A Aaze 1:8 - WẼNNAAM SEBRE 2014

⁸ Rʋ-y tãngã zug n tɩ bao raad n lebg n wa me m doogã, tɩ m sũur yɩ noog ne-a tɩ m wilg m ziirã beenẽ. Yaa maam a Sẽn-Ka-Saab n yeele.»

SEBR SÕNGO

⁸ Modg-y n dʋ y tãnga zugu n wa ne raado n le yik m doogã. Maam n wilgd-y, maam, Naaba-Wẽnd, tɩ ya ro-kãng pʋg la m na n deeg ne sũ-noogo, waoogr ning y sẽn tog n waoog-ma.

A Aaze 1:8 Iomraidhean Croise

Esdras 3:7

Rẽ poore, b baoo ligd n kõ kug-pɛɛsdbã ne ra-wãadbã. La b bao koodo, bõn-yũudla, ne kaam n kõ Sɩdõ ne Tɩɩr tẽng nebã, tɩ b tõe n tall Libã tẽngã sɛɛdr tɩɩsã ra-sĩdim n pɩʋʋg ko-kãsengã n wa Zafa, n wa kõ-ba. Bãmb maana wa Pɛrs-rãmbã rĩm a Siruus sẽn kõ noor tɩ b maan to-to wã.

2 Kibayã 7:16

La moasã mam yãka ro-kãngã, la m welg-a-la toore, tɩ mam yʋʋrã tõe n zĩnd a pʋg wakat fãa yĩnga. Mam nin ne mam sũurã na n zĩnda beenẽ wakat fãa

A Aaze 2:7

Mam na n kɩtame tɩ tẽmsã fãa zũndgi. B na n wʋka laog nins fãa sẽn tar yõodã n wa, la mam na n kɩtame tɩ ro-kãngã pid ne ziiri. Yaa maam a Saasẽ-Pãng-Soabã n yeele.

1 Rĩm-dãmbã 9:3

Sẽn-Ka-Saab yeela yẽnda yaa: «Mam wʋma fo pʋʋsgã ne f kosgã f sẽn kos maamã. Dẽ, mam na n welga roog ning fo sẽn me n kõ maamã toore, n ning m yʋʋrã a pʋgẽ wakat fãa yĩnga, la mam belmã ne m sũurã na n zĩnda ro-kãngã pʋg wakat fãa.

Yikri 29:43

La yaa be la mam na n segd Israyɛll nebã, la a na n welga toor mam yʋʋrã sẽn be beenẽ wã yĩnga.

A Aaze 2:9

Ro-kãngã sẽn na n paam ziir ningã, na n yɩɩga a sẽn dag n tar pĩndã. Maam a Saasẽ-Pãng-Soabã n yeele. Mam na n kɩtame tɩ vɩ-bãan zĩnd zĩ-kãngã. Maam a Saasẽ-Pãng-Soabã n yeele.

A Ezayi 66:11

tɩ yãmb tõe n paam yẽnda bĩisã sẽn kõt belsgã n yẽsem n tɩge, la y paam yẽnda ziirã noosem tɩ sek-yã.

A Ezayi 60:13

Libã tẽng ziirã na n waa fo nengẽ, yaa sɩprɛs raad ne orme la buyiis raado. Bãmb fãa na n wa paasa mam sɛk roogã zĩig neerlem. Mam na n kɩtame tɩ zĩig ning mam sẽn dogend m naoã paam ziiri.

A Ezayi 60:7

Kedaar tẽng rũm-kʋʋngã na n tigma fo nengẽ. La Nebayot tẽng pe-raadã na n yɩɩ fo tʋʋmdã yĩnga. B na n dɩka bãmb n maan maoong sẽn yõogd bugum mam tẽn-kugrã zugu, la m na n deega b maoongã. Mam na n kɩtame tɩ mam doogã sẽn tar ziirã yãge.

Esdras 6:4

Bɩ b ning kug-peesds n tong taab ruls a tãabo, ne ra-paal rulg a yembre. La yaa na-yirã n na n ges tʋʋmdã yaood yelle.

1 Rĩm-dãmbã 6:1

Rĩm a Salmo sẽn wa n na n sɩng Sẽn-Ka-Saab roogã meebã, rẽ tɩ yaa Israyɛll nebã sẽn yi Ezɩpt yembdã pʋg tɩ yʋʋm kobs-naas la pis-nii. La wakat-kãng yaa a Salmo sẽn deeg naamã tɩ yʋʋm naaslẽ. Dag n yaa yʋʋmdã kiuug a yiib soabã b sẽn boond tɩ Zɩɩv kiuugã pʋga.

A Aaze 1:7

Ade, maam a Saasẽ-Pãng-Soabã yetame: «Tags-y n ges-y yãmb sẽn yaa-a soabã.

1 Kibayã 22:19

Bɩ y bao Sẽn-Ka-Saab sẽn yaa yãmb Wẽnnaamã ne y sũyã fãa la ne y yamã fãa, la y me Sẽn-Ka-Saab sẽn yaa Wẽnnaamã roogo. Woto, y na n tõog n talla Sẽn-Ka-Saab kaoolã koglgã ne teed nins sẽn welg toor Sẽn-Ka-Saab yĩngã, n tɩ bĩng roog ning y sẽn na n me Sẽn-Ka-Saab yʋʋrã yĩngã pʋgẽ.