A Dãniyɛlle 1:17 - WẼNNAAM SEBRE 2014

¹⁷ Wẽnnaam kõo kom-bɩ-bãmbã b naasã bãngre, la yam tɩ b tõog n bãng sɛbã fãa kaoreng ne yẽesem, la a Dãniyɛll dag n tara bãngr n tõe n bilg vẽnegr ne zãmsd fãa võyã.

A Dãniyɛlle 1:17 Iomraidhean Croise

1 Rĩm-dãmbã 3:12

mam na n maana wa fo sẽn kosã. Mam na n kõo foom yam ne bãngre. La neb nins sẽn zĩnd sẽn deng foomã, ne neb nins sẽn na n pʋgl foomã kõn tol n wẽneg foom ye.

1 Rĩm-dãmbã 3:28

Israyɛll nebã fãa sẽn wʋm dĩm a Salmo sẽn kao bʋʋdã to-to wã, bãmb zoee rĩmã. Bala, b yãame tɩ rĩmã tara Wẽnnaam yam n maand a tʋʋmã ne tɩrlem.

2 Kibayã 1:10

Dẽ wã yĩnga, bɩ y kõ maam yam, la bãngre, tɩ m tõog n lʋɩ y zãmã taoor n zã-ba! Bala, ãnda soab n tõe n zã y zãmã sẽn yaa wʋsg woto fãa wã?»

2 Kibayã 1:12

mam na n kõ foom yam, la bãngre. La sẽn paase, m na n kõ-f-la arzegs ne paoong la waoogre, wa rĩm-dãmb nins sẽn deng foomã n zĩndã sẽn zɩ n paame, la sẽn na n wa zĩnd-b fo loogr poorã sẽn kõ tol n paame.»

2 Kibayã 26:5

A Oozɩyaas baoo Wẽnnaam a Zakari vɩɩmã tɛka. A Zakari yaa ned sẽn dag n tar Wẽnnaam vẽnegr bãngre. La wakat ninga a Oozɩyaas sẽn dag n baood Sẽn-Ka-Saabã sasa, Sẽn-Ka-Saab dag n sõngd-a lame.

A. Zoobe 32:8

La sɩd-sɩdã, ninsaal pʋgẽ, yaa sɩɩg bal n be, yaa Pãng-Soabã sɩɩg bal n kõt ninsaal bãngre.

Yelbũna 2:6

Bala, yaa Sẽn-Ka-Saab n kõt yam, la bãngr ne yam-sõng yita bãmb noorẽ.

Kowelɛt 2:26

Ned manesem sã n tat Wẽnnaam yam, bãmb kõta a soab yam la bãngre, la sũ-noogo. La bãmb kõta yel-wẽn soab namsgo, t'a tʋm n wʋk n bĩng ned ning sẽn tat Wẽnnaam yamã. Woto me yaa zaalem, la a wẽnda wa ned sẽn digd sebgo.

A Ezayi 28:26

Yẽnda Wẽnnaam zãmsa yẽnda a sẽn tog n maane, Wẽnnaamã zãms-a-la bõn-kãnga.

Ezekiyɛl 28:3

Ade, fo tara yam n yɩɩd a Dãniyɛlle, la bũmb ba a yembr ka solg ne foom ye.

A Dãniyɛlle 1:18

La daar ning rĩm a Nebukatnedzaar sẽn yãk tɩ b tog n tall kom-bɩɩsã n wa a nengẽ wã sẽn ta, sõgen-kãsengã tall-b lame n kẽnge.

A Dãniyɛlle 1:20

Yɛl nins fãa sẽn kẽed ne yam la bãngrã wɛɛngẽ, rĩmã sã n sokd n dat n bãng b võore, a mikdame t'a Dãniyɛll dãmb yɩɩda tɩtã-rãmba, ne bãngdbã sẽn be yẽnda soolmã fãa pʋgẽ wã naoor piiga.

A Dãniyɛlle 1:4

n yãk kom-bɩɩs kẽer sẽn ka tar zang b yĩngẽ wã, la sẽn yaa ra-sãmbã, n tar yam buud fãa, la bãngr ne minim, n tõe n tʋm na-yirã. La bɩ b zãms-b Kalde rãmbã buud goamã, ne sɛbã kaorengo.

A Dãniyɛlle 10:1

Pɛrs-rãmbã rĩm a Siruus sẽn deeg naam tɩ yʋʋm tãablẽ, a Dãniyɛll b sẽn pʋd a soab yʋʋr t'a Bɛlsatzaarã paama koɛɛg sẽn yit Wẽnnaam nengẽ, la yaa koɛɛg sẽn yaa sɩda, la a wilgdame tɩ zab-kãseng n na n zĩndi. La a Dãniyɛll sẽn deeg koɛɛgã, a tagsame n bãng a võore.

A Dãniyɛlle 2:19

Dẽ, badaar yʋngo, Wẽnnaam vẽnega a Dãniyɛll yel-solem-kãng zãmsd pʋgẽ. La a Dãniyɛll waooga saasẽ Wẽnnaamã.

A Dãniyɛlle 2:21

Yam ne pãng yaa bãmb n so. Bãmb n tekd wakate, la yɛla, Bãmb n kõt rĩm-dãmb naam, Bãmb n sikd rĩm-dãmb b naamẽ, Bãmb n kõt yam-dãmbã yam, la b kõt bãngdbã me bãngre.

A Dãniyɛlle 2:23

Mam yaab-rãmbã Wẽnnaam, mam pẽgda yãmba, la m waoogd-y-yã, Yãmb sẽn kõ maam yam la pãngã yĩnga, bala, yãmb n vẽneg maam ne bũmb ning tõnd sẽn kos yãmbã, Yãmb n vẽneg tõnd ne yell ning sẽn pak rĩmã!»

A Dãniyɛlle 2:30

B sẽn vẽneg maam ne yel-solem-kãngã wã, ka rat n yeel tɩ mam tara yam n yɩɩd ninsaalbã fãa ye. La yaa sẽn na n yɩlẽ tɩ yãmb bãng y zãmsdã võore, la y bãng bũmb ning sẽn be yãmb tagsgẽ wã.

A Dãniyɛlle 4:6

«Bɛlsatzaare, fo yaa bãngdbã fãa naaba, la mam miime tɩ Wẽnnaam-sõmyã sɩɩgã bee ne foom, la yel-solemd ba a yembr ka be t'a bilgr yaa toog ne foom ye. Dẽ yĩngã, bɩ f bilg maam m zãmsdã võore.

A Dãniyɛlle 5:14

Mam wʋmame tɩ b gomd fo yell n yetẽ tɩ fo yaa ned sẽn tar wẽnnaam-sõmyã sɩɩga, tɩ la f tara vẽnegre, la bãngre, ne yam wʋsgo.

A Dãniyɛlle 7:1

Babilond dĩm a Bɛlsatzaar naamã pipi yʋʋmdã pʋgẽ, a Dãniyɛll sẽn wa n be a gãagẽ, a zãmsa zãmsdo, la a paam vẽnegre. La rẽ zugẽ, a Dãniyɛll gʋlsa bõn-kãng n wilg a sẽn yɩ to-to ball-balle.

A Dãniyɛlle 8:1

Rĩm a Bɛlsatzaar naamã reegr yʋʋm a tãab soabã pʋga, maam a Dãniyɛll leb n yãnda vẽnegr a to, la yaa mam pipi vẽnegrã mam sẽn yã tɩ loogã poore.

Sõadga 12:6

La Sẽn-Ka-Saab yeelame yaa: «Kelg-y bũmb ning mam sẽn na n yeel yãmbã neere. No-rɛɛs sã n be yãmb sʋkã, maam a Sẽn-Ka-Saab vẽnegda m mengã ne a soab zãmsd pʋgẽ.

A Luk Sõng 21:15

Bala, mam na n ninga goam y noorẽ, la m kõ-y yam, la yãmb bɛɛbã fãa baa a yembr kõn tõog n kɩɩs wall b wẽ nokoeemd ye.

Tʋʋma 6:10

La a Etɛn sẽn da gomd ne yam la Sɩɩg-sõng pãngã, b ka tõog n leok yẽnda ye.

Tʋʋma 7:10

La Wẽnnaam dag n bee ne a Zozɛfe, la b fãaga yẽnda a yel-pakrã fãa pʋgẽ. La Wẽnnaam kɩtame t'a Zozɛf tar yam la bark Ezɩpt rĩm a Faarõ nifẽ. La rĩm a Faarõ kɩtame t'a Zozɛf lebg Gʋvɛrneer n soog Ezɩpt ne a Farõ na-yirã neb fãa.

Tʋʋma 7:22

B zãmsa a Moyiis Ezɩpt-rãmbã yamã fãa. La a goamã ne a tʋʋmã ra tara pãnga.

Kolos Rãmba 1:9

Yaa woto yĩng n kɩt tɩ sẽn sɩng ne daar ning tõnd me sẽn wʋm kiba-kãngã wã, tõnd pʋʋsda Wẽnnaam yãmb yĩng n ka basdẽ ye, la d kot Wẽnnaam tɩ b pids yãmb sũyã ne bãmb daabã bãngre, la b kõ yãmb yam fãa, ne bãngr ning Sɩɩg-sõng sẽn kõtã.

Zake 1:17

Kũun-sõng fãa la kũun sẽn zems zãng fãa yita yĩngri, vẽenem ba wã nengẽ. Tekre, wall toeoong ka be bãmb pʋgẽ baa bilf ye.

Zake 1:5

Yam sã n paoog yãmb ned a yembre, bɩ a kos Wẽnnaam sẽn kõt nebã fãa ne yamleoog n ka lengdẽ wã, la b na kõ-a yamã.