A Dãniyɛlle 1:20 - WẼNNAAM SEBRE 2014

²⁰ Yɛl nins fãa sẽn kẽed ne yam la bãngrã wɛɛngẽ, rĩmã sã n sokd n dat n bãng b võore, a mikdame t'a Dãniyɛll dãmb yɩɩda tɩtã-rãmba, ne bãngdbã sẽn be yẽnda soolmã fãa pʋgẽ wã naoor piiga.

A Dãniyɛlle 1:20 Iomraidhean Croise

Sɩngrẽ 31:7

La yãmb ba wã bao n na n zãmba maam n tek mam yaoodã naoor piiga. La Wẽnnaam ka sak n bas tɩ yẽnda maan maam wẽng ye.

Sɩngrẽ 41:8

Beoogã sẽn vẽege, Faarõ pɛlengã yɩkame t'a kɩt tɩ b bool tɩtã-rãmb fãa ne Ezɩpt tẽngã tɩtã-rãmb zãng tɩ b wa. La Faarõ togsa bãmb yẽnda zãmsdã sẽn yɩ to-to. La bãmb ned baa a yembr ka tõog n na n bilg zãmsd baa a yembr võor n kõ Faarõ ye.

A Neemi 4:12

La tãn-metbã ned kam fãa rag n sẽbga zabr sʋʋg a sɛɛga, la a tʋmdẽ. La bar-pɛɛbdã rag n bee ne maam.

A. Zoobe 19:3

Yaa naoor piig soab la woto yãmb sẽn tʋʋd maam. Yãmb sẽn tar maam n yaandẽ wã yãnd ka tar-yã?

Yɩɩn‑sõamyã 119:99

Mam tara yam n yɩɩd m zu-soben-dãmbã, bala, yaa yãmb noyã yell bal la mam tagsda.

Yikri 7:22

Ezɩpt tɩtã-rãmb me maana woto ne b tɩɩmã. La Faarõ sũurã riglmame tɩ yẽnda ka kelg bãmb ye. Kell n yɩɩ wa Sẽn-Ka-Saab sẽn dag n yeelã.

Yikri 8:19

La mam na n welga m nebã ne fo nebã. Yaa beoog la bõn-bãn-kãng na n zĩndi.»

Yikri 8:7

Lomsã na n basa fo yirã ne f tʋmtʋmdbã la f nebã. Yaa Nill kʋɩlgã pʋgẽ bal la lomsã na n kell n zĩndi.»

A Ezayi 19:3

Ezɩpt tẽng nebã yam na n menemame, mam na n zũndga bãmb saagrã. Bãmb na n tɩ soka wẽn-naandse, la b sok kɩɩmse, b na n kẽnda kinkir-bagb ne bag-bʋgdb nengẽ.

Ezekiyɛl 28:3

Ade, fo tara yam n yɩɩd a Dãniyɛlle, la bũmb ba a yembr ka solg ne foom ye.

A Dãniyɛlle 1:17

Wẽnnaam kõo kom-bɩ-bãmbã b naasã bãngre, la yam tɩ b tõog n bãng sɛbã fãa kaoreng ne yẽesem, la a Dãniyɛll dag n tara bãngr n tõe n bilg vẽnegr ne zãmsd fãa võyã.

A Dãniyɛlle 2:13

B moona zĩig fãa n wilg tɩ b na n kʋʋ bãngdbã fãa. La b baoo a Dãniyɛll ne a tũud-n-taasã me n na n kʋ.

A Dãniyɛlle 2:21

Yam ne pãng yaa bãmb n so. Bãmb n tekd wakate, la yɛla, Bãmb n kõt rĩm-dãmb naam, Bãmb n sikd rĩm-dãmb b naamẽ, Bãmb n kõt yam-dãmbã yam, la b kõt bãngdbã me bãngre.

A Dãniyɛlle 5:17

A Dãniyɛll leoka rĩmã yaa: «N-na, y tõe n talla y kũunã, y leb n tõe n dɩk-a lame n kõ ned a to. La baoosgo, mam na n karma gʋlsmã, la m bilg a võorã n kõ-yã.