb ba wã zamaanẽ, b mikame t'a yaa ned sẽn tar vẽnegre, bãngre la a tar yam wa wẽnnaam-dãmbã yam. Dẽ kɩtame, tɩ rĩm a Nebukatnedzaar sẽn yaa yãmb ba wã yãk-a n kɩt t'a lebg tɩtã-rãmb ne bãngdbã, la Kalde rãmba bãngdbã ne bag-bʋgdbã fãa naaba. Yaa yãmb ba wã n dag n maan woto.

A Dãniyɛlle 5:7

La rĩmã tãsame, n yeel tɩ b tɩ bool bãngdbã ne Kalde rãmbã bãngdbã, ne bag-bʋgdbã tɩ b wa. Dẽ, rĩmã yeela bãmb yaa: «Ned ning sẽn na n tõog-a n karm-a gʋlsmã, la a bilg a võorã n kõ-ma, b na n yeelga a soabã naam fuugu, la b pid a soabã kokor sãnem yãndo, la b kõ-a naam n kɩt t'a yɩ tãabẽ-soab mam soolmã nanambs sʋka.»

A Dãniyɛlle 9:1

A Asuyeruus biig a Daryuus sẽn yaa Meed-rãmbã buud nedã sẽn wa n lebg Babilond soolem dĩmã pipi yʋʋmdã pʋga, maam a Dãniyɛll karma sɛbã pʋse, n bãng tɩ na n taa yʋʋm pis-yopoe tɩ Zeruzalɛm sãoongã yaool n sɛ, wa Wẽnnaam no-rɛɛs a Zeremi sẽn dag n yeelã:

Zakari 2:4

Mam sokame yaa: «Bãmb wat n na n maana bõe?» La malɛɛkã leoka maam yaa: «Yɩɩlã sẽn sãeeg Zʋʋda nebã tɩ ned ba a yembr ka leb n tõe n doog a zugã, sãeebã waame n na n kɩt tɩ rabeem yõk buud a taabã, n sãam b pãngã, b sẽn zab ne Zʋʋda nebã yĩnga, la yaa sẽn na n yɩl n sãeeg-ba.»

Tʋʋma 7:20

La yaa wakat-kãng la b rog a Moyiisi. A rag n yaa bi-neere n ta Wẽnnaam yam. La yẽnda zĩnda a ba wã zakẽ kiis a tãabo.

Tʋʋma 7:22

B zãmsa a Moyiis Ezɩpt-rãmbã yamã fãa. La a goamã ne a tʋʋmã ra tara pãnga.

Efɛɛz Rãmba 5:27

n kɩt tɩ bãmb tẽedbã sẽn tar ziirã yals bãmb taoor tɩ rẽgdo, wall yõbdo, wall bũmb sẽn wẽnd a woto ra zĩnd ye, la tɩ b na yɩ pʋ-peelem dãmb sẽn ka tar yell ye.

Bʋ-kaoodba 8:18

Rẽ poore, a Zedyõ soka a Zeba ne a Salmuna yaa: «Neb nins yãmb sẽn kʋ Taboorã rag n yaa wãn-wãna?» La bãmb leokame yaa: «Bãmb ra wẽnda foom a Zedyõ, la b ned kam fãa rag n yaa wa na-biiga.»